ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଗାଜା ଶାନ୍ତି ଯୋଜନାକୁ ମୋହର । ଅନୁମୋଦନ କଲା ଜାତିସଂଘର ସୁରକ୍ଷା ପରିଷଦ । ଆମେରିକା ଦ୍ଵାରା ପ୍ରସ୍ତୁତ କରାଯାଇଥିବା ଡ୍ରାଫ୍ଟ ପ୍ରସ୍ତାବ ଉପରେ ହୋଇଥିବା ମତଦାନରେ ବିପୁଳ ସମର୍ଥନ ମିଳିଛି । ଯାହା ପରେ ୨୦ ସୂତ୍ରୀୟ ରୋଡ୍‌ ମ୍ୟାପ୍‌ ଏବେ ଅନ୍ତର୍ଜାତୀୟ ସ୍ତରରେ ସ୍ଵୀକୃତ ଶାନ୍ତି ଢାଞ୍ଚା ବନିଛି ।

ଏହି ପ୍ରସ୍ତାବରେ ରହିଛି ଅନ୍ତର୍ଜାତୀୟ ସୈନିକଙ୍କୁ ଗାଜାରେ ମୁତୟନ କରିବା । ୱାଶିଂଟନର ୨୦ ସୂତ୍ରୀ ଫ୍ରେମୱର୍କପେ ଗାଜାରେ ଯୁଦ୍ଧ ବିରାମ, ପୁନଃ ନିର୍ମାଣ ଓ ଶାସନ ପାଇଁ ବ୍ୟାପକ ଅନ୍ତର୍ଜାତୀୟ ରୋଡମ୍ୟାପ୍‌ କଥା କୁହାଯାଇଛି ।

ଏଥିସହ ପଢ଼ନ୍ତୁ: ଦେହ ଖରାପ ସତ୍ତ୍ଵେ ହ୍ୟୁମାନଙ୍କୁ ନେଇ କିଏ କରାଉଥିଲା ଷ୍ଟେଜ୍ ଶୋ' ? ମାଆ ଆଣିଲେ ସାଂଘାତିକ ଅଭିଯୋଗ

ଗତମାସରେ ଇସ୍ରାଏଲ୍ ଓ ହମାସ୍ ଏହି ଯୋଜନାର ପ୍ରଥମ ପର୍ଯ୍ୟାୟରେ ସହମତି ବ୍ୟକ୍ତି କରି ୨ ବର୍ଷ ପାଇଁ ଯୁଦ୍ଧ ବନ୍ଦ କରିଛନ୍ତି । ମୁକ୍ତ ହୋଇଛନ୍ତି ବନ୍ଧକ ଓ ପଣବନ୍ଦୀ । ସୋମବାର ହୋଇଥିବା ମତଦାନରେ ଏହି ବ୍ଲୁ ପ୍ରିଣ୍ଟ ଏବେ କାର୍ଯ୍ୟ ଖସଡ଼ାରେ ପରିଣତ ହୋଇଛି । ଜାତିସଂଘ ସୁରକ୍ଷା ପରିଷଦର ମୋହର ପ୍ରସ୍ତାବକୁ ଏକ ଅନ୍ତର୍ଜାତୀୟ ଆଦେଶରେ ପରିଣତ କରିଛି । ଫଳରେ ଟ୍ରାଞ୍ଜିସନଲ ଅଥରିଟି ଗଠନର ରାସ୍ତା ଆହୁରି ସ୍ପଷ୍ଟ ହୋଇଛି ।

ପ୍ରସ୍ତାବରେ କ'ଣ ରହିଛି ?

ଟ୍ରମ୍ପଙ୍କ ବ୍ଲୁପ୍ରିଣ୍ଟରେ ଗାଜାକୁ ନେଇ ଅନେକ ପ୍ରସ୍ତାବ ରହିଛି । ଯେଉଁଥିରେ ଜାତିସଂଘର ସଦସ୍ୟ ରାଷ୍ଟ୍ରଙ୍କୁ ପ୍ରସ୍ତାବିତ 'ବୋର୍ଡ ଅଫ୍ ପିସ୍‌'ରେ ସାମିଲ୍ ଲାଗି ଆମନ୍ତ୍ରିତ କରାଯାଇଛି । ଅସ୍ତ୍ରଶସ୍ତ୍ର ନଷ୍ଟ ସହ ସେନା ଭିତ୍ତିଭୂମି ନଷ୍ଟ କରିବାକୁ କୁହାଯାଇଛି ।

ହମାସ୍‌ର ବିରୋଧ

ତେବେ ଜାତିସଂଘ ସୁରକ୍ଷା ପରିଷଦର ନିଷ୍ପତ୍ତିକୁ ଅଗ୍ରାହ୍ୟ କରିଛି ହମାସ୍ । ଫିଲିସ୍ତୀନର ଅଧିକାରୀଙ୍କ ଦାବି ପୂରଣରେ ପ୍ରସ୍ତାବ ବିଫଳ ହୋଇଛି । ଗାଜା ଉପରେ ଅନ୍ତର୍ଜାତୀୟ ଅଧିକାର ସାବ୍ୟସ୍ତ ପାଇଁ ପ୍ରୟାସ ହେଉଥିବା ହମାସ୍ କହିଛି ।

ଏଥିସହ ପଢ଼ନ୍ତୁ: 'ଫାଶୀ ଦଣ୍ଡାଦେଶ ଅନ୍ତରୀଣ ସରକାରର ଉଗ୍ରବାଦୀ ଏଜେଣ୍ଡା': ଶେଖ ହସିନା

ବିଶେଷ କରି ହମାସ୍ ସ୍ଥିରତ ଓ ସଶସ୍ତ୍ର ସୈନିକଙ୍କୁ ନିଷ୍କ୍ରିୟ ପାଇଁ ଦିଆଯାଇଥିବା ନିର୍ଦ୍ଦେଶକୁ କଡ଼ା ବିରୋଧ କରିଛି । ନ୍ୟୁଜ୍ ଏଜେନ୍ସି ରୟଟର୍ସ ଅନୁସାରେ ହମାସ୍ କହିଛି, "ଗାଜା ପଟ୍ଟିରେ ଅନ୍ତର୍ଜାତୀୟ ଫୋର୍ସଙ୍କୁ ଭର୍ତ୍ତି କରିବା ଏବଂ ଶାନ୍ତି ଦାୟିତ୍ଵ ଦେବା, ପ୍ରତିବାଦକୁ ନିଷ୍କ୍ରିୟ କରିବା ଇତ୍ୟାଦି କବ୍‌ଜାକାରୀଙ୍କ ପକ୍ଷରେ ସଂଘର୍ଷକୁ ଗୋଟିଏ ପକ୍ଷ କରି ଦେଇଛି ।"