ପୁଣିଥରେ ଅନ୍ତରାଷ୍ଟ୍ରୀୟ ସ୍ତରରେ ପାକିସ୍ତାନକୁ ବେଜ୍ଜତି ସହିବାକୁ ପଡିଛି । ଭାରତ ଜାତିସଂଘରେ ପୁଣି ଥରେ ପାକିସ୍ତାନକୁ ଆଇନା ଦେଖାଇଛି । ଭାରତର ସ୍ଥାୟୀ ପ୍ରତିନିଧୀ ପାର୍ବଥାନେନୀ ହରିଶ୍ ପାକିସ୍ତାନ ସୈନ୍ୟଙ୍କ ବିରୋଧରେ ଏପରି ଅଭିଯୋଗ କରିଛନ୍ତି । ୧୯୭୧ ବାଂଲାଦେଶର ସ୍ଵାଧିନତାର ଯୁଦ୍ଧ ସମୟରେ ପାକିସ୍ତାନୀ ସେନା ନିଜର ନିର୍ଦ୍ଦୟ ଅଭିଯାନ ସର୍ଚ୍ଚଲାଇଟ ଅପରେସନ ଆରମ୍ଭ କରିଥିଲା । । ଏହି ସର୍ଚ୍ଚଲାଇଟ ଅପରେସନରେ ହିଁ ପାକିସ୍ତାନୀ ସେନା ୪ ଲକ୍ଷରୁ ଉର୍ଦ୍ଧ୍ଵ ମହିଳାଙ୍କୁ ଯୌନ ନିର୍ଯାତନା ଦେବା ସହ ଅନେକ ନିର୍ଦ୍ଦେଷ ଲୋକମାନଙ୍କୁ ମାରି ଦେଇଥିଲା ।

ପାକିସ୍ତାନ ମିଳିତ ଜାତିସଂଘ ସୁରକ୍ଷା ପରିଷଦରେ ଭାରତ ବିରୋଧରେ ଅନେକ ମିଛ ବୟାନ ରଖିଥିଲା । ପାକିସ୍ତାନ କହିଥିଲା, କାଶ୍ମୀର ମହିଳାଙ୍କୁ ଦଶନ୍ଧି ଧରି ଯୌନ ହିଂସା ସହିବାକୁ ପଡୁଛି । ହେଲେ ପାକିସ୍ତାନର ଏପରି ମିଥ୍ୟା ବୟାନବାଜୀର କଡା ଜବାବ ଦେଇ ହରିଶ୍ କହିଥିଲେ, "ଆମକୁ ଆମ ଦେଶ ବିରୋଧରେ ବିଶେଷ କରି ଭାରତର ଅଭିଚ୍ଛେଦ୍ୟ ଅଙ୍ଗ କାଶ୍ମୀର ବିରୋଧରେ ଭ୍ରମିତ କରୁଥିବା ଭାଷଣ ଶୁଣିବାକୁ ବାଧ୍ୟ କରାଯାଉଛି । ପାକିସ୍ତାନ ହେଉଛି ଏମିତି ଏକ ଦେଶ, ଯିଏ ନିଜ ଦେଶର ଲୋକଙ୍କ ଉପରେ ବୋମାମାଡ କରେ । ଦୂନିଆର ଧ୍ୟାନ ନିଜର କଳା କାରନାମା ଉପରୁ ହଟାଇବା ପାଇଁ ମିଥ୍ୟା ବୟାନବାଜି ଦିଏ । ୧୯୭୧ର ଅପରେସନ ସର୍ଚ୍ଚଲାଇଟ ସମୟରେ ପାକିସ୍ତାନୀ ସେନା ୪ ଲକ୍ଷ ମହିଳାଙ୍କୁ ଯୌନ ନିର୍ଯାତନା ଦେଇଥିଲା ।

ଅଧିକ ପଢନ୍ତୁ : ୨ ଆତଙ୍କୀ ସଂଗଠନର ମେଣ୍ଟ କରାଇଛି ISI, ଭାରତ ପାଇଁ ସତର୍କ ଘଣ୍ଟି

ଏହି ଗଣଦୁଷ୍କର୍ମ ଏକପ୍ରକାର ଯୋଜନାବଦ୍ଧ ଥିଲା । ପାକିସ୍ତାନ ସରକାର ସେମାନଙ୍କ ବିରୋଦ୍ଧରେ ସ୍ଵର ଉତ୍ତୋଳନ କରୁଥିବା ମହିଳା ଏବଂ ପୁରୁଷ ମାନଙ୍କ ଆନ୍ଦୋଳନକୁ ଦବାଇବା ପାଇଁ ଏପରି ଉଦ୍ୟମ କରିଥିଲେ । ବର୍ତ୍ତମାନ ବାଂଲାଦେଶ ଥିବା ପୂର୍ବ ପାକିସ୍ତାନ ନିଜର ଅଧିକାର ସାବ୍ୟସ୍ତ କରିବା ସହ ସ୍ଵାଧିନ ହେବାପାଇଁ ଆନ୍ଦୋଳନ ଆରମ୍ଭ କରିଥିଲେ । ଆଉ ଏହାକୁ ହଟାଇବା ପାଇଁ ପାକିସ୍ତାନୀ ସେନା ୪ ଲକ୍ଷରୁ ଅଧିକ ମହିଳାମାନଙ୍କୁ ଯୌନ ନିର୍ଯାତନା ଦେଇଥିଲେ । ଯାହାଫଳରେ ହଜାର ହଜାର ମହିଳା ଗର୍ଭବତୀ ହେବାସହ , କିଛିଜଣ ଯୁଦ୍ଧ ଶିଶୁକୁ ଜନ୍ମ ଦେଇଥିଲେ । ଅନେକ ମହିଳା ନିଜର ଗର୍ଭପାତ କରିଥିବା ବେଳେ ଅନେକ ଜଣ ଶିଶୁହତ୍ୟା ବି କରିଥିଲେ ।

୧୬ ଡିସେମ୍ବରରେ ପାକିସ୍ତାନୀ ସେନା ଆତ୍ମସମର୍ପଣ କରିବା ପରେ ଯୁଦ୍ଧ ବନ୍ଦ ହୋଇଥିଲା, ଏବଂ ବାଂଲାଦେଶ ସ୍ଵାଧିନ ଦେଶ ଭାବରେ ନିଜର ଅଧିକାର ଫେରି ପାଇଥିଲା । ପାକିସ୍ତାନର ଏହି ଘୃଣ୍ୟ କାର୍ଯ୍ୟରେ ପାକିସ୍ତାନୀ ଅଫିସରମାନେ ନିଜେ ମଧ୍ୟ ସାମିଲ ଥିଲେ । ଯାହାକୁ ଜାତିସଂଘ ସାମ୍ନାରେ ପର୍ଦ୍ଦାଫାଶ କରିଛନ୍ତି ପାର୍ବଥାନେନୀ ହରିଶ୍ । ଏହା କେବଳ ପ୍ରଥମ ଥର ନୁହେଁ, ଏହା ପୂର୍ବରୁ ମଧ୍ୟ ପାକିସ୍ତାନ ଜାତିସଂଘରେ ନିଜର ବେଜ୍ଜତି କରାଇସାରିଛି ।