Argus News - 'ଆମେ ଚାହୁଁଛୁ ଟ୍ରମ୍ପଙ୍କ ମୃତ୍ୟୁ, ସୋସିଆଲ ମିଡିଆରେ କରୁଛି ଟ୍ରେଣ୍ଡ...

ଭାଇରାଲ ହେଉଛି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ନେଇ ବଡ଼ ଖବର। ଯାହା ଶୁଣିବା ପରେ ଆପଣ ମଧ୍ୟ ଆଶ୍ଚର୍ଯ୍ୟ ନହୋଇ ରହିପାରିବେ ନାହିଁ। ହେ ପ୍ରଭୁ ଟ୍ରମ୍ପଙ୍କୁ ଉଠାଇ ନିଅ। ଆମେରିକା ଏବଂ ଇରାନ ମଧ୍ୟରେ ଚାଲିଥିବା ଯୁଦ୍ଧ ଭିତରେ ଜଣେ ଆଇରିସ୍ ପାଦ୍ରୀଙ୍କ (Irish priest) ଏକ ଭିଡିଓ ସୋସିଆଲ୍ ମିଡିଆରେ ଖୁବ୍ ଭାଇରାଲ୍ ହେବାରେ ଲାଗିଛି। ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରନ୍ ଟ୍ରମ୍ପଙ୍କୁ କଟାକ୍ଷ କରି କହିଛନ୍ତି ଯେ ତାଙ୍କୁ ପ୍ରତିଦିନ କଥା କହିବା ଉଚିତ୍ ନୁହେଁ। ସେ କହିଛନ୍ତି, "ଯଦି ଆପଣ ଗମ୍ଭୀର ହେବାକୁ ଚାହୁଁଛନ୍ତି, ତେବେ ଗତକାଲି ଯାହା କହିଥିଲେ, ଆଜି ତାର ଓଲଟା କଥା କୁହନ୍ତୁ ନାହିଁ।"

ଏହି ଭିଡିଓରେ ସେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପାଇଁ ଏକ ନିଆରା ପ୍ରାର୍ଥନା କରୁଥିବା ଶୁଣିବାକୁ ମିଳିଛି, ଯାହା ଶୁଣି ସମସ୍ତେ ହସି ହସି ବେଦମ୍ ହୋଇଛନ୍ତି। ଟ୍ରମ୍ପଙ୍କ ଯୁଦ୍ଧଖୋର୍ ମନୋଭାବକୁ ନେଇ ସାରା ବିଶ୍ୱରେ ସମାଲୋଚନା ଚାଲିଥିବା ବେଳେ ଏହି ଭିଡିଓ ଏବେ ଇଣ୍ଟରନେଟ୍ରେ ଟ୍ରେଣ୍ଡ୍ କରୁଛି। ଭିଡିଓଟି ସାମ୍ନାକୁ ଆସିବା ପରେ ୟୁଜର୍ସମାନେ ଏହା ଉପରେ ମଜାଦାର ମନ୍ତବ୍ୟ ଦେଉଛନ୍ତି। ଅଧିକାଂଶ ଲୋକ ଆମେରିକୀୟ ରାଷ୍ଟ୍ରପତିଙ୍କ ନୀତିରେ ବିରକ୍ତ ହୋଇ ପାଦ୍ରୀଙ୍କୁ ସମର୍ଥନ କରୁଛନ୍ତି: ଜଣେ ୟୁଜର୍ ଲେଖିଛନ୍ତି, "ମାଗା (MAGA) ସମର୍ଥକଙ୍କ ଭଳି କହିବାକୁ ଗଲେ, ଏହା କେବଳ ଏକ ମଜାକ ଥିଲା, ଏତେ ସିରିୟସ୍ ହୁଅନ୍ତୁ ନାହିଁ।"ପ୍ରକୃତରେ ଘଟଣାକ୍ରମ କଣ ହୋଇଛି ନଜର ପକାନ୍ତୁ।

.ପାଦ୍ରୀଙ୍କ ନିଆରା ପ୍ରାର୍ଥନା: ପ୍ରଭୁ ତାଙ୍କୁ ଉଠାଇ ନିଅନ୍ତୁ:

ଭାଇରାଲ୍ ହେଉଥିବା ଏହି ଭିଡିଓରେ ପାଦ୍ରୀ ଜଣକ ଇରାନ ଯୁଦ୍ଧକୁ ନେଇ ଚିନ୍ତା ବ୍ୟକ୍ତ କରିବା ସହ ଟ୍ରମ୍ପଙ୍କ ସମ୍ପର୍କରେ କହୁଥିବାର ଶୁଣିବାକୁ ମିଳୁଛି। ସେ କହୁଛନ୍ତି, "ଯୁଦ୍ଧ ଚାଲିଛି, ଯାହାକି ସମ୍ପୂର୍ଣ୍ଣ ଭାବେ ଅତ୍ୟାଚାର ଏବଂ ନିନ୍ଦନୀୟ। ଆମେ ଶାନ୍ତି ପାଇଁ ପ୍ରାର୍ଥନା କରୁଛୁ। ପୂରା ବିଶ୍ୱ ଡୋନାଲ୍ଡ ଟ୍ରମ୍ପଙ୍କ ପାଇଁ ପ୍ରାର୍ଥନା କରୁଛି, ପ୍ରଭୁ ତାଙ୍କୁ ଉଠାଇ ନିଅନ୍ତୁ (may the lord take him)।"ଏତିକି ଶୁଣିବା ପରେ ସେଠାରେ ଉପସ୍ଥିତ ଥିବା ଲୋକମାନେ ଜୋରରେ ହସିବାକୁ ଲାଗିଥିଲେ। ପରିସ୍ଥିତିକୁ ସମ୍ଭାଳିବାକୁ ଯାଇ ପାଦ୍ରୀ ସଙ୍ଗେ ସଙ୍ଗେ କଥା ବୁଲାଇ କହିଥିଲେ, "ମୋର କହିବାର ଅର୍ଥ ହେଉଛି ପ୍ରଭୁ ତାଙ୍କର ସବୁ କଷ୍ଟ ନେଇଯାଆନ୍ତୁ।"

ଏଥିସହ ପଢ଼ନ୍ତୁ: ଇରାନର ପାୱାର୍ ପ୍ଲାଣ୍ଟ ଏବଂ ବ୍ରିଜକୁ ଧ୍ୱଂସ କରିଦେବାର ଧମକ ଦେଲେ ଟ୍ରମ୍ପ

ଏହାପରେ ସୋସିଆଲ ମିଡିଆରେ ଏହାକୁ ନେଇ ଭିନ୍ନ ଭିନ୍ନ ମତ ପ୍ରକାଶ ପାଉଛି। ଅନ୍ୟ ଜଣେ ଲେଖିଛନ୍ତି, "ବିଶ୍ୱର କୋଟି କୋଟି ଲୋକ ଠିକ୍ ଏହି ସମାନ ଜିନିଷ ପାଇଁ ହିଁ ପ୍ରାର୍ଥନା କରୁଛନ୍ତି।" ଆଉ ଜଣେ ୟୁଜର୍ କମେଣ୍ଟ କରିଛନ୍ତି, "ପାଦ୍ରୀ ମହାଶୟ ସେୟା ହିଁ କହିଲେ, ଯାହା ବିଶ୍ୱର ୯୯.୯% ଲୋକ ଚାହୁଁଛନ୍ତି।" ଅନ୍ୟ କିଛି ୟୁଜର୍ ମଧ୍ୟ ଲେଖିଛନ୍ତି ଯେ, "ଭଗବାନ ନିଶ୍ଚିତ ଭାବେ ଏହି ପାଦ୍ରୀଙ୍କର ଦରମା ବଢ଼ାଇଦେବେ" ଏବଂ "ସମସ୍ତ ସୁସ୍ଥ ମାନସିକତା ଥିବା ଆମେରିକୀୟଙ୍କ ତରଫରୁ- ଆମେନ୍!"

ସୂଚନାଯୋଗ୍ୟ ଯେ, ଟ୍ରମ୍ପ ଇରାନକୁ ଧମକ ଦେଇ "ପାଗଳ" ଏବଂ "ଆଜି ରାତିରେ ପୂରା ସଭ୍ୟତା ମରିଯିବ" ବୋଲି କହିବା ପରେ ବିଶ୍ୱସ୍ତରରେ ତାଙ୍କର କଡ଼ା ସମାଲୋଚନା ହେଉଛି ଏବଂ ଆମେରିକାରେ ତାଙ୍କର ମାନସିକ ସ୍ଥିତିକୁ ନେଇ ମଧ୍ୟ ପ୍ରଶ୍ନ ଉଠିଛି। ଟ୍ରମ୍ପଙ୍କ ଲଗାତାର ଏବଂ ବାରମ୍ବାର ବଦଳୁଥିବା ବୟାନବାଜି ବିଶ୍ୱରେ ଆତଙ୍କ ଖେଳାଇ ଦେଇଛି।ସେହିପରି ଡେମୋକ୍ରାଟିକ୍ ସାଂସଦ ଇଲହାନ ଓମାର ଟ୍ରମ୍ପଙ୍କ "ସମ୍ପୂର୍ଣ୍ଣ ସଭ୍ୟତା ମରିଯିବ" ବୟାନକୁ ଅତ୍ୟନ୍ତ ଘୃଣ୍ୟ ଓ ଦୁଷ୍ଟାମୀ ବୋଲି ବର୍ଣ୍ଣନା କରିଛନ୍ତି।

ଅଧିକ ପଢ଼ନ୍ତୁ ବିଦେଶ ଖବର: