ଅର୍ଗସ ବ୍ୟୁରୋ : ସୁନିତାଙ୍କୁ ନେଇ ଅନେକ ସ୍ଥାନରେ କଳ୍ପନା ଜଳ୍ପନା ଜାରି ରହିଥିଲା ବେଳେ ତାଙ୍କୁ ନେଇ ସ୍ପଷ୍ଟ ମତାମତ ଦେଇଛନ୍ତି ଭାରତର ପ୍ରଥମ ମହାକାଶଚାରୀ ରାକେଶ ଶର୍ମା । ସେ କହିଛନ୍ତି ବିଭିନ୍ନ ଗଣମାଧ୍ୟମ ଦ୍ବାରା କେବଳ ଭୟବୀତ କରାଯାଉଛି । ପ୍ରକୃତରେ ସେ ସୁସ୍ଥ ଏବଂ ସୁରକ୍ଷିତ ଅଛନ୍ତି । ସେଠାରେ ତାଙ୍କର କୌଣସି ଅସୁବିଧା ହେଉନାହିଁ । ସୁନିତା ସେଠାକୁ ଏତେଦିନ ରହିବା ପାଇଁ ପ୍ରସ୍ତୁତ ହୋଇ ଯାଇନଥିଲେ, କିନ୍ତୁ ସେ ସେଠାରେ ସମ୍ପୁର୍ଣ୍ଣ ସୁସ୍ଥ ଏବଂ ସୁରକ୍ଷିତ ଅଛନ୍ତି ବୋଲି କହିଛନ୍ତି ରାକେଶ ଶର୍ମା । ଏବଂ ସେ କହିଛନ୍ତି ସେ ଯେତେବେଳେ ପୃଥିବୀକୁ ଫେରିବେ ସେତେବେଳେ ଏହା ପୁଣି ଦ୍ବିତୀୟ ଥର ପାଇଁ ବିଶ୍ବ ରେକର୍ଡ କରିବ । 

ସୁନିତା ଏବଂ ତାଙ୍କ ସାଥି ବଚ୍ ଉଇଲମୋରଙ୍କୁ ନେଇ ଯାଇଥିବା ବୋଇଙ୍ଗି ଷ୍ଟାର ଲାଇନର କ୍ୟାପସୁଲ ଯାନ୍ତ୍ରିକ ତ୍ରୁଟି ଯୋଗୁଁ ସେଠାରେ ଉଭୟ ଜୁନରୁ ଫସି ରହିଥିଲେ । ପରେ ସେହି ଷ୍ଟାରଲାଇନରକୁ ପୃଥିବୀକୁ ଫେରାଇ ଅଣାଯାଇଥିବା ବେଳେ ଏବେ ସୁନିତା ଏବଂ ଉଇଲମୋରଙ୍କୁ ଯଥାଶୀଘ୍ର ପୃଥିବୀକୁ ଫେରାଇ ଆଣିବା ସମ୍ଭବ ନୁହେଁ ବୋଲି ନାସା ସ୍ପଷ୍ଟ କରିଛି । ଆଗାମୀ ୨୦୨୫ ମସିହା ଫେବୃଆରୀରେ ଆସିବେ ବୋଲି ନାସା ପକ୍ଷରୁ କୁହାଯାଇଛି । ୨୦୨୫ରେ ଏଲନ୍ ମସ୍କଙ୍କ ସ୍ପେସଏକ୍ସ କ୍ରିଉ-୯ ଯାନ ଯୋଗେ ପୃଥିବାକୁ ଫେରାଇ ଆଣାଯିବ ବୋଲି କହିଛନ୍ତି ନାସା ମୁଖ୍ୟ। ୮ ଦିନ ପାଇଁ ଯାଇଥିବା ଏହି ଦୁଇ ମହାକାଶଚାରୀଙ୍କୁ ସେଠାରେ ୮ ମାସ ରହିବାକୁ ପଡିବ ।

ତେବେ ଏହା ସହିତ ମହାକାଶ ଦୁନିଆରେ ଭାରତର ସଫଳତାକୁ ନେଇ ପ୍ରଶଂସା କରିଛନ୍ତି ରାକେଶ ଶର୍ମା । ସେ କହିଛନ୍ତି ଭାରତ ଯାହାକୁ ଖୁବ କମ ବଜେଟ୍ରେ କରି ଦେଖାଇଲା ତାକୁ ଅନ୍ୟ ଦେଶରେ ଖୁବ ଅଧିକ ବଜେଟ୍ ରେ କରୁଛନ୍ତି । ଯେଉଁଥିପାଇଁ ସାରା ବିଶ୍ବର ନଜର ଭାରତ ଉପରେ ରହିଛି । ସେହିପରି ଭାରତର ମହାକାଶ କ୍ଷେତ୍ରରେ ଗୋଟିଏ ପରେ ଗୋଟିଏ ସଫଳତା ପାଉଛି ଯାହା ଗର୍ବର ବିଷୟ ।ମଙ୍ଗଳଯାନ ,ଗଗନଯାନ ର ସଫଳତା ପାଇଁ ମଧ୍ୟ ଭାରତର ସ୍ପେସ ଟେକନୋଲୋଜିକୁ ପ୍ରଶଂସା କରିଛନ୍ତି ରାକେଶ ଶର୍ମା ।