ମୁହାଁମୁହିଁ ଧକ୍କା ହେଲା ପ୍ଲାନ ଓ ଟ୍ରକ୍‌। କଥାଟା ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ। ଏଭଳି କିଛି ଖବର ବର୍ତ୍ତମାନ ସୋସିଆଲ ମିଡିଆରେ ଘୁରି ବୁଲୁଛି। ଆମେରିକାର ଲିବର୍ଟି ଆନ୍ତର୍ଜାତୀୟ ବିମାନବନ୍ଦରରେ ୩ ମଇରେ ଏକ ବଡ଼ ଧରଣର ବିମାନ ଦୁର୍ଘଟଣା ଅଳ୍ପକେ ରହିଯାଇଛି। ସବୁଠାରୁ ଆଶ୍ଚର୍ଯ୍ୟର କଥା ହେଉଛି, ଏତେ ବଡ଼ ଧକ୍କା ସତ୍ତ୍ୱେ ବିମାନଟି ସୁରକ୍ଷିତ ଭାବେ ଅବତରଣ କରିଛି। ବିମାନରେ ଥିବା ୨୨୧ ଯାତ୍ରୀ ଏବଂ ୧୦ ଜଣ କର୍ମଚାରୀ ସମ୍ପୂର୍ଣ୍ଣ ସୁରକ୍ଷିତ ଅଛନ୍ତି।

ୟୁନାଇଟେଡ୍ ଏୟାରଲାଇନ୍ସର ଏକ ବିଶାଳ ବୋଇଙ୍ଗ ୭୬୭ ବିମାନ ଅବତରଣ କରିବା ସମୟରେ ରନୱେ ନିକଟସ୍ଥ ରାସ୍ତାରେ ଯାଉଥିବା ଏକ ବେକେରୀ ଟ୍ରକ୍କୁ ଧକ୍କା ଦେଇଛି।ବିମାନ ବନ୍ଦର ନିକଟସ୍ଥ ହାଇୱେରେ ଯାଉଥିବା ଲୋକଙ୍କ ପାଇଁ ଏହି ଦୃଶ୍ୟ କୌଣସି ହଲିଉଡ୍ ସିନେମାଠାରୁ କମ୍ ନଥିଲା। ଟ୍ରକରେ ଲାଗିଥିବା ଡ୍ୟାସକ୍ୟାମ୍ ଭିଡିଓରେ ବିମାନର ଚକ ଟ୍ରକକୁ ଘସି ହୋଇଯାଉଥିବାର ସ୍ପଷ୍ଟ ଦେଖାଯାଉଛି।

ଏହି ଗମ୍ଭୀର ତ୍ରୁଟି ପାଇଁ ଆମେରିକାର ବିମାନ ଚଳାଚଳ ନିୟାମକ ସଂସ୍ଥା (FAA) ଏବଂ ୟୁନାଇଟେଡ୍ ଏୟାରଲାଇନ୍ସ ପକ୍ଷରୁ ପୃଥକ ପୃଥକ ତଦନ୍ତ ଆରମ୍ଭ କରାଯାଇଛି। ବିମାନଟି କାହିଁକି ଏତେ ତଳେ ଉଡ଼ୁଥିଲା, ସେ ନେଇ ଯାଞ୍ଚ ଚାଲିଛି। ସାଧାରଣ ପ୍ରକ୍ରିୟା ଅନୁଯାୟୀ, ତଦନ୍ତ ଶେଷ ନହେବା ପର୍ଯ୍ୟନ୍ତ ସମ୍ପୃକ୍ତ ପାଇଲଟ୍ ଓ କ୍ରୁ ମେମ୍ବରଙ୍କୁ କାର୍ଯ୍ୟରୁ ଅନ୍ତର କରାଯାଇଛି। ଏହି ରୋମାଞ୍ଚକର ତଥା ଭୟଙ୍କର ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି।

ଏଥିସହ ପଢ଼ନ୍ତୁ: କିଏ ହେବ ଆଗାମୀ ତାମିଲନାଡୁ CM ? ସତ କହିଦେଲେ ହେମାମାଳିନୀ

ବିମାନର ଧକ୍କାରେ ରାସ୍ତା କଡ଼ରେ ଥିବା ପୋଲ୍ଟି ଭାଙ୍ଗି ଏକ ଜିପ୍ ଉପରେ ପଡ଼ିଥିଲା। ଟ୍ରକ୍ ଚାଳକଙ୍କ କାଚ ଭାଙ୍ଗିଯିବାରୁ ସେ ସାମାନ୍ୟ ଆହତ ହୋଇଛନ୍ତି। ତାଙ୍କୁ ହସ୍ପିଟାଲ ନିଆଯାଇଥିଲେ ମଧ୍ୟ ସେ ଏବେ ବିପଦମୁକ୍ତ ଅଛନ୍ତି।"ଏହା ସ୍ପଷ୍ଟ ଯେ ଭଗବାନ ଆଜି ସମସ୍ତଙ୍କ ସାଥୀରେ ଥିଲେ। ବିମାନର ଯାତ୍ରୀ ହୁଅନ୍ତୁ ବା ଆମ ଟ୍ରକ୍ ଚାଳକ, ସାମାନ୍ୟ କିଛି ଇଞ୍ଚର ବ୍ୟବଧାନ ପାଇଁ ଆଜି ଏକ ବଡ଼ ଦୁର୍ଘଟଣା ଟଳିଯାଇଛି।" - ଚକ୍ ପାଟେରାକିସ୍ (ବେକେରୀ ସଂସ୍ଥାର ଉପାଧ୍ୟକ୍ଷ)

.ଘଟଣାଟି କ’ଣ ଥିଲା?

ଇଟାଲୀର ଭେନିସ୍ରୁ ଆସୁଥିବା ୟୁନାଇଟେଡ୍ ଏୟାରଲାଇନ୍ସର ଫ୍ଲାଇଟ୍ ୧୬୯ (Boeing 767)। ଅପରାହ୍ନ ପ୍ରାୟ ୨ଟା ସମୟରେ ବିମାନଟି ଲ୍ୟାଣ୍ଡିଂ ପାଇଁ ପ୍ରସ୍ତୁତ ହେଉଥିବା ବେଳେ ଏହାର ଲ୍ୟାଣ୍ଡିଂ ଗିୟର (ଚକ) ଏକ ଲ୍ୟାମ୍ପପୋଷ୍ଟ ଏବଂ ତଳେ ଯାଉଥିବା ଏକ ବେକେରୀ ଟ୍ରକ୍ (H&S Bakery) ସହ ପିଟି ହୋଇଥିଲା।

ଅଧିକ ପଢ଼ନ୍ତୁ ବିଦେଶ ଖବର: