କାତାର ଏୟାରୱେଜ୍‌ର ବଡ଼ ଅଘଟଣ। ଏକ ବିମାନରେ ଜଣେ 85 ବର୍ଷୀୟ ନିରାମିଷ ଯାତ୍ରୀଙ୍କୁ ମାଂସ ଭୋଜନ ଦିଆଯିବା ପରେ ସେ ବିମାନ ମଝିରେ ଶ୍ୱାସରୁଦ୍ଧ ହୋଇ ମୃତ୍ୟୁବରଣ କରିଥିଲେ। ଇଣ୍ଡିପେଣ୍ଡେଣ୍ଟ ରିପୋର୍ଟ ଅନୁସାରେ, ଦକ୍ଷିଣ କାଲିଫର୍ନିଆର ଅବସରପ୍ରାପ୍ତ ହୃଦରୋଗ ବିଶେଷଜ୍ଞ ଡାକ୍ତର ଅଶୋକା ଜୟବୀରାଙ୍କୁ ନିରାମିଷ ଭୋଜନ ଅର୍ଡର କରିଥିବା ସତ୍ତ୍ୱେ, ତାଙ୍କୁ ନନଭେଜ ଖାଇବା" ପାଇଁ କୁହାଯାଇଥିଲା।

ଏହି ଘଟଣାଟି ଜୁନ୍ 30, 2023ରେ ଲସ୍ ଆଞ୍ଜେଲସ୍ ରୁ କଲମ୍ବୋ ଯାଉଥିବା କତାର ଏୟାରୱେଜ୍ ବିମାନରେ ଘଟିଥିଲା। ଅଶୋକ ଜୟବୀରା 15.5 ଘଣ୍ଟାର ଯାତ୍ରା ପାଇଁ ସ୍ୱତନ୍ତ୍ର ଭାବରେ ଏକ ନିରାମିଷ ଭୋଜନ ଅର୍ଡର କରିଥିଲେ। କିନ୍ତୁ ଜଣେ ବିମାନ ପରିଚାଳିକା ତାଙ୍କୁ କହିଥିଲେ ଯେ କୌଣସି ଖାଦ୍ୟ ଉପଲବ୍ଧ ନାହିଁ। ଏହା ବଦଳରେ, ତାଙ୍କୁ ମାଂସ ସହିତ ଏକ ନିୟମିତ ଖାଦ୍ୟ ଦିଆଯାଇଥିଲା ଏବଂ ତାହାକୁ ହିଁ ଖାଇବାକୁ ଜବରଦସ୍ତି କୁହାଯାଇଥିଲା।

ଏଭଳି ଜୋର ଜବରଦସ୍ତ କରିବା ସମୟରେ ଜୟବୀରା ଶ୍ୱାସରୁଦ୍ଧ ହେବା ଆରମ୍ଭ କଲେ ଏବଂ ଚେତାଶୂନ୍ୟ ହୋଇଗଲେ। ବିମାନ କର୍ମଚାରୀମାନେ ସାହାଯ୍ୟ କରିବାକୁ ଚେଷ୍ଟା କଲେ, ଏବଂ ମେଡଏୟାରର ଦୂରବର୍ତ୍ତୀ ଚିକିତ୍ସା ପରାମର୍ଶଦାତାଙ୍କ ସହିତ ପରାମର୍ଶ କରାଯାଇଥିଲା, କିନ୍ତୁ ଜୟବୀରାଙ୍କ ଅବସ୍ଥା ଆହୁରି ଖରାପ ହୋଇଗଲା। ଶେଷରେ ବିମାନଟି ସ୍କଟଲ୍ୟାଣ୍ଡର ଏଡିନବର୍ଗରେ ଅବତରଣ କଲା, ଯେଉଁଠାରେ ଜୟବୀରାଙ୍କୁ ତୁରନ୍ତ ଡାକ୍ତରଖାନାକୁ ନିଆଯାଇଥିଲା ଏବଂ 3 ଅଗଷ୍ଟ, 2023 ରେ ତାଙ୍କୁ ମୃତ ଘୋଷଣା କରାଯାଇଥିଲା। ଆସ୍ପିରେସନ୍ ନିମୋନିଆ ଯୋଗୁଁ ତାଙ୍କର ମୃତ୍ୟୁ ହୋଇଥିଲା। ଯାହା ଖାଦ୍ୟ କିମ୍ବା ତରଳ ପଦାର୍ଥ ଭୁଲବଶତଃ ଶ୍ୱାସକ୍ରିୟାରେ ସମସ୍ୟା ଯୋଗୁ ସମ୍ପୂର୍ଣ୍ଣ ଫୁସଫୁସ ସଂକ୍ରମଣ ହୋଇଥିଲା।

ତାଙ୍କ ପୁଅ ସୂର୍ଯ୍ୟ ଜୟବୀରା ସମ୍ପ୍ରତି କାତାର ଏୟାରୱେଜ୍ ବିରୁଦ୍ଧରେ ଏକ ଭୁଲ ମୃତ୍ୟୁ ମାମଲା ଦାୟର କରିଛନ୍ତି, ଖାଦ୍ୟ ସେବା ଏବଂ ଚିକିତ୍ସାରେ ଅବହେଳା ଅଭିଯୋଗ ଆଣିଛନ୍ତି। ମାମଲାଟିରେ ଦାବି କରାଯାଇଛି ଯେ ଏୟାରଲାଇନ୍ସ ପୂର୍ବରୁ ଅର୍ଡର କରାଯାଇଥିବା ନିରାମିଷ ଭୋଜନ ଯୋଗାଇବାରେ ବିଫଳ ହୋଇଛି ଏବଂ ଜୟବୀରାଙ୍କ ଚିକିତ୍ସା ଜରୁରୀକାଳୀନ ପରିସ୍ଥିତିରେ ଉପଯୁକ୍ତ ଚିକିତ୍ସା ମଧ୍ୟ ମିଳିନାହିଁ। ବିମାନରେ ଥିବା ପରିଚାଳକଙ୍କ ଅବହେଳା ଯୋଗୁ ତାଙ୍କ ପିତାଙ୍କର ମୃତ୍ରୁ ହୋଇଛି। ତାଙ୍କ ମୃତ୍ୟୁ ପାଇଁ $128,821 କ୍ଷତିପୂରଣ ମଧ୍ୟ ଦାବି କରୁଛନ୍ତି।

ମାମଲାଟିରେ ଉଲ୍ଲେଖ କରାଯାଇଛି ଯେ କାତାର ଏବଂ ଆମେରିକା ମଣ୍ଟ୍ରିଆଲ୍ କନଭେନସନ୍‌ର ଅଂଶ, ଯାହା ବିମାନ ସେବା ଦାୟିତ୍ୱକୁ ନିୟନ୍ତ୍ରଣ କରୁଥିବା ଏକ ଅନ୍ତର୍ଜାତୀୟ ଚୁକ୍ତି। ଏହି କନଭେନସନ୍‌ ବିମାନରେ ମୃତ୍ୟୁ ପାଇଁ ପ୍ରାୟ $175,000 ର ଏକ ବୈଧାନିକ ଦେୟ ସ୍ଥିର କରାଯାଇଛି।
"କତାର ଏବଂ ଯୁକ୍ତରାଷ୍ଟ୍ର ମଣ୍ଟ୍ରିଆଲ୍ କନଭେନସନ୍‌ର ସଦସ୍ୟ ଏବଂ ତେଣୁ କତାର୍ କନଭେନସନ୍‌ର ନିୟମ ଅଧୀନରେ ଅଛି ଏବଂ ଏକ ଅନ୍ତର୍ଜାତୀୟ ବିମାନରେ ଦୁର୍ଘଟଣାର ଫଳସ୍ୱରୂପ ଘଟୁଥିବା ବ୍ୟକ୍ତିଗତ ଆଘାତ କିମ୍ବା ଭୁଲ ମୃତ୍ୟୁ ପାଇଁ କଠୋର ଦାୟିତ୍ବ ଗ୍ରହଣ କରାଯାଇଛି। ଅଭିଯୋଗରେ ଉଲ୍ଲେଖ କରାଯାଇଛି।

ଜାତିସଂଘରେ ପୁଣି ପାକିସ୍ତାନକୁ ଅପମାନ, ପାକ୍‌ ସୈନ୍ୟଙ୍କ ଅସଲ ମୁଖା ଖୋଲିଲା ଭାରତ

ଏହି ଘଟଣା ଖାଦ୍ୟ ପ୍ରତିବନ୍ଧକ ଏବଂ ଯାତ୍ରୀଙ୍କ ଯତ୍ନ ସମ୍ପର୍କରେ ବିମାନ ପ୍ରୋଟୋକଲ ଉପରେ ପ୍ରଶ୍ନ ଉଠାଇଛି, ବିଶେଷକରି ବୟସ୍କ ଯାତ୍ରୀଙ୍କ ପାଇଁ।
ଏହା ପ୍ରଥମ ଥର ନୁହେଁ ଯେ ନିର୍ଦ୍ଦିଷ୍ଟ ଖାଦ୍ୟ ପ୍ରତିବନ୍ଧକ ଥିବା ଯାତ୍ରୀମାନେ ଉଡ଼ାଣ ମଧ୍ୟରେ ସମସ୍ୟାର ସମ୍ମୁଖୀନ ହୋଇଛନ୍ତି। ବ୍ରିଟିଶ ରିଆଲିଟି ଷ୍ଟାର ଜ୍ୟାକ ଫାଉଲର, ଯାହାଙ୍କର ବାଦାମକୁ ନେଇ ଆଲର୍ଜି ଅଛି, ଗତ ବର୍ଷ ଦୁବାଇ ଯାଉଥିବା କାତାର ଏୟାରୱେଜ୍ ବିମାନରେ ବାଦାମ ଯୁକ୍ତ ଚିକେନ୍ କରି ଦିଆଯାଇଥିବାରୁ ମୃତ୍ୟୁବରଣ କରିଥିଲେ।

Argus News | argus news | Odisha Latest News, Breaking News, Trending News, Live TV