Pitbull Attack / ଯାହାର ଯତ୍ନ ନେଉଥିଲେ ସେହି ପିଟବୁଲ କାମୁଡ଼ାରେ ଚାଲିଗଲା ୨୩ ବର୍ଷୀୟା ଛାତ୍ରୀଙ୍କ ଜୀବନ

ଯାହାର ଦିନେ ଯତ୍ନ ନେଉଥିଲେ ସେ ହିଁ ତାଙ୍କୁ ମାରିଦେଲେ ଶେଷରେ। ଏମିତି ଲୋମଟାଙ୍କୁରା ଘଟଣା ଘଟିଛି ଟେକ୍ସାସ ଟାଇଲରରେ। ପୋଷା କୁକୁରମାନଙ୍କ ଆକ୍ରମଣରେ ଜଣେ ୨୩ ବର୍ଷୀୟ ଯୁବତୀଙ୍କ ମୃତ୍ୟୁ ଘଟିଛି। ଟେକ୍ସାସର ଟାଇଲରର ଏକ ବାସଭବନରେ ଘଟିଥିବା ଏହି ଲୋମହର୍ଷକ ଘଟଣାରେ ମାଡିସନ୍ ରିଲେ ହଲ୍ ନାମକ ଯୁବତୀଙ୍କୁ ତିନୋଟି ପିଟ୍ ବୁଲ୍ କୁକୁର ଆକ୍ରମଣ କରିଥିଲେ। ତାଙ୍କ ମାଆ ଜେନିଫର ହବେଲ୍ ମର୍ମାହତ ହୋଇ କହିଛନ୍ତି ଯେ କୁକୁରଗୁଡ଼ିକ "ତାଙ୍କୁ ଭଲ ପାଉଥିଲେ କିନ୍ତୁ ହଠାତ ଏମିତି କେମିତି ହେଲା"। କିଛି ସପ୍ତାହ ଧରି ସେମାନଙ୍କ ଯତ୍ନ ନେଉଥିଲେ।

WFAA ଅନୁଯାୟୀ, ନଭେମ୍ବର ୨୧ ତାରିଖ ଅପରାହ୍ନ ୪:୧୫ ସମୟରେ ହଲ୍ ପଛପଟ ବଗିଚାରେ ମାଡିସନ୍ ରିଲେ ହଲ ମୃତ ଅବସ୍ଥାରେ ମିଳିଥିଳେ। ପିଟବୁଲ୍ ମଧ୍ୟରୁ ଗୋଟିଏକୁ ଗୁଳି କରି ହତ୍ୟା କରିଥିଲେ, ଯାହା ଫଳରେ ଜରୁରୀକାଳୀନ କର୍ମଚାରୀମାନେ ହଲ୍ ପହଞ୍ଚିପାରିଥିଲେ। ଅନ୍ୟ ଦୁଇଟି କୁକୁରକୁ ହେପାଜତକୁ ନିଆଯାଇଥିଲା। ଘରମାଲିକମାନେ ସହର ବାହାରେ ଥିବା ସମୟରେ ଟେକ୍ସାସର ଟାଇଲରର ଏକ ଘରେ ଏହି ଆକ୍ରମଣ ଘଟିଥିଲା।

ମାଡିସନ୍, ଯିଏ ଟେକ୍ସାସ ବିଶ୍ୱବିଦ୍ୟାଳୟର ଛାତ୍ରୀ, ଶୀଘ୍ର ହିଁ ପ୍ରାରମ୍ଭିକ ଶିଶୁ ଶିକ୍ଷାରେ ସ୍ନାତକ ହେବାକୁ ଥିଲେ। କିଛି ସପ୍ତାହ ଧରି ସେ ଘରମାଲିକଙ୍କ ପିଲାମାନଙ୍କ ଏବଂ କୁକୁରମାନଙ୍କ ଯତ୍ନ ନେଉଥିଲେ। ହଲ୍ କୁକୁରମାନଙ୍କୁ ଭିତରକୁ ଛାଡ଼ିବା ପାଇଁ ଘରକୁ ଯାଇଥିଲେ ଯେତେବେଳେ ତିନୋଟି ପିଟ୍ ବୁଲ୍ ତାଙ୍କୁ ପଛପଟୁ ଆକ୍ରମଣ କରିଥିଲେ। ହଲଙ୍କ ଚିତ୍କାର ଶୁଣି ଜଣେ ପଡ଼ୋଶୀ ଜରୁରୀକାଳୀନ ସେବାକୁ ଡାକିଥିଲେ।

ସ୍ମିଥ୍ କାଉଣ୍ଟି ସେରିଫ୍‌ଙ୍କ ଜଣେ ଡେପୁଟି ପହଞ୍ଚି ହଲ୍‌ଙ୍କୁ ପଛପଟରେ ଥିବା ଏବଂ କୁକୁରଗୁଡ଼ିକ ତାଙ୍କ ଆଡ଼କୁ ଆସୁଥିବା ଦେଖିଥିଲେ। ସେ ଗୋଟିଏ କୁକୁରକୁ ଗୁଳି କରି ମାରି ଦେଇଥିଲେ, ଅନ୍ୟ ଦୁଇଟି କୁକୁରକୁ ସଙ୍ଗେ ସଙ୍ଗେ ହେପାଜତକୁ ନେଇଥିଲେ। ହଲଙ୍କୁ ଉଦ୍ଧାର କରିଥିଲେ ମଧ୍ୟ କୁକୁର କାମୁଡ଼ାରେ ତାଙ୍କର ମୃତ୍ୟୁ ହୋଇଯାଇଥିଲା।

ହଲଙ୍କ ମା' କହିଥିଲେ କୁକୁରଙ୍କ ସହ ତାଙ୍କର ଭଲ ପାଇବା ସବୁବେଳେ ଥିଲା କୁକୁରମାନେ ମଧ୍ୟ ତାଙ୍କ କଥା ମାନନ୍ତି। କିନ୍ତୁ ହଠାତ କୁକୁର ମାନେ ଏମିତି ଆକ୍ରମଣାତ୍ମକ କାହିଁକି ହେଲେ ମୁଁ ବୁଝି ପାରୁନି।

ଏହାସହ ପଢ଼ନ୍ତୁ: ଘର ଆଗରେ ଖେଳୁଥିବା ବେଳେ ୬ ବର୍ଷର ଛୁଆ କାନକୁ କାମୁଡ଼ି ଦେଲା କୁକୁର, ହରାଇଲେ ଶ୍ରବଣ ଶକ୍ତି

ରବିବାର ଅପରାହ୍ଣ, ଛୁଟିଥିବାରୁ ଘର ଆଗରେ ଖେଳି ବୁଲୁଥିଲା ୬ ବର୍ଷର ଛୁଆ । ଆଉ ସେହି ସମୟରେ ହଠାତ୍ ମାଡ଼ ଆସିଲା ଏକ କୁକୁର (Pitbull) । କ୍ଷଣକରେ ଛୁଆଟିକୁ ଆକ୍ରମଣ କରି ଲହୁଲୁହାଣ କରିଦେଲା । ଛୁଆକୁ କୁକୁର ଏତେ ଜୋର୍‌ରେ କାମୁଡ଼ିଲା ଯେ ଦୁଇ ଜଣଙ୍କୁ ଛଡ଼ାଇବାକୁ ପଡ଼ିଲା ।

ରାଷ୍ଟ୍ରୀୟ ରାଜଧାନୀ ଦିଲ୍ଲୀର ପ୍ରେମ ନଗରରେ ରବିବାର ଅପରାହ୍ଣ ୩ଟାରେ ଏକ କୁକୁର କାମୁଡ଼ାରେ କାନ ହରାଇଛି ୬ ବର୍ଷର ଛୁଆ, ଚାଲି ଯାଇଛି ଶ୍ରବଣ ଶକ୍ତି । ଆଉ ଏହି ମାମଲାରେ କୁକୁର ମାଲିକକୁ ସୋମବାର ପୋଲିସ ଗିରଫ କରି ନେଇଛି ।