ନାଇଜେରିଆ ଉପରେ ବଡ଼ ଧରଣର ଆକ୍ରମଣ କରିଛି ଆମେରିକା । ଏନେଇ ଆମେରିକା ରାଷ୍ଟ୍ରପତି ଡୋନାଲ ଟ୍ରମ୍ପ ନିଜେ ସୋସିଆଲ ମିଡିଆରେ ଜଣାଇଛନ୍ତି । ନାଇଜେରିଆର ଉତ୍ତର ପଶ୍ଚିମରେ ଥିବା ଆଇଏସଆଇଏସ୍‌ ଆଡ୍ଡା ଉପରେ ଆକ୍ରମଣ ହୋଇଛି । ନାଇଜେରିଆରେ ଖ୍ରୀଷ୍ଟ ଧର୍ମାବଲମ୍ବୀ ମାନଙ୍କୁ ଆକ୍ରମଣ ବନ୍ଦ କରିବା ପାଇଁ ପୂର୍ବରୁ ବାରମ୍ବାର ଚେତବନୀ ଦେଇଥିଲା ଆମେରିକା ପ୍ରଶାସନ ।

ଏହା ସତ୍ତ୍ଵେ ଆକ୍ରମଣ ବନ୍ଦ ନ ହେବାରୁ ଆଇଏସଆଇଏସ୍ ଆତଙ୍କୀ ଆଡ୍ଡାକୁ ଟାର୍ଗେଟ କରାଯାଇଛି । ଯଦି ଖ୍ରୀଷ୍ଟ ଧର୍ମାବଲମ୍ବୀ ମାନଙ୍କଉପରେ ଆକ୍ରମଣ ବନ୍ଦ ନ ହୁଏ ଆଗାମୀ ଦିନରେ ଆହୁରି ଆକ୍ରମଣ ପାଇଁ ଚେତାବନୀ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ ଟ୍ରମ୍ପ ।

ଏଥିସହ ପଢ଼ନ୍ତୁ: ବାଂଲାଦେଶରେ ଆଉ ଜଣେ ଯୁବକଙ୍କୁ ହତ୍ୟା: ଭିଡ଼ ଭିତରେ ପିଟି ପିଟି ହତ୍ୟା କଲେ
 
ସୂଚନାମୁତାବକ ଟ୍ରମ୍ପ କହିଛନ୍ତି ଯେ, ମୁଁ ପୂର୍ବରୁ ଏହି ଆତଙ୍କବାଦୀମାନଙ୍କୁ ଚେତାବନୀ ଦେଇସାରିଛି ଯେ ଯଦି ସେମାନେ ଖ୍ରୀଷ୍ଟିଆନଙ୍କ ନରସଂହାର ବନ୍ଦ ନ କରନ୍ତି, ତେବେ ସେମାନେ ଭୟଙ୍କର ପରିଣାମ ଭୋଗ କରିବେ ଏବଂ ଆଜି ରାତିରେ ତାହା ଘଟିଛି । ମୋ ନେତୃତ୍ୱରେ, ଆମ ଦେଶ ମୌଳବାଦୀ ଇସଲାମିକ୍ ଆତଙ୍କବାଦକୁ ବିକଶିତ ହେବାକୁ ଦେବ ନାହିଁ । ପରମେଶ୍ୱର ଆମର ସେନାକୁ ଆଶୀର୍ବାଦ କରନ୍ତୁ ଏବଂ ନିହତ ଆତଙ୍କବାଦୀଙ୍କ ସମେତ ସମସ୍ତଙ୍କୁ ଖ୍ରୀଷ୍ଟମାସର ଶୁଭେଚ୍ଛା, ଯଦି ସେମାନେ ଖ୍ରୀଷ୍ଟିଆନଙ୍କ ନରସଂହାର ଜାରି ରଖନ୍ତି ତେବେ ସେମାନଙ୍କ ସଂଖ୍ୟା ଆହୁରି ବୃଦ୍ଧି ପାଇବ ।

ଅହୁରି ପଢ଼ନ୍ତୁ: ବିଦ୍ୟୁତ୍ ଉପଭୋକ୍ତାଙ୍କୁ ବଡ଼ ଆଶ୍ଵସ୍ତି: ଉପଭୋକ୍ତାଙ୍କ ଖର୍ଚ୍ଚ ବହନ କରିବେ ରାଜ୍ୟ ସରକାର 

ଆମେରିକା ଜାତୀୟ ଆତଙ୍କବାଦ ବିରୋଧୀ କେନ୍ଦ୍ର ଅନୁଯାୟୀ, ବୋକୋ ହାରାମ ପ୍ରତି ଆନୁଗତ୍ୟ ପ୍ରକାଶ କରିବା ପରେ ୨୦୧୫ ରେ ପଶ୍ଚିମ ଆଫ୍ରିକା ଗଠନ କରାଯାଇଥିଲା । ଆମେରିକା ଅନୁଯାୟୀ, ଏହି ଶାଖା ଆଞ୍ଚଳିକ ସାମରିକ ଘାଟି ଏବଂ ନାଗରିକ ପ୍ରତିରକ୍ଷା ବାହିନୀ ଉପରେ ଆକ୍ରମଣ କରେ ଏବଂ ବାରମ୍ବାର ସରକାରୀ କର୍ମଚାରୀ, ଭିତ୍ତିଭୂମି ଏବଂ ଖ୍ରୀଷ୍ଟିଆନମାନଙ୍କୁ ଆକ୍ରମଣ କରେ ।

ଡିସେମ୍ବର ୧୯ ତାରିଖ ପୂର୍ବରୁ ଆମେରିକା ଏବଂ ଜୋର୍ଡାନ ସେନା ସିରିଆରେ ଇସଲାମିକ୍ ଷ୍ଟେଟ୍ ଆତଙ୍କବାଦୀ ଗୋଷ୍ଠୀ ବିରୁଦ୍ଧରେ ବ୍ୟାପକ ବିମାନ ଆକ୍ରମଣ ଆରମ୍ଭ କରିଥିଲେ । ୧୦୦ ରୁ ଅଧିକ ସଠିକ୍-ନିର୍ଦ୍ଦେଶିତ ଯୁଦ୍ଧାସ୍ତ୍ର ସହିତ ୭୦ ରୁ ଅଧିକ ଓଝଓଝ ଲକ୍ଷ୍ୟସ୍ଥଳକୁ ଟାର୍ଗେଟ କରିଥିଲେ।

ଅଧିକ ପଢ଼ନ୍ତୁ ବିଦେଶ ଖବର...