US Defense Headquarters security alert: ମଧ୍ୟ ପ୍ରାଚ୍ୟରେ ଚାଲିଥିବା ଯୁଦ୍ଧ ମଧ୍ୟରେ ଅଚାନକ ବନ୍ଦ ହୋଇ ଯାଇଥିଲା ଆମେରିକୀୟ ପ୍ରତିରକ୍ଷା ମୁଖ୍ୟାଳୟ ପେଣ୍ଟାଗନ୍। ପ୍ରାୟ ଦିନେ ଦୁଇ ଦିନ ପୂର୍ବେ ପେଣ୍ଟାଗନ ଠାରେ ଲକଡାଉନ୍ ଲଗାଯିବା ସହ ଏହାର ସମ୍ପୂର୍ଣ୍ଣ ପରିସରକୁ ଖାଲି କରି ଦିଆୟାଇଥିଲା। ଏନେଇ କୁହାଯାଉଛି ଯେ ଭୁଳବଶତଃ ଏକ ଆଲର୍ମ ବାଜିବା ଯୋଗୁଁ ଏଭଳି ପରିସ୍ଥିତ ସୃଷ୍ଟି ହୋଇଥିଲା। ପ୍ରାରମ୍ଭରେ ଏହି ବିଶାଳକାୟ କୋଠାର ଅନେକ ଅଂଶକୁ ବନ୍ଦ କରି ଦିଆଯାଇଥିଲା। ବିପଦପୂର୍ଣ୍ଣ ପରିସ୍ଥିତିର ସମ୍ଭାବନା ଯୋଗୁଁ ଏଠାରୁ ଲୋକଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଇଥିଲା। ହେଲେ ପରେ ଏକ ଭୁଲ ଆଲାର୍ମ ବାଜିବା ଯୋଗୁଁ ଏପରି ସ୍ଥିତି ସୃଷ୍ଟି ହୋଇଥିବାର କୁହାଯାଉଛି।

ସ୍ଥାନୀୟ ଗଣମାଧ୍ୟମ CNN ରିପୋର୍ଟ ଅନୁଯାୟୀ, ପେଣ୍ଟାଗନ ମୁଖପାତ୍ର ସିଆନ୍ ପାର୍ନେଲ୍ କହିଛନ୍ତି ଯେ ଏଠାକାର ବ୍ୟବସ୍ଥାରେ ବାୟୁ ଗୁଣବତ୍ତା ସମସ୍ୟା ସୂଚିତ ହୋଇଥିଲା। ଯାହା ସତର୍କତା ମୂଳକ ସୁରକ୍ଷା ଜନିତ ପ୍ରୋଟୋକଲ୍ ଲାଗୁ କରିବାକୁ ପଡ଼ିଥିଲା। ସେ କହିଛନ୍ତି ଯେ ଉଦ୍ଧାରକାରୀ ଦଳକୁ ଘଟଣାସ୍ଥଳରେ ମୁତୟନ କରାଯାଇଥିଲା। ପେଣ୍ଟାଗନ୍ ପରିସରରେ ଉପସ୍ଥିତ ରହିଥିବା ସମସ୍ତଙ୍କ ସୁରକ୍ଷା ସୁନିଶ୍ଚିତ କରାଯାଇଥିଲା।

ଏହା ସହ ପଢନ୍ତୁ: ଯୁଦ୍ଧ ବେଳେ ଚର୍ଚ୍ଚାରେ ପେଣ୍ଟାଗନ ପିଜା ରିପୋର୍ଟ; କ'ଣ ରହିଛି ଏହାର ଇତିହାସ?

ଏହି ଘଟଣା ପରେ ବଢାଯାଇଥିଲା ପେଣ୍ଟାଗନ୍ ସୁରକ୍ଷା
CNN ରିପୋର୍ଟ ଅନୁଯାୟୀ ପେଣ୍ଟାଗନ ପରିସରରେ ସନ୍ଦେହଜନକ ପରିସ୍ଥିତି ଯୋଗୁଁ ସତର୍କତାମୂଳକ ପଦକ୍ଷେପ ସ୍ୱରୂପ ଦ୍ୱିତୀୟରୁ ପଞ୍ଚମ ମହଲା (କିଛି ରିପୋର୍ଟ ଅନୁସାରେ ଚତୁର୍ଥରୁ ସପ୍ତମ ମହଲା) ପର୍ଯ୍ୟନ୍ତ ଅନେକ ଅଞ୍ଚଳକୁ ବନ୍ଦ କରି ଦିଆଯାଇଥିଲା। ସମଗ୍ର ପରିସର ଭିତରେ ସୁରକ୍ଷା ବୃଦ୍ଧି କରାଯାଇଥିଲା। ଏପରିକି ପୋଲିସ ଅଧିକାରୀଙ୍କୁ ଗ୍ୟାସ୍ ମାସ୍କ ଏବଂ ରାସାୟନିକ ସୁରକ୍ଷା ଉପକରଣ ପିନ୍ଧିଥିବାର ଦେଖାଯାଇଥିଲା।

ପେଣ୍ଟାଗନ ଫୋର୍ସ ପ୍ରୋଟେକ୍ସନ ଏଜେନ୍ସି ହାଜମାଟ୍ (ବିପଜ୍ଜନକ ସାମଗ୍ରୀ) ଦଳ, ଆର୍ଲିଙ୍ଗଟନ୍ କାଉଣ୍ଟି ଅଗ୍ନିଶମ ବିଭାଗ ସହିତ, ଏହି ସ୍ଥିତିକୁ ନିୟନ୍ତ୍ରଣ କରିଥିଲା। ଆର୍ଲିଂଟନ୍ ଫାୟାର ଆଣ୍ଡ୍ ଏମରଜେନ୍ସି ସର୍ଭିସ ଏହା ମଧ୍ୟ ନିଶ୍ଚିତ କରିଛି ଯେ ଏହାର ହାଜମ୍ୟାଟ୍ ଦଳ ଘଟଣାସ୍ଥଳରେ ସକ୍ରିୟ ରହିଥିଲା। ହେଲେ ତଥାପି ପରେ ଏହା ଜଣାପଡ଼ିଲା ଯେ "ବିପଜ୍ଜନକ ସାମଗ୍ରୀ" ବିପଦ ଯାହା ପାଇଁ ପରିସରକୁ ଖାଲି କରିବାକୁ ଏବଂ ଲୋକଙ୍କୁ ଅନ୍ୟତ୍ର ସ୍ଥାନାନ୍ତର କରିବାକୁ ପଡ଼ିଥିଲା, ତାହା ପ୍ରକୃତରେ ଏକ ଭୁଲ ଆଲାର୍ମ ବାଜିବା ଯୋଗୁଁ ହୋଇଥିଲା।