ଏହି ଯାତ୍ରା ମାର୍ଚ୍ଚ ୨୫ରେ ଆମେରିକାର ଚିକାଗୋରୁ ଆରମ୍ଭ ହେବ

ଅର୍ଗସ ବ୍ୟୁରୋ : ଆମେରିକାରେ ଆରମ୍ଭ ହେବାକୁ ଯାଉଛି ରାମ ମନ୍ଦିର ରଥ ଯାତ୍ରା । ଏହି ଯାତ୍ରା ମାର୍ଚ୍ଚ ୨୫ରେ ଆମେରିକାର ଚିକାଗୋରୁ ଆରମ୍ଭ ହେବ । ଏବଂ ପ୍ରାୟ ଆଠ ହଜାର ମାଇଲ ଦୂରତା ଅତିକ୍ରମ କରିବ । ଯାତ୍ରା ସମୟରେ ଆମେରିକାର ୮୫୧ଟି ମନ୍ଦିର ଏବଂ କାନାଡାର ୧୫୦ଟି ମନ୍ଦିର ପରିଦର୍ଶନ କରାଯିବ । 

କାନାଡାରେ ଆୟୋଜିତ ହେବାକୁ ଥିବା ରଥ ଯାତ୍ରା କାନାଡାର ବିଶ୍ବ ହିନ୍ଦୁ ପରିଷଦ ଦ୍ବାରା ଆୟୋଜିତ ହୋଇଛି । ଲୋକଙ୍କୁ ହିନ୍ଦୁ ଧର୍ମ ବିଷୟରେ ସଚେତନ କରାଇବା ଏହି ରଥ ଯାତ୍ରାର ଉଦ୍ଦେଶ୍ୟ ।  ଯାତ୍ରା ସମସ୍ତ ହିନ୍ଦୁଙ୍କୁ ଏକଜୁଟ ହେବାକୁ ସୁଯୋଗ ଦେଉଛି ବୋଲି ହିନ୍ଦୁ ମନ୍ଦିର ସଶକ୍ତିକରଣ ପରିଷଦ ତରଫରୁ କୁହାଯାଇଛି । 

ଅଧିକ ପଢନ୍ତୁ ବିଦେଶ ଖବର

ଟୟୋଟା ସାଇନା ଭ୍ୟାନ୍ ଉପରେ ନିର୍ମିତ ରଥରେ ପ୍ରଭୁ ରାମ, ଦେବୀ ସୀତା, ଲକ୍ଷ୍ମଣ, ଏବଂ ହନୁମାନଙ୍କ ପ୍ରତିମୂର୍ତ୍ତି, ଅଯୋଧ୍ୟା ରାମ ମନ୍ଦିରର ସ୍ବତନ୍ତ୍ର ପ୍ରସାଦ ଏବଂ ପ୍ରାଣପ୍ରତୀକ ପୂଜିତ ଅକ୍ଷତ କଳଷ ରଖାଯିବ । ଏପ୍ରିଲ ୨୩ରେ ହନୁମାନ ଜୟନ୍ତୀ ଦିନ ଯାତ୍ରା ଶେଷ ହେବ । ରଥ ଯାତ୍ରାରେ ଆମେରିକାର ପ୍ରାୟ ସମସ୍ତ ମନ୍ଦିର ପରିଦର୍ଶନ କରାଯିବ ।