ହ୍ଵାଇଟ୍ ହାଉସ୍ରେ ଝଗଡ଼ା ପରେ ବଡ଼ ଝଟ୍କା ଦେଲେ ଟ୍ରମ୍ପ, ୟୁକ୍ରେନ୍କୁ ସୈନ୍ୟ ସହାୟତା ବନ୍ଦ
ଆକ୍ସନ୍ରେ ଟ୍ରମ୍ପ, ୟୁକ୍ରେନ୍କୁ ରୋକିଲେ ସୈନ୍ୟ ସହାୟତା । ହ୍ଵାଇଟ୍ ହାଉସ୍ରେ ମତାନ୍ତରର ୩ ଦିନ ପରେ ୟୁକ୍ରେନ୍କୁ ଆମେରିକା ଦେଉଥିବା ସୈନ୍ୟ ସହାୟତାକୁ ଟ୍ରମ୍ପ ବନ୍ଦ କରି ଦେଇଛନ୍ତି । ଋଷ ସହ ଲଢ଼ିବା ୟୁକ୍ରେନ୍କୁ ଆମେରିକା ଦେଉଥିବା ସହାୟତା ସମ୍ପୂର୍ଣ୍ଣ ଭାବେ ବନ୍ଦ କରି ଦେଇଛି । ଏନେଇ ହ୍ଵାଇଟ୍ ହାଉସ୍ ପକ୍ଷରୁ ସୂଚନା ଦିଆ ଯାଇଛି ।
ହ୍ଵାଇଟ୍ ହାଉସ୍ ଅଧିକାରୀ କହିଛନ୍ତି, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କେବଳ ଚାହୁଁଛନ୍ତି, ୩ ବର୍ଷ ଧରି ଚାଲିଥିବା ଯୁଦ୍ଧ ଶେଷ ହେଉ । ଜେଲେନସ୍କିଙ୍କ ଠାରୁ ମଧ୍ୟ ଏହା ଆଶା ରଖିଛନ୍ତି ଟ୍ରମ୍ପ । ୫ ବର୍ଷ ତଳେ ଟ୍ରମ୍ପ ରାଷ୍ଟ୍ରପତି ଥିବା ବେଳେ ୟୁକ୍ରେନ୍କୁ ସୈନ୍ୟ ସହାୟତା ରୋକିବା ସହ ସେତେବେଳ ରାଷ୍ଟ୍ରପତି ପ୍ରାର୍ଥୀ ହୋଇଥିବା ଜୋ ବାଇଡେନ୍ଙ୍କ ବିରୋଧରେ ତଦନ୍ତ ନିର୍ଦ୍ଦେଶ ଦେଇଥିଲେ ।
ଯେଉଁଥିପାଇଁ ଡୋନାଲ୍ଡ ଟ୍ରମ୍ପଙ୍କ ବିରୋଧରେ ଆସିଥିଲା ମହାଭିଯୋଗ । ସେହିଭଳି ୨୦୨୪ ନିର୍ବାଚନରେ ଡୋନାଲ୍ଡ ଟ୍ରମ୍ପ କହିଥିଲେ, କ୍ଷମତାକୁ ଆସିଲେ ଋଷ-ୟୁକ୍ରେନ୍ ଯୁଦ୍ଧ ଶେଷ ହେବ । ଏବେ ନିର୍ବାଚନ ଜିତିବା ପରେ ଟ୍ରମ୍ପଙ୍କ ଷ୍ଟାଣ୍ଡ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ଙ୍କ ପକ୍ଷରେ ରହିବା ସହ ଶାନ୍ତି ଓ ଯୁଦ୍ଧ ଶେଷ ଚାହୁଁଛନ୍ତି । ଟ୍ରମ୍ପଙ୍କ କହିବା କଥା ୟୁକ୍ରେନ୍ ହିଁ ଶାନ୍ତି ପକ୍ଷରେ ନାହିଁ ।
📱 Get Argus News App
✨ସୋମବାର ଚ୍ରମ୍ପ କହିଥିଲେ, ଋଷ ଓ ୟୁକ୍ରେନ୍ ଯୁଦ୍ଧ ଏବେ ସରିବା ସ୍ଥିତିରେ ନାହିଁ । ଟ୍ରମ୍ପଙ୍କ ସହଯୋଗୀ ଜେଲେନସ୍କିଙ୍କ ଉପରେ ଖଣିଜ ଚୁକ୍ତି ଉପରେ ଚାପ ପକାଇବା ଆରମ୍ଭ କରିଥିଲେ । ସୂଚନା ଯୋଗ୍ୟ, ଓଭାଲ ଅଫିସ୍ରେ ଜେଲେନସ୍କିଙ୍କ ସହ ଆଲୋଚନା ବେଳେ ଟ୍ରମ୍ପ ରାଗି ଯାଇଥିଲେ । ଜେଲେନସ୍କି କହିଥିଲେ, ଆମେରିକା ଯାହା କିଛି କରୁଛି ସେଥିପାଇଁ ୟୁକ୍ରେନ୍ କୃତଜ୍ଞ ନୁହେଁ ।
ତେବେ ମୂଳ କଥା ହେଉଛି, ଆମେରିକା ଚାହୁଁଛି ବିନା କୌଣସି ସର୍ତ୍ତରେ ୟୁକ୍ରେନ୍ ଖଣିଜ ଚୁକ୍ତିରେ ହସ୍ତାକ୍ଷର କରୁ । ତେବେ ୟୁକ୍ରେନ୍ ରାଷ୍ଟ୍ରପତି ଜେଲେନସ୍କିଙ୍କ କହିବା କଥା ଏହି ଡିଲ୍ ବଦଳରେ ସେ ଦେଶର ସୁରକ୍ଷା ଗ୍ୟାରେଣ୍ଟି ଚାହୁଁଛନ୍ତି । ଆଉ ଯାହାକୁ ନେଇ ଟ୍ରମ୍ପ ଓ ଜେଲେନସ୍କିଙ୍କ ମଧ୍ୟରେ କଥା କଟାକଟି ହୋଇଥିବା ବେଳେ ଟ୍ରମ୍ପ, ଜେଲେନସ୍କଙ୍କୁ ତୃତୀୟ ବିଶ୍ଵ ଯୁଦ୍ଧ ହେଲେ ଦାୟୀ ରହିବେ ବୋଲି କହିଥିଲେ ।