Middle East UFO Sighting / ମଧ୍ୟପ୍ରାଚ୍ୟରେ ନଜର ଆସିଲା ଦ୍ରୁତ ଗତିରେ ଉଡୁ ରହସ୍ୟମୟ ଗୋଲକ; ପେଣ୍ଟାଗନ୍ ପକ୍ଷରୁ ୟୁଏଫଓ ଭିଡି଼ଓ ଜାରି

UFO Spotted in Midle East: ନିକଟରେ ଆମେରୀୟ ପ୍ରତିରକ୍ଷା ମୁଖ୍ୟାଳୟ ପେଣ୍ଟାଗନ୍ ବିଶ୍ୱ ସାମ୍ନାକୁ କିଛି ଗୁପ୍ତଚର ଫାଇଲ୍ ସାମ୍ନାକୁ ଆଶିଥିଲା। ଯେଉଁଥିରେ ପୂର୍ବରୁ କେବେ ଦେଖାଯାଇନଥିବା ଭିଡ଼ିଓ ଫୁଟେଜ୍ ଏବଂ ଦସ୍ତାବିଜ ଅନ୍ତର୍ଭୂକ୍ତ ରହିଥିଲା। ସବୁଠାରୁ ଚର୍ଚ୍ଚିତ ଭିଡି଼ଓ ହେଉଛି ୧ ମିନିଟ୍ ୩୯ ସେକେଣ୍ଡ ଅବଧି ବିଶିଷ୍ଟ ଏକ ଭିଡି଼ଓ, ଯେଉଁଥିରେ ଏକ ରହସ୍ୟମୟ ଗୋଲକ ମଧ୍ୟପ୍ରାଚ୍ୟର ଏକ ଆବାସିକ ଅଞ୍ଚଳ ଉପରେ ଦ୍ରୁତ ଗତିରେ ଉଡ଼ୁଥିବାର ଦେଖିବାକୁ ମିଳିଥିଲା।

ଦେଢ ବର୍ଷ ପାଇଁ ଲୁଚାଇ ରଖାଯାଇଥିଲା ଏହି ଘଟଣା
ଆମେରିକା ଯୁଦ୍ଧ ବିଭାଗ (U.S. Department of War) ଅନୁଯାୟୀ, ଆମେରିକା ସେନା କେନ୍ଦ୍ରୀୟ କମାଣ୍ଡ (US Central Command) ଗତ ଜୁଲାଇ ରେ ଅଲ୍-ଡୋମେନ୍ ଆନୋମାଲି ରିଜୋଲ୍ୟୁସନ୍ ଅଫିସ୍ (AARO) କୁ ଏହି ଘଟଣାରେ ଏକ ରିପୋର୍ଟ ଦାଖଲ କରିଥିଲା। ଯେଉଁଥିରେ କୁହାଯାଇଛି ଯେ ଭିଡିଓ ୨୦୨୫ ଜାନୁଆରୀ ପହିଲାରେ ଏକ ଆମେରିକୀୟ ସାମରିକ ପ୍ଲାଟଫର୍ମରେ ସ୍ଥାପିତ ସ୍ୱତନ୍ତ୍ର ଇଲେକ୍ଟ୍ରୋ-ଅପ୍ଟିକାଲ୍ ଏବଂ ଇନଫ୍ରାରେଡ୍ ସେନ୍ସର ଦ୍ୱାରା ରେକର୍ଡ କରାଯାଇଥିଲା। ସେନ୍ସର ଏହି ଗୋଲାକାର ବସ୍ତୁକୁ ବାମରୁ ଡାହାଣକୁ ପୃଷ୍ଠଭୂମିରେ ଟ୍ରାକ୍ କରି ଏହାକୁ ଫ୍ରେମ୍ ରେ କେନ୍ଦ୍ରୀତ କରିଥିଲା। ଏହି ସମୟରେ, ସେନ୍ସର ଏହାର ମୋଡ୍ ଏବଂ ଜୁମ୍ ସ୍ତରକୁ ଅନେକ ଥର ଆଡଜଷ୍ଟ କରିଥିଲା।

📹 Fresh From The UFO Vault: Pentagon Drops 41 Files Spanning 76 Years Of Mystery

A 2025 military video tracks an unidentified object flying above a Middle Eastern city using electro-optical and infrared sensors.

Separate CENTCOM footage shows another unknown object crossing an… pic.twitter.com/5MhysW7dJ3

— RT_India (@RT_India_news) August 8, 202

ଏପର୍ଯ୍ୟନ୍ତ ଅଜଣା ରହିଛି ଏହି ଘଟଣା ପଛର କାରଣ
ଆମେରିକୀୟ ତଦନ୍ତକାରୀ ଏହି ଘଟଣାକୁ "ଅସମାହିତ ରହସ୍ୟ" ଭାବରେ ବର୍ଣ୍ଣନା କରିଛନ୍ତି। ଯାହାର ଅର୍ଥ ହେଉଛି ଯେ ରହସ୍ୟମୟ ବସ୍ତୁ ଡ୍ରୋନ୍, ବେଲୁନ୍, କିମ୍ବା ଏକ ନୂତନ ବିମାନ ଥିଲା କି ନାହିଁ ତାହା ଏପର୍ଯ୍ୟନ୍ତ କେହି ସ୍ପଷ୍ଟ କରିନାହାଁନ୍ତି। ଆମେରିକୀୟ ଅଧିକାରୀ ସ୍ପଷ୍ଟ କରିଛନ୍ତି ଯେ ଅସମାହିତ ପ୍ରମାଣର ଅର୍ଥ ଏହା ଏଲିଏନ୍ ସହ ଜଡି଼ତ ନୁହେଁ। ପ୍ରକୃତରେ, ଏହାର ଅର୍ଥ ହେଉଛି ଯେ ଆମ ପାଖରେ କୌଣସି ଠୋସ୍ ନିଷ୍କର୍ଷରେ ପହଞ୍ଚିବା ପାଇଁ ପର୍ଯ୍ୟାପ୍ତ ସୂଚନା ଉପଲବ୍ଧ ନାହିଁ।

UFO spotted in the Middle East

Footage shows an object captured with an electro-optical and infrared sensor aboard a US military platform in 2025 flying over a city pic.twitter.com/dMob3QkQ4r

— RT (@RT_com) August 7, 202

ସମ୍ବେଦନଶୀଳ ସୂଚନାକୁ ଅଟକ ରଖାଯାଇଛି
ଏହି ରିପୋର୍ଟ ପ୍ରକାଶ କରି, ଆମେରିକା ସରକାର ଜାତୀୟ ସୁରକ୍ଷା ବଜାୟ ରଖିବା ପାଇଁ ସାକ୍ଷୀଙ୍କ ପରିଚୟ ଏବଂ UAP (Unidentified Anomalous Phenomena) ସହିତ ଜଡିତ ନଥିବା ସରକାରୀ ସାମରିକ ଘାଟିର ଅବସ୍ଥିତି ଭଳି ସମ୍ବେଦନଶୀଳ ତଥ୍ୟକୁ ଲୁଚାଇ ରଖିଛନ୍ତି। ହେଲେ ତଥାପି, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିର୍ଦ୍ଦେଶ ଅନୁଯାୟୀ, UAP ର ବାସ୍ତବତା ସମ୍ବନ୍ଧୀୟ କୌଣସି ଗୁରୁତ୍ୱପୂର୍ଣ୍ଣ ସୂଚନା ଜନସାଧାରଣଙ୍କ ଠାରୁ ଲୁଚାଇ ନ ରଖିବାକୁ ନିଶ୍ଚିତ କରିବା ପାଇଁ ସ୍ୱତନ୍ତ୍ର ଧ୍ୟାନ ନିଆଯାଇଛି।

ଏହା ସହ ପଢନ୍ତୁ: ଉଡ଼ାଣ ବେଳେ ଅଚାନକ ନଜର ଆସିଲା UFO! ତାଜୁବ ହୋଇଗଲେ ପାଇଲଟ୍

କାହିଁକି ଏବେ ଜାରି ହେଲା ଏହି ଭିଡ଼ିଓ?
UFO (Unidentified Flying Object) ସହ ଜଡ଼ିତ ଘଟଣା ପ୍ରତି ସାଧାରଣ ଲୋକଙ୍କ ଆଗ୍ରହ ବଢ଼ୁଛି। ବିଶ୍ୱବ୍ୟାପୀ ବିଭିନ୍ନ ଦେଶର ସରକାରଙ୍କ ଉପରେ ଏହି ରହସ୍ୟ ଉପରୁ ପର୍ଦ୍ଦା ହଟାଇବା ପାଇଁ ଚାପ ରହିଛି। ଜନସାଧାରଣଙ୍କୁ ସଠିକ୍ ସୂଚନା ପ୍ରଦାନ କରିବା ପାଇଁ ଏହି ପ୍ରୟାସର ଏକ ଅଂଶ ଭାବରେ ଏହି ଭିଡି଼ଓ ଜାରି କରାଯାଇଛି। ଅଧିକାରୀଙ୍କ କହିବା ଅନୁଯାୟୀ, ଆଗାମୀ ମାସରେ ଏପରି ଅଧିକ ଫାଇଲ୍ ସାର୍ବଜନୀନ ହୋଇପାରେ। କାରଣ ସାମରିକ ସେନ୍ସର ପୂର୍ବରୁ ଏପରି ଅନେକ ଗୋଲାକାର ବସ୍ତୁର ଗତିବିଧି ରେକର୍ଡ କରିସାରିଛି।