ଭୁବନେଶ୍ବର,୧୪/୦୬: ଡ୍ରେସ୍ ସଫା କଲେ ଜେଲ୍। ଗୀତ ଶୁଣିଲେ ଉଠାଇ ନିଏ ପୁଲିସ। ଟିଭି ଲଗାଇଲେ ବି ଭରିବାକୁ ପଡିବ ଜରିମାନା। ରବିବାର ଏଠି ୱାଶିଂ ମେସିନ୍ ଚଲାଇବା ମନା। ତେବେ ଛୁଟି ଦିନରେ ଆପଣ ନିଜ ଘରେ ଯାହା ଇଚ୍ଛା କରିପାରିବେ। ଏଥିପାଇଁ ମନା ନାହିଁ। ହେଲେ ପଡୋଶୀ ଘରକୁ ଶବ୍ଦ ଗଲେ ପସ୍ତେଇବେ।

ଜର୍ମାନୀ ଓ ସ୍ଵିଜରଲ୍ୟାଣ୍ଡରେ ଏଭଳି ବିରଳ ନିୟମକୁ ନେଇ ଏବେ ସବୁଠି ଚର୍ଚ୍ଚା। ସପ୍ତାହର ୬ ଦିନ ଯାକର ବିଜି ସିଡ୍ୟୁଲ୍ ଭିତରେ ରବିବାରକୁ ଅପେକ୍ଷା କରନ୍ତି ସମସ୍ତେ। ଘର ସଫା କରିବାଠୁ ନେଇ ଡ୍ରେସ୍ ସଫା ଯାଏଁ ସବୁକିଛି ଛୁଟିଦିନରେ କରିବାକୁ ଟାଇମ୍ ମିଳେ। ନିଜ ସହ ସମୟ ବିତାଇବାକୁ ସନଡେ ସବୁଠୁ ବେଷ୍ଟ। ହେଲେ ଜର୍ମାନୀ ଓ ସ୍ଵିଜରଲ୍ୟାଣ୍ଡରେ ନିୟମ ଭିନ୍ନ। ଏଠାରେ ରବିବାରକୁ ଖାସ୍ ଦିନ ବୋଲି ମାନନ୍ତି। କାରଣ ଏହି ଦିନ ଆରାମ କରିବାକୁ ଏବଂ ପରିବାର ସହ ସମୟ ବିତାଇବାକୁ ଟାଇମ୍ ମିଳେ। ତେଣୁ ଅନ୍ୟ ପାଇଁ ଯେମିତି ଏହି ଦିନଟି ଡିଷ୍ଟର୍ବ ନହୁଏ ସେଥିପାଇଁ ସରକାର ଏଭଳି ନିୟମ ଲାଗୁ କରିଛନ୍ତି। ଏହି ନିୟମ କେବଳ ଡ୍ରେସ୍ ସଫା କରିବା ଏବଂ ଗୀତ ଶୁଣିବା ଯାଏଁ ସୀମିତ ନାହିଁ। ଜର୍ମାନୀର କିଛି ଅଞ୍ଚଳରେ ଘରର ଲନରେ ଘାସ କାଟିବା, କାନ୍ଥରେ ଡ୍ରିଲ୍ କରିବା, ହାତୁଡ଼ା ସାହାଯ୍ୟରେ ପର୍ଣ୍ଣିଚର କାମ କରିବା, କାର୍ ଧୋଇବା ଏବଂ ରିସାକେଲିଂ କଣ୍ଟେନରରେ କାଚ ବୋତଲ ପକାଇବା ଭଳି ଗତିବିଧି ଉପରେ ମଧ୍ୟ କଟକଣା ରହିଛି।

ପଢନ୍ତୁ ଏହି ଖବର: ଯାନ୍ତ୍ରିକ ତ୍ରୁଟି ନାଁ ଅନ୍ୟକିଛି, କାହିଁକି ପେଣ୍ଟାଗନରେ ଲାଗିଥିଲା ଏମରଜେନ୍ସି?

ଏପରିକି କିଛି ଆପାର୍ଟମେଣ୍ଟରେ ନୋ ନଏଜ୍ ଆୱାର ବି ରହିଛି। ଏହି ସମୟ ମଧ୍ୟରେ ସାଉଣ୍ଡ୍ କଲା ଭଳି କୌଣସି ଉପକରଣ ଚାଲୁ କଲେ, ପଡୋଶୀ ଅଭିଯୋଗ କରିଦିଅନ୍ତି। ଏହାପରେ ପୁଲିସ ଆସି ଘରୁ ଉଠାଇ ନିଅନ୍ତି। ତେବେ ଜର୍ମାନୀରେ ଏହି ନିୟମ ଉଲ୍ଲଙ୍ଘନ କଲେ ୫୦ ୟୁରୋ ରୁ ୨୫୦୦ ୟୁରୋ ପର୍ଯ୍ୟନ୍ତ ଜରିମାନା ଭରିବାକୁ ପଡିବ। ଯଦି କୌଣସି ଭଡାଟିଆ ବାରମ୍ବାର ନିୟମ ଉଲ୍ଲଙ୍ଘନ କରେ ତାହେଲେ ଘର ମାଲିକ କିମ୍ଵା ଆବାସ ସଙ୍ଘ ଭଡାଟିଆ ଚୁକ୍ତିକୁ ରଦ୍ଦ କରିଦିଅନ୍ତି। ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ବି ହୋଇପାରେ। ଜର୍ମାନୀରେ ଏଭଳି ନିୟମ ପଛରେ ଏକ ବଡ଼ ଉଦ୍ଦେଶ୍ୟ ରହିଛି। ସମସ୍ତଙ୍କୁ ଶାନ୍ତିରେ ରହିବାର ଅଧିକାର ଅଛି। ଏଥିପାଇଁ ରବିବାର ହେଉଛି ସବୁଠୁ ଉତ୍କୃଷ୍ଟ ସମୟ।

ସଙ୍ଗୀତ ଏବଂ ଟେଲିଭିଜନ ଉପରେ କଟକଣା

ଉଚ୍ଚ ସ୍ୱରରେ ସଂଗୀତ ବଜାଇବା କିମ୍ବା ଟେଲିଭିଜନ ଦେଖିବା ଦ୍ୱାରା ପଡ଼ୋଶୀମାନଙ୍କଠାରୁ ଅଭିଯୋଗ ଆସିପାରେ। ଆଶା କରାଯାଉଛି ଯେ ଘର ଭିତରୁ ଶବ୍ଦ ନିକଟସ୍ଥ ବାସିନ୍ଦାଙ୍କୁ ବିଚଳିତ କରିବ ନାହିଁ। ଯଦି ଅଭିଯୋଗ ଦାଖଲ କରାଯାଏ, ତେବେ ସ୍ଥାନୀୟ କର୍ତ୍ତୃପକ୍ଷ କିମ୍ବା ପୋଲିସ ପରିସ୍ଥିତି ଉପରେ ନିର୍ଭର କରି ଘଟଣାର ତଦନ୍ତ କରି ଚେତାବନୀ କିମ୍ବା ଜରିମାନା ଜାରି କରିପାରିବେ।

ନିୟମ ଭାଙ୍ଗିଲେ କ’ଣ ଦଣ୍ଡ ମିଳିବ?

ପ୍ରଥମ ପରିଣାମ ହେଉଛି ସାଧାରଣତଃ ପଡ଼ୋଶୀଙ୍କ ଅଭିଯୋଗ। କର୍ତ୍ତୃପକ୍ଷ ତା'ପରେ ଏକ ମୌଖିକ କିମ୍ବା ଲିଖିତ ଚେତାବନୀ ଦେଇପାରନ୍ତି। ଜର୍ମାନୀରେ ଶବ୍ଦ ନିୟମ ଉଲ୍ଲଂଘନ ପାଇଁ ଜରିମାନା ପ୍ରାୟ 50 ୟୁରୋରୁ 2500 ୟୁରୋ ପର୍ଯ୍ୟନ୍ତ ହୋଇପାରେ, ଯାହା ଉଲ୍ଲଂଘନର ତୀବ୍ରତା ଏବଂ ବାରମ୍ବାରତା ଉପରେ ନିର୍ଭର କରେ।

ଯଦି ଜଣେ ବାସିନ୍ଦା ବାରମ୍ବାର ନିୟମ ଭଙ୍ଗ କରନ୍ତି, ତେବେ ଘରମାଲିକ କିମ୍ବା ହାଉସିଂ ଆସୋସିଏସନ୍ ଭଡାଟିଆ ଚୁକ୍ତିନାମାକୁ ସମାପ୍ତ କରିବା ସହିତ ଅଧିକ ଗମ୍ଭୀର କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ।