ଆମେରିକା ହାତରେ ନିହତ ହେଲା ISIS ଆତଙ୍କବାଦୀ ସଂଗଠନର ସେକେଣ୍ଡ ଇନ୍ କମାଣ୍ଡ ଅବ୍ବୁ ବିଲାଲ ଅଲ ମିନୁକି । ଏନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିଜେ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍‌ ସୋସିଆଲରେ ପୋଷ୍ଟ କରି ସୂଚନା ଦେଇଛନ୍ତି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୋଷ୍ଟ କରି କହିଛନ୍ତି, ମୋ ନିର୍ଦ୍ଦେଶରେ, ସାହସୀ ଆମେରିକୀୟ ସେନା ଏବଂ ନାଇଜେରିଆର ସଶସ୍ତ୍ର ବାହିନୀ ବିଶ୍ୱର ସବୁଠାରୁ ସକ୍ରିୟ ଆତଙ୍କବାଦୀଙ୍କୁ ନିପାତ କରିଛନ୍ତି । ଏଥିପାଇଁ ଏକ ସୁଚିନ୍ତିତ ଯୋଜନାବଦ୍ଧ ଏବଂ ଅତ୍ୟନ୍ତ ଜଟିଳ ମିଶନକୁ ସଠିକ୍ ଭାବେ କାର୍ଯ୍ୟକାରୀ କରାଯାଇଛି ।

ବିଶ୍ୱ ସ୍ତରରେ ISISର ସେକେଣ୍ଡ ଇନ୍‌ କମାଣ୍ଡ ଆବୁ-ବିଲାଲ ଅଲ-ମିନୁକି ଭାବିଥିଲେ ଯେ ସେ ଆଫ୍ରିକାରେ ଲୁଚିପାରିବେ, କିନ୍ତୁ ସେ ଜାଣି ନଥିଲେ ଯେ ଆମ ପାଖରେ ଏପରି କିଛି ଉତ୍ସ ଅଛି ଯାହାଦ୍ବାରା ସେ କ'ଣ କରୁଛନ୍ତି ସେ ବିଷୟରେ ଆମକୁ ସୂଚନା ମିଳୁଥିଲା । ସେ ଆଉ ଆଫ୍ରିକାର ଲୋକମାନଙ୍କୁ ଆତଙ୍କିତ କରିପାରିବ ନାହିଁ, କିମ୍ବା ଆମେରିକୀୟମାନଙ୍କୁ ଟାର୍ଗେଟ କରିବା ପାଇଁ ଯୋଜନା କରିବାରେ ସାହାଯ୍ୟ କରିବେ ନାହିଁ । ମିନୁକି ନିହତ ହେବାପରେ ISISର ବିଶ୍ୱବ୍ୟାପୀ ଅପରେସନ ବହୁତ ହ୍ରାସ ପାଇଛି ।

“Tonight, at my direction, brave American forces and the Armed Forces of Nigeria flawlessly executed a meticulously planned and very complex mission to eliminate the most active terrorist in the world from the battlefield. Abu-Bilal al-Minuki, second in command of ISIS…” -… pic.twitter.com/KF8MYet9CB

— The White House (@WhiteHouse) May 16, 2026

ଆବୁ-ବିଲାଲ ଅଲ-ମିନୁକି ଜଣେ ଉଚ୍ଚପଦସ୍ଥ ISIS ଆତଙ୍କବାଦୀ କାର୍ଯ୍ୟକର୍ତ୍ତା ଥିଲେ ଯିଏ ISIS ର ବିଶ୍ୱସ୍ତରୀୟ ସେକେଣ୍ଡ-ଇନ୍-କମାଣ୍ଡ ଭାବରେ କାର୍ଯ୍ୟ କରିଥିଲେ । କାଉଣ୍ଟର ଏକ୍ସଟ୍ରିମିଜ୍ ପ୍ରୋଜେକ୍ଟର ଏକ ରିପୋର୍ଟ ଅନୁଯାୟୀ, ଅଲ-ମା'ନୁକି ମୁଖ୍ୟତଃ ଆଫ୍ରିକାର ସାହେଲ ଅଞ୍ଚଳରେ ସକ୍ରିୟ ଥିଲେ, ଯାହା ୧୨ଟି ଦେଶକୁ ବ୍ୟାପିଛି । ସେ ଏକ ଇସଲାମିକ୍ ବିଶ୍ୱ ସୃଷ୍ଟି କରିବାକୁ ଚାହୁଁଥିଲେ ।

ଆମେରିକାର ବୈଦେଶିକ ବିଭାଗ ତାଙ୍କୁ ୨୦୨୩ ମସିହାରେ ଆନୁଷ୍ଠାନିକ ଭାବରେ ଜଣେ ବରିଷ୍ଠ ISIS ନେତା ଭାବରେ ନାମିତ କରିଥିଲା। ରିପୋର୍ଟ ଅନୁଯାୟୀ, ସେ ସାହେଲ୍ ଅଞ୍ଚଳରେ ISIS-ସମ୍ବନ୍ଧୀୟ କାର୍ଯ୍ୟକଳାପରେ ପ୍ରମୁଖ ଭୂମିକା ଗ୍ରହଣ କରିଥିଲେ ଏବଂ ସଂଗଠନର ଅନ୍ତର୍ଜାତୀୟ ଗଠନରେ ଜଣେ ପ୍ରମୁଖ ବ୍ୟକ୍ତି ଭାବରେ ବିବେଚିତ ହୋଇଥିଲେ ।