ଏକ ଆଶ୍ଚର୍ଯ୍ୟଜନକ ଘଟଣା, ଯାହା ସମସ୍ତଙ୍କୁ ଚିନ୍ତାରେ ପକାଇ ଦେଇଛନ୍ତି । ଦୀର୍ଘ ୨୭ ବର୍ଷ ହେବ ସମସ୍ତେ ଜାଣିଛନ୍ତି ମିରେଲା ନାମକର ମହିଳା କେଉଁଆଡେ ଚାଲି ଯାଇଛନ୍ତି । ହେଲେ ପୋଲିସ ସବୁ ସତ ସାମ୍ନାକୁ ଆଣିବା ପରେ ସମସ୍ତଙ୍କର ଆଶ୍ଚର୍ଯ୍ୟର ସୀମା ଟପିଯାଇଛି ।

ଏପରି ଘଟଣା ପୋଲାଣ୍ଡ ସହରରେ ଦେଖିବାକୁ ମିଳିଛି । ମିରେଲା ନାମକ ଜଣେ ମହିଳାଙ୍କୁ ବନ୍ଦୀ ଘରୁ ଉଦ୍ଧାର କରାଯାଇଛି । ମହିଳାଙ୍କୁ ଏବେ ୪୨ ବର୍ଷ, ଯିଏ ୧୫ ବର୍ଷ ବୟସରୁ ନିଜରି ବେଡରୁମରେ ବନ୍ଦୀ ହୋଇ ରହିଥିଲେ । ଆଉ ତାଙ୍କୁ ବନ୍ଦୀ କରିଥିଲେ ତାଙ୍କ ବାପା ମାଆ । ହେଲେ ଯେତେବେଳେ ବି ପଡୋଶୀ ନିଜ ଝିଅ ବିଷୟରେ ପଚାରନ୍ତି, ସେମାନେ କୁହନ୍ତି ମିରେଲା କେଉଁଆଡେ ଚାଲିଯାଇଛି । ୧୯୯୮ରେ ତାଙ୍କୁ ତାଙ୍କ ବାପା ମାଆ ବନ୍ଦୀ କରିଥିଲେ ।

ହେଲେ ଘଟଣା ସେତେବେଳେ ସାମ୍ନାକୁ ଆସିଥିଲା, ଯେତେବେଳେ ସେହି ଆପାର୍ଟମେଣ୍ଟରେ କୌଣସି କଳହକୁ ନେଇ ପୋଲିସ ଯେତେବେଳେ ଆପାର୍ଟମେଣ୍ଟରେ ପହଞ୍ଚିଥିଲେ, ସେତେବେଳେ ସେହି ମହିଳାଙ୍କୁ ଉଦ୍ଧାର କରାଯାଇ ହସ୍ପିଟାଲ ପଠାଯାଇଥିଲା ।

ଅଧିକ ପଢନ୍ତୁ : କପିଲ ଶର୍ମାଙ୍କ କାଫେ ଉପରେ ତୃତୀୟ ଥର ଫାୟାରିଂ, ଆକ୍ରମଣ ପାଇଁ ନିଜକୁ ଦାୟୀ କଲା ବିଶ୍ନୋଇ ଗ୍ୟାଙ୍ଗ

ଡାକ୍ତରଙ୍କ ମୁତାବକ ମହିଳା ଜଣକଙ୍କ ଅବସ୍ଥା ଅତ୍ୟନ୍ତ ଗୁରୁତର ରହିଛି । ତାଙ୍କର ଚୁଟି ଏବଂ ଦାନ୍ତ ବେଶି ଗୁରୁତର ଆବସ୍ଥାରେ ରହିଛି ।ସେ ଏବେ ଡାକ୍ତରଖାନାରେ ମୃତ୍ୟୁ ସହ ଲଢେଇ କରୁଛନ୍ତି । ଆଉ କିଛିଦିନ ରହିଥିଲେ ବଞ୍ଚିବା ଅସମ୍ଭବ ହୋଇଥାନ୍ତା ବୋଲି କହିଛନ୍ତି ଡାକ୍ତର।

ମିରେଲା ତାଙ୍କର ସ୍ଵପ୍ନକୁ ଭୁଲି ସାରିଛନ୍ତି । ୧୫ ବର୍ଷ ତଳେ ନିଜ ଜୀବନ ନିଜ କ୍ୟାରିଅରକୁ ନେଇ ସେ ଯେଉଁ ସ୍ଵପ୍ନ ଦେଖୁଥିଲେ, ତାଙ୍କ ବାପାମାଆ ତାଙ୍କ ସେହି ସ୍ଵପ୍ନରେ ଲଗାମ ଲଗେଇ ଦେଇ ତାଙ୍କୁ କୌଠରରେ ବନ୍ଦ କରି ରଖିଥିଲେ । ହେଲେ କାହିଁକି ତାଙ୍କୁ ତାଙ୍କ ବାପା ମାଆ ବନ୍ଦୀ କରି ରଖିଥିଲେ, ତାର କାରଣ ଅସ୍ପଷ୍ଟ ରହିଛି । ପୋଲିସ ଏନେଇ ଅଧିକ ତଦନ୍ତ ଆରମ୍ଭ କରିଛି ।