ଜେଲେନସ୍କି ବଡ଼ ବୟାନ। ବର୍ତ୍ତମାନ ଯାହା ସବୁଠି ଚର୍ଚ୍ଚାର ବିଷୟ ପାଲଟିଛି। ଋଷିଆ-ୟୁକ୍ରେନ ଯୁଦ୍ଧ ସମାପ୍ତ କରିବା ପାଇଁ ଆମେରିକା ପକ୍ଷରୁ ହେଉଥିବା ଉଦ୍ୟମରେ ଜେଲେନସ୍କି ଏକ ବଡ଼ ବୟାନ ଦେଇଛନ୍ତି। ଋଷିଆ କହିଛି ଯେ, ସେ ୟୁକ୍ରେନ ଓ ୟୁରୋପର ସବୁ ପ୍ରସ୍ତାବକୁ ଅସ୍ୱୀକାର କରିଦେବ। ଏଣୁ ଏଥିରୁ ପ୍ରଶ୍ନ ଉଠୁଛି ଦୀର୍ଘ ୪ ବର୍ଷ ହେଲା ଜାରି ଯୁଦ୍ଧକୁ ଟ୍ରମ୍ପ ସମାପ୍ତ କରିପାରିବେ ତ? ଜେଲେନସ୍କି କହିଛନ୍ତି ଚଳିତ ସପ୍ତାହ ଆରମ୍ଭରେ ୟୁରୋପୀୟ ନେତାଙ୍କ ସହିତ ପରାମର୍ଶ ପରେ ପଠାଯାଇଥିବା ସଂଶୋଧିତ ପ୍ରସ୍ତାବ ଉପରେ ୱାସିଂଟନରୁ ଏ ପର୍ଯ୍ୟନ୍ତ କୌଣସି ଉତ୍ତର ମିଳି ନାହିଁ। ତେବେ ଜେଲେନସ୍କି ତାଙ୍କ ଆଭିମୁଖ୍ୟରେ ବଡ଼ ପରିବର୍ତ୍ତନ କରିଛନ୍ତି। କାରଣ ଋଷିଆର ଅସନ୍ତୋଷ ସତ୍ତ୍ୱେ ୟୁକ୍ରେନ ଦୀର୍ଘ ସମୟରୁ ନାଟୋ ସଦସ୍ୟ ହେବାର ଇଛାବ୍ୟକ୍ତ କରିଆସୁଛି । ନାଟୋ ଏଭଳି ଏକ ସୈନ୍ୟ ସଙ୍ଗଠନ ଯାହା ସଦସ୍ୟ ଦେଶଙ୍କୁ ସୁରକ୍ଷା ପ୍ରତିଶ୍ରୁତି ଦେଉଛି।

ୟୁକ୍ରେନ ରାଷ୍ଟ୍ରପତି ନାଟୋ ସଦସ୍ୟତା ପାଇଁ ତାଙ୍କ ଜିଦ୍ ଛାଡିବାକୁ ରାଜି ହୋଇଛନ୍ତି। ଏଣୁ ଏବେ ଋଷିଆ-ୟୁକ୍ରେନ ମଧ୍ୟରେ ଶାନ୍ତି ବୁଝାମଣା ଆଗକୁ ବଢିବାର ଆଶା ଦୃଢ ହୋଇଛି। ଜେଲେନସ୍କିଙ୍କ ବୟାନ ଏକ ଏପରି ସମୟରେ ଆସିଛି ଯେତେବେଳେ ଟ୍ରମ୍ପଙ୍କ ବିଶେଷ ଦୂତ ଋଷିଆ-ୟୁକ୍ରେନ ଶାନ୍ତି ଆଲୋଚନା ନେଇ ବାର୍ତ୍ତା ଲାଗି ବର୍ଲିନରେ ପହଞ୍ଚିଛନ୍ତି। ଅନ୍ୟପଟେ ଡୋନାଲ୍ଡ ଟ୍ରମ୍ପଙ୍କ ସ୍ୱତନ୍ତ୍ର ଦୂତ ଷ୍ଟିଭ ଭିଟକଫ ଓ ଜେରେଡ କୁଶନର ୟୁକ୍ରେନ ଉପରେ ଋଷିଆକୁ ଫ୍ରଣ୍ଟ ଲାଇନ ଅଞ୍ଚଳ ଛାଡିବାକୁ ଚାପ ସୃଷ୍ଟି କରୁଛନ୍ତି।

ଏଥିସହ ପଢ଼ନ୍ତୁ: ୨୦୨୬ ଦେଖିବ ବନ୍ୟା-ବାତ୍ୟା-ପ୍ରଳୟ ସହ ମହାଯୁଦ୍ଧ, ବାବା ଭେଙ୍ଗାଙ୍କ ଭବିଷ୍ୟବାଣୀ

‘ଫାଇନାନ୍ସିଆଲ ଟାଇମ୍ସ’ ଅନୁସାରେ ଭୋଲୋଡେମୀର ଜେଲେନସ୍କି କହିଛନ୍ତି ଯେ ୟୁକ୍ରେନ ନାଟୋ ସଦସ୍ୟତା ଦାବି ଛାଡିବାକୁ ପ୍ରସ୍ତୁତ। ତେବେ ଏହା ବଦଳେ ଆମେରିକା ଓ ୟୁରୋପରୁ ସୁରକ୍ଷା ଗ୍ୟାରେଣ୍ଟି ମିଳୁ। ଜେଲେନସ୍କି ରବିବାର କହିଛନ୍ତି ଯେ ଆମେ କୌଣସି ବି ଯୋଜନା ବୁଝାମଣାରେ ସାମିଲ ହେବାକୁ ପ୍ରସ୍ତୁତ। ନାଟୋରେ ମଧ୍ୟ ଆମେ କଥା ମାନିବୁ କିନ୍ତୁ ୟୁକ୍ରେନକୁ ମଧ୍ୟ ଆମେରିକା ଓ ୟୁରୋପରୁ ସୁରକ୍ଷା ଗ୍ୟାରେଣ୍ଟି ଆବଶ୍ୟକ। ଜେଲେନସ୍କି କହିଛନ୍ତି ଯେ ଆମେ ୟୁକ୍ରେନ ଓ ଆମେରିକା ମଧ୍ୟରେ ଦ୍ୱିପକ୍ଷୀୟ ସୁରକ୍ଷା ଗ୍ୟାରେଣ୍ଟି ସମ୍ପର୍କରେ କହୁଛୁ। ଏହି ଗ୍ୟାରେଣ୍ଟି ନାଟୋର ଅନୁଚ୍ଛେଦ-୫ ଭଳି ହେବ, ଯାହା ଆକ୍ରମଣ ସ୍ଥିତିରେ କୌଣସି ସଦସ୍ୟ ଦେଶଙ୍କ ପାରସ୍ପରିକ ସୁରକ୍ଷାର ପ୍ରାବଧାନ କରିଥାଏ।

ରୁଷ-ୟୁକ୍ରେନ ଯୁଦ୍ଧର ଘଟିପାରେ ଅନ୍ତ। ଦୀର୍ଘଦିନ ଧରି ଆମେରିକାର ମଧ୍ୟସ୍ଥତା ଆଉ ପାଦେ ବଢ଼ିବା ସହ ଯୁଦ୍ଧ ରୋକିବାକୁ ଟ୍ରମ୍ପ ପ୍ରସ୍ତୁତ କରିଛନ୍ତି ଯୋଜନା । ହେଲେ ଏହା କାମ ଦେବ କି ନାଇଁ ତାହା ଉପରେ ମଧ୍ୟ ସମସ୍ତ ନଜର। ଅନ୍ୟପଟେ ଜେଲେନସ୍କିଙ୍କ ଏହି ବୟାନ ସବୁଠି ଚର୍ଚ୍ଚା ହେଉଛି।

ଅଧିକ ପଢ଼ନ୍ତୁ ବିଦେଶ ଖବର: