ଏମିତି ଏକ ସ୍କିମ ଯାହା ଶୁଣିଲେ ଆପଣଙ୍କୁ ବି ଅଜବ ଆଉ ଆଶ୍ଚର୍ଯ୍ୟ ଲାଗିବ । ହେଲେ ଏମିତି ଉପାୟରେ ସମସ୍ତ ନିସନ୍ତାନ ଦମ୍ପତ୍ତିଙ୍କୁ ନିଜ ଜାଲରେ ଫସାଇ ଲକ୍ଷ ଲକ୍ଷ ଟଙ୍କା ଲୁଟୁଥିଲେ ସାଇବର ଠକ ।ଏମିତି ଏକ ଯୋଜନା ଯାହା ବିହାରର ନୱାଦାରେ ଦେଖିବାକୁ ମିଳିଛି । ଏହି ଯୋଜନା ଦ୍ଵାରା ସାଇବର ଠକଙ୍କ ଠକିବାର ନୂଆ ତରିକା ସାମ୍ନାକୁ ଆସିଛି । ସାଇବର ଠକମାନେ ନିସନ୍ତାନ ଦମ୍ପତ୍ତିଙ୍କୁ ସମ୍ବେଦନତାର ନିଶାନା ବନେଇ ଏମିତି ଏକ ଯୋଜନା ତିଆରି କରିଛନ୍ତି, ଯାହାର ନାଁ ଦେଇଛନ୍ତି 'ଅଲ ଇଣ୍ଡିଆ ପ୍ରେଗନେଣ୍ଟ ଜବ୍ ସର୍ଭିସ' ।

ଏହି ଯୋଜନାରେ ସାଇବର ଠକମାନେ ଲୋକଙ୍କୁ ଫୋନ କରି କହୁଥିଲେ , ନିସନ୍ତାନ ମହିଳାଙ୍କୁ ଯଦି କେହି ଗର୍ଭବତୀ କରିପାରନ୍ତି, ତେବେ ଏହା ବଦଳରେ ସେ ତାଙ୍କୁ ୧୦ ଲକ୍ଷ ଟଙ୍କା ଯାଏଁ ଦେଇପାରିବେ । ଏହି ଲୋଭରେ ଅନେକ ଜଣ ବ୍ୟକ୍ତି ଏହି ଯୋଜନା ପାଇଁ ରେଜିଷ୍ଟେସନ କରିଥିଲେ । ସାଇବର ଠକମାନେ କେବଳ ଟଙ୍କାର ଆବଶ୍ୟକତା ଥିବା ବ୍ୟକ୍ତି ଏବଂ ନିସନ୍ତାନ ଦମ୍ପତ୍ତିଙ୍କୁ ଟାର୍ଗେଟ କରି ଫୋନ କରୁଥିଲେ । ସେମାନଙ୍କୁ ଟଙ୍କାର ଲୋଭ ଦେଖାଇ ନିଜ ଜାଲରେ ଫସାଉଥିଲେ । ଏଥିସହ ଭରଷା ଦେଉଥିଲେ, ଏହା ଏକ ବିଶ୍ଵାସନୀୟ ସୁରକ୍ଷିତ ଯୋଜନା । ଆଉ ଲୁଟୁଥିଲେ ଲକ୍ଷଲକ୍ଷ ଟଙ୍କା ।

ଏଥିସହ ପଢ଼ନ୍ତୁ: ଥଣ୍ଡାରେ ଥୁରୁଥୁରୁ ଦେଶ, ଜାଡ଼ ନେଇଗଲା ୯ ମୁଣ୍ଡ ଅନେକ ଆହତ

ହେଲେ ପୋଲିସକୁ ଏହି ସାଇବର ଠକ ସଂସ୍ଥା ଉପରେ ଗୁପ୍ତ ସୂଚନା ମିଳିଥିଲା । ଆଉ ପୋଲିସ ନିଜର ଏକ ଟିମ୍ ଗଠନ କରି ୨ ଜଣଙ୍କୁ ଗିରଫ କରିଥିଲେ । ତେବେ ଗିରଫଙ୍କ ଭିତରେ ଜଣେ ନାବାଳକ ଥିବା ସୂଚନା ମିଳିଛି । ତେବେ ଅଭିଯୁକ୍ତଙ୍କୁ ପଚରାଉଚରାରୁ ଜଣା ପଡିଥିଲା ସେମାନେ ଆଜିଯାଏଁ ଏହି ଯୋଜନା ଦ୍ଵାରା ଦ୍ଵାରା ଲକ୍ଷ ଲକ୍ଷ ଟଙ୍କା ଲୁଟି ସାରିଛନ୍ତି । ଏହି ଯୋଜନା ଦ୍ଵାରା କେବଳ ପୁରୁଷ ନୁହେଁ, ନିସନ୍ତାନ ମହିଳାଙ୍କୁ ମଧ୍ୟ ଫସାଉଥିଲା ଏହି ସଂସ୍ଥା । ମହିଳାଙ୍କୁ ଭରଷା ଦିଆଯାଇ କୁହାଯାଉଥିଲା, ସେମାନଙ୍କ ପାଖରେ ସ୍ଵତନ୍ତ୍ର ଟେକ୍ନିକ୍ ଅଛି, ଯାହାଦ୍ଵାରା ସେମାନେ ତାଙ୍କୁ ଗର୍ଭବତୀ କରିପାରିବେ । ଆଉ ଏଥିପାଇଁ ସେମାନେ ସେହି ମହିଳାମାନଙ୍କ ପାଖରୁ ଟଙ୍କା ମଧ୍ୟ ନେଉଥିଲେ । ପୋଲିସ ତାଙ୍କ ପାଖରୁ ୪ଟି ଫୋନ ଜବତ କରିଛି । ଏବେ ଅନ୍ୟ ମାନଙ୍କୁ ଖୋଜିବା ସହ ଘଟଣାର ଅଧିକ ତଦନ୍ତ କରୁଛି ପୋଲିସ ।

ଅଧିକ ପଢ଼ନ୍ତୁ ଦେଶ ଖବର: