ଭୁଷୁଡ଼ିଲା ଦୁଇଟି କୋଠା। କୋଠା ତଳେ ଚାପି ହୋଇ ଚାଲିଗଲା ୨୨ ଜଣଙ୍କ ଜୀବନ। ଏଭଳି ଦୁର୍ଘଟଣା ଦେଖିବାକୁ ମିଳିଛି ମରକ୍କୋରେ। ଏବେବି ସେଠାରେ ଉଦ୍ଧାର କାର୍ଯ୍ୟ ଜାରି ରହିଛି। ଏହାସହ କୁହାଯାଉଛି କି ମୃତ୍ୟୁ ସଂଖ୍ୟା ଆଗକୁ ଆହୁରି ବଢ଼ିପାରେ। କର୍ତ୍ତୃପକ୍ଷ କହିଛନ୍ତି ଯେ କୋଠା ଗୁଡ଼ିକ ଅଲ୍-ମୁସ୍ତାକବାଲରେ ଅବସ୍ଥିତ। ଯେଉଁଠାରେ ଆଠଟି ପରିବାର ରହୁଥିଲେ। ମରକ୍କୋରେ ଘଟିଛି ବଡ ଅଘଟଣ । ଦୁଇଟି ଚାରି ମହଲା ବିଶିଷ୍ଟ ଆବାସିକ କୋଠା ଭୁଷୁଡ଼ି ପଡ଼ିଛି। ଏପର୍ଯ୍ୟନ୍ତ ୨୨ ଜଣଙ୍କ ମୃତ୍ୟୁ ହୋଇଥିବା ବେଳେ ୧୬ ଜଣ ଆହତ ହୋଇଥିବା ସୂଚନା ମିଳିଛି। ଏହି ଘଟଣା ମରକ୍କୋର ସବୁଠାରୁ ପୁରୁଣା ଏବଂ ଘନ ଜନବହୁଳ ସହର ମଧ୍ୟରୁ ଗୋଟିଏ ଫେଜରେ ଘଟିଛି।

ଫେଜ୍ ସହରରେ ଏକ ଅତ୍ୟନ୍ତ ଉତ୍ତେଜନାପୂର୍ଣ୍ଣ ସମୟରେ ଏହି ଦୁଃଖଦ ଘଟଣା ଘଟିଛି। ଫେଜ୍ ହେଉଛି ଅଷ୍ଟମ ଶତାବ୍ଦୀର ଏକ ପ୍ରାଚୀନ ସାମ୍ରାଜ୍ୟବାଦୀ ସହର ଏବଂ ମରକ୍କୋର ପୂର୍ବତନ ରାଜଧାନୀ। ମାତ୍ର ଦୁଇ ମାସ ପୂର୍ବେ, ସାରା ଦେଶରେ ଜୀବନଯାପନର ଅବନତି, ବେକାରୀ ଏବଂ ସରକାରୀ ସେବାର ଅବନତିଶୀଳ ଅବସ୍ଥା ବିରୁଦ୍ଧରେ ବିଶାଳ ପ୍ରତିବାଦ ଆରମ୍ଭ ହୋଇଥିଲା। ଏହି ପ୍ରତିବାଦ ଗୁଡ଼ିକ ମୁଖ୍ୟତଃ ଯୁବକମାନଙ୍କ ଦ୍ୱାରା ପରିଚାଳିତ ହୋଇଥିଲା ଏବଂ ପରେ ଗ୍ରାମାଞ୍ଚଳକୁ ବ୍ୟାପିଥିଲା, ଯେଉଁଠାରେ ପ୍ରଦର୍ଶନ ଗୁଡ଼ିକ ହିଂସାତ୍ମକ ସଂଘର୍ଷରେ ପରିଣତ ହୋଇଥିଲା।

ଏଥିସହ ପଢ଼ନ୍ତୁ: ବନ୍ଦେ ମାତରମ୍‌ ଆଲୋଚନାକୁ ରୋଷ୍ଟ କଲେ ବିଶାଲ, ଦେଖନ୍ତୁ ଭିଡିଓ...

ସ୍ଥାନୀୟ କର୍ତ୍ତୃପକ୍ଷ କହିଛନ୍ତି ଯେ, ମଧ୍ୟରାତ୍ରି ପରେ ଏହି ଘଟଣା ଘଟିଛି। ସୁରକ୍ଷା ଏବଂ ଉଦ୍ଧାରକାରୀ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚି ଘଟଣାର ଖବର ପାଇବା ମାତ୍ରେ ଉଦ୍ଧାର ଏବଂ ରିଲିଫ୍ କାର୍ଯ୍ୟ ଆରମ୍ଭ କରିଥିଲେ। ସୂଚନାନୁସାରେ, ପ୍ରାରମ୍ଭିକ ମୂଲ୍ୟାଙ୍କନରୁ ଜଣାପଡିଛି ଯେ କୋଠା ଗୁଡ଼ିକ ଧ୍ୱଂସପ୍ରାପ୍ତ ଅବସ୍ଥାରେ ଥିଲା। ପ୍ରଶାସନ ଏହି କୋଠା ଗୁଡ଼ିକ ପ୍ରତି ବିଶେଷ ଧ୍ୟାନ ଦେଇ ନଥିଲା। ଘଟଣା ପରେ, ଗୃହ ମନ୍ତ୍ରଣାଳୟ କହିଛି ଯେ ସେମାନେ ଏପର୍ଯ୍ୟନ୍ତ କ୍ଷୟକ୍ଷତିର ପରିମାଣ ଯାଞ୍ଚ କରିପାରି ନାହାଁନ୍ତି। ଏକବର ପରେ ସବୁଠି ଭୟର ବାତାବରଣ ଖେଳିଯାଇଛି।

ଫେଜ୍ ହେଉଛି ମରକ୍କୋର ତୃତୀୟ ବୃହତ୍ତମ ସହର ଏବଂ ଏହି ମାସରେ ହେବାକୁ ଥିବା ଆଫ୍ରିକା କପ୍ ଅଫ୍ ନେସନ୍ସ ଏବଂ 2030 ଫିଫା ବିଶ୍ୱକପ୍ ର ଆୟୋଜକମାନଙ୍କ ମଧ୍ୟରୁ ଗୋଟିଏ ସହର। ଏହା ମଧ୍ୟଯୁଗୀୟ ସୌକରେ ପରିପୂର୍ଣ୍ଣ । ଏହା ଦେଶର ସବୁଠାରୁ ଗରିବ ସହରାଞ୍ଚଳ କେନ୍ଦ୍ରଗୁଡ଼ିକ ମଧ୍ୟରୁ ଗୋଟିଏ, ଯେଉଁଠାରେ ପୁରୁଣା ଭିତ୍ତିଭୂମି ଦେଖିବାକୁ ମିଳିଥାଏ। ଦ୍ରୁତ ଜନସଂଖ୍ୟା ବୃଦ୍ଧି ପାଉଥିବା ମରକ୍କୋ ସହରଗୁଡ଼ିକରେ ଏପରି କୋଠା ଭୁଷୁଡ଼ିବା ଅସାଧାରଣ ଘଟଣା ନୁହେଁ। ସୂଚନାନୁସାରେ, ମେ ମାସରେ ଫେଜ୍‌ରେ ଏକ କୋଠା ଭୁଷୁଡ଼ି ପଡ଼ିବାରୁ 10 ଜଣଙ୍କର ମୃତ୍ୟୁ ହୋଇଥିଲା ଏବଂ ସାତ ଜଣ ଆହତ ହୋଇଥିଲେ।

ଅଧିକ ପଢ଼ନ୍ତୁ ବିଦେଶ ଖବର: