Trump Praises PM Modi / ଭାରତକୁ ଭଲ ବନ୍ଧୁ କହି ପିଏମ୍ ମୋଦିଙ୍କୁ ପ୍ରଶଂସା କଲେ ଆମେରିକା ରାଷ୍ଟ୍ରପତି, ମଞ୍ଚରେ ହଁ କହିଲେ ଶେହବାଜ
Key Points
ସୋମବାର ଇଜିପ୍ଟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତର ପ୍ରଶଂସା କରିଛନ୍ତି । କହିଛନ୍ତି, "ଭାରତ ଏକ ମହାନ ଦେଶ ସହିତ ଆମେରିକାର ଶ୍ରେଷ୍ଠ ବନ୍ଧୁ । ଭାରତ ଭଲ କାମ କରୁଛି ।"
କାଇରୋ: ବିଶ୍ଵ ମଞ୍ଚରେ ଭାରତକୁ ପ୍ରଶଂସା । ଭାରତକୁ ଭଲ ବନ୍ଧୁ କହି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଶଂସା କଲେ ଆମେରିକା ରାଷ୍ଟ୍ରପତି । ସୋମବାର ଇଜିପ୍ଟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତର ପ୍ରଶଂସା କରିଛନ୍ତି । କହିଛନ୍ତି, "ଭାରତ ଏକ ମହାନ ଦେଶ ସହିତ ଆମେରିକାର ଶ୍ରେଷ୍ଠ ବନ୍ଧୁ । ଭାରତ ଭଲ କାମ କରୁଛି ।"
ଗାଜାରେ ଇସ୍ରାଏଲ୍-ହମାସ୍ ଯୁଦ୍ଧ ବିରତିକୁ ନେଇ ଇଜିପ୍ଟରେ ଆୟୋଜିତ ବିଶ୍ଵ ନେତା ସମ୍ମିଳନୀକୁ ସମ୍ବୋଧନ ବେଳେ ଟ୍ରମ୍ପ ଏ କଥା କହିଛନ୍ତି । ଟ୍ରମ୍ପ ଆହୁରି କହିଛନ୍ତି, "ମୁଁ ଭାବୁଛି ଭାରତ ଏବଂ ପାକିସ୍ତାନ ଏକାଠି ମିଶିଲେ ବହୁତ ଭଲରେ ରହିବେ ।"
ଏଥିସହ ପଢ଼ନ୍ତୁ: ଆଫଗାନିସ୍ତାନ ମାଡ଼ରେ ବେହାଲ ହେଲାଣି ପାକିସ୍ତାନ ସେନା !
📱 Get Argus News App
✨ସେହି ମଞ୍ଚରେ ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ୍ ଠିକ୍ ଟ୍ରମ୍ପଙ୍କ ପଛରେ ଛିଡ଼ା ହୋଇଥିଲେ । ଭାରତର ପ୍ରଶଂସା କରି କରି ଶେହବାଜଙ୍କୁ ପଚାରିଥିଲେ ଟ୍ରମ୍ପ । ଆଉ ଭରା ମଞ୍ଚରେ ଟ୍ରମ୍ପଙ୍କ କଥାରେ ମୁଣ୍ଡ ହଲେଇ ହଁ ଭରିଥିଲେ ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ । ମଞ୍ଚରେ ଥିବା ଅନ୍ୟ ରାଷ୍ଟ୍ରର ନେତା ବି ହାଲକା ହସିଥିଲେ । ଏବେ ଏହି ଭିଡିଓ ଭାଇରାଲ୍ ହେବାରେ ଲାଗିଛି ।
#WATCH | Egypt | US President Donald Trump says, "India is a great country with a very good friend of mine at the top and he has done a fantastic job. I think that Pakistan and India are going to live very nicely together..."
— ANI (@ANI) October 13, 2025
(Video source: The White House/YouTube) pic.twitter.com/rROPW57GCO
ଉକ୍ତ ସମ୍ମିଳନୀରେ ଆମେରିକା ରାଷ୍ଟ୍ରପତି ଟ୍ରମ୍ପ, ପାକିସ୍ତାନ ପ୍ରଧାନମନ୍ତ୍ରୀ ଶେହବାଜଙ୍କୁ ବକ୍ତବ୍ୟ ରଖିବାକୁ କହିଥିଲେ । ଯେଉଁଥିରେ ଶେହବାଜ, ଭାରତ-ପାକିସ୍ତାନ ମଧ୍ୟରେ ପରମାଣୁ ଯୁଦ୍ଧ ରୋକିବା ଶ୍ରେୟ ଟ୍ରମ୍ପଙ୍କୁ ଦେଇଥିଲେ ।
ଆହୁରି ପଢ଼ନ୍ତୁ: ପାକିସ୍ତାନ ପ୍ରଧାନମନ୍ତ୍ରୀ ଓ ସେନା ମୁଖ୍ୟଙ୍କୁ ଭେଟିଲେ ଡୋନାଲ୍ଡ ଟ୍ରମ୍ପ, ବୈଠକ ପୂର୍ବରୁ କଲେ ଭୂରି ଭୂରି ପ୍ରଶଂସା
ଶେହବାଜ କହିଥିଲେ, "ଯଦି ଏହି ମହାନ ବ୍ୟକ୍ତି ତାଙ୍କ ଅଦ୍ଭୁତ ଟିମ୍ ସହ ସେହି ୪ ଦିନ ମଧ୍ୟରେ ହସ୍ତକ୍ଷେପ କରି ନଥାନ୍ତେ ତ ଦୁଇ ପରମାଣୁ ଶକ୍ତି ସମ୍ପନ୍ନ ଦେଶ ମଧ୍ୟରେ ଯୁଦ୍ଧ ଏଭଳି ସ୍ତରକୁ ଯାଇଥାନ୍ତା । ଯେଉଁଠି ଆଉ କେହି ଜୀବିତ ନଥାନ୍ତେ, କ'ଣ ହୋଇଥିଲା କହିବା ଲାଗି ।"
ଏହା ପୂର୍ବରୁ ଟ୍ରମ୍ପ ମଧ୍ୟ ଭାରତ-ପାକିସ୍ତାନ ମଧ୍ୟରେ ମଧ୍ୟସ୍ଥତା କରି ଯୁଦ୍ଧ ରୋକିଥିବା କ୍ରେଡିଟ୍ ନିଜକୁ ଦେଇଛନ୍ତି । ତେବେ ଏହାକୁ ଭାରତ ବାରମ୍ବାର ଖଣ୍ଡନ କରି ଆସୁଛି । ଭାରତ କହୁଛି, ଦୁଇ ଦେଶର ସେନାର DGMO ପରସ୍ପର ଆଲୋଚନା ପରେ ସ୍ଥିତି ଶାନ୍ତ ହୋଇଥିଲା । ଏଥିରେ କୌଣସି ତୃତୀୟ ପକ୍ଷର ହସ୍ତକ୍ଷେପ ନଥିଲା ।
Related Topics
Explore more stories