Argus News - ଭାଙ୍ଗିପାରିଲାନି ପରାଜୟର ଧାରା; RCBଠାରୁ ଚେନ୍ନାଇର ଶୋଚନୀୟ ପରାଜୟ

ରବିବାର ସନ୍ଧ୍ୟାରେ ଆଇପିଏଲର ୧୧ତମ ମ୍ୟାଚ୍ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଓ ଚେନ୍ନାଇ ସୁପର କିଙ୍ଗସ ମଧ୍ୟରେ ଖେଳାଯାଇଥିଲା । ତେବେ ଆରସିବି ଏକ ଚମତ୍କାର ପ୍ରଦର୍ଶନ କରି ଚେନ୍ନାଇ ସୁପର କିଙ୍ଗସକୁ ୪୩ ରନରେ ପରାସ୍ତ କରିଛି । ସେପଟେ ଚେନ୍ନାଇ ଚଳିତ ସିଜିନରେ ତୃତୀୟ ଥର ଲାଗି ପରାଜିତ ହୋଇଛି । ଏହି ମ୍ୟାଚରେ ଚେନ୍ନାଇ ପରାଜୟର ଧାରା ଭାଙ୍ଗି ପ୍ରଥମ ବିଜୟ ହାସଲ କରିବ ବୋଲି କୁହାଯାଉଥିଲା । ମାତ୍ର ଚେନ୍ନାଇ ହ୍ୟାଟ୍ରିକ ପରାଜୟ ବରଣ କରିଛି ।

• ଚେନ୍ନାଇ ଆଗରେ ଥିଲା ୨୫୧ ରନ୍ ଟାର୍ଗେଟ୍

RCBର ବ୍ୟାଟିଂ ଆକ୍ରମଣାତ୍ମକ ଏବଂ ଦମଦାର ଥିଲା । ପ୍ରଥମେ ବ୍ୟାଟିଂ କରି RCB ନିର୍ଦ୍ଧାରିତ ୨୦ ଓଭରରେ ୩ ୱିକେଟ ହରାଇ ୨୫୦ ରନର ବିଶାଳ ସ୍କୋର କରିଥିଲା, ଯାହା ଯେକୌଣସି ଦଳ ପାଇଁ ଏକ ଚ୍ୟାଲେଞ୍ଜିଂ ଟାର୍ଗେଟ ଥିଲା । ଦଳ ଦ୍ରୁତ ଆରମ୍ଭ କରିଥିଲା, ଓପନର ମାନେ ପାୱାର ପ୍ଲେରେ ରନ ହାରକୁ ଉଚ୍ଚ କରି ଦେଇଥିଲେ । ପରେ ମଧ୍ୟକ୍ରମ ବ୍ୟାଟ୍ସମ୍ୟାନ୍ ଏକ ଆକ୍ରମଣାତ୍ମକ ବ୍ୟାଟିଂ କରି ଲଗାତାର ଭାବରେ ବଡ଼ ସଟ୍ ମାରିଥିଲେ ​​ଏବଂ ରନ ହାରକୁ ବଜାୟ ରଖିଥିଲେ । ଚିନ୍ନାସ୍ଵାମୀରେ ଘରୋଇ ଦଳ ଖାଲି ଛକା ଓ ଚୌକା ବର୍ଷା କରୁଥିଲେ ।

• ଫେଲ୍ ମାରିଲେ CSK ବୋଲର୍

RCBର ପ୍ରମୁଖ ବ୍ୟାଟସମ୍ୟାନମାନେ ଚମତ୍କାର ଅର୍ଦ୍ଧଶତକ ଏବଂ ଦ୍ରୁତ ଇନିଂସ ଖେଳି ଦଳକୁ ଏକ ଦୃଢ଼ ସ୍ଥିତିରେ ପହଞ୍ଚାଇଥିଲେ । ବିଶେଷକରି ଡେଥ୍ ଓଭରଗୁଡ଼ିକରେ ଆରସିବି CSK ବୋଲରମାନଙ୍କୁ ଜୋରଦାର ଆକ୍ରମଣ କରିଥିଲା । ଅନ୍ୟପକ୍ଷରେ, ଚେନ୍ନାଇ ସୁପର କିଙ୍ଗସର ବୋଲରମାନେ ଏହି ମ୍ୟାଚରେ ପ୍ରଭାବହୀନ ରହିଛନ୍ତି ଏବଂ ରନ ହାରକୁ ନିୟନ୍ତ୍ରଣ କରିପାରିବାରେ ବିଫଳ ହୋଇଛନ୍ତି ।

ପଢନ୍ତୁ ଏହି ଖବର: ମୋତେ ଗାଳି ଦିଅ, କିନ୍ତୁ ସତ ଏୟା...ରାଗିଗଲେ ଅଶ୍ଵିନ

୨୫୦ ରନର ଟାର୍ଗେଟ ପିଛା କରୁଥିବା ବେଳେ, CSKର ଆରମ୍ଭ ଖରାପ ଥିଲା । ଦଳ ଶୀଘ୍ର ପ୍ରାରମ୍ଭିକ ୱିକେଟ ହରାଇବା ଫଳରେ ଦଳ ଉପରେ ଚାପ ବୃଦ୍ଧି ପାଇଲା । ଯଦିଓ ମଧ୍ୟକ୍ରମ ବ୍ୟାଟସମ୍ୟାନମାନେ ସତର୍କତାର ସହିତ ଖେଳିବାକୁ ଚେଷ୍ଟା କରିଥିଲେ ଏବଂ କିଛି ପରିମାଣରେ ଦଳକୁ ମ୍ୟାଚରେ ରଖିଥିଲେ କିନ୍ତୁ ବର୍ଦ୍ଧିତ ରନ ହାରର ଚାପରେ ସେମାନେ ମୁକ୍ତ ଭାବରେ ଖେଳିପାରିନଥିଲେ । ଶେଷରେ, ଦଳ ନିର୍ଦ୍ଧାରିତ ଓଭରରେ ଲକ୍ଷ୍ୟ ହାସଲ କରିପାରିଲା ନାହିଁ ଏବଂ ୪୩ ରନରେ ମ୍ୟାଚ୍ ହାରି ଚଳିତ ସିଜିନରେ ହ୍ୟାଟ୍ରିକ ପରାଜୟ ବରଣ କରିଛି ।

• ବେଙ୍ଗାଲୁରୁର ଆକ୍ରମଣାତ୍କ ବୋଲିଂରେ ଘାଇଲା CSK

RCBର ବୋଲରମାନେ ମଧ୍ୟ ଭଲ ପ୍ରଦର୍ଶନ କରିଥିଲେ, ସମୟୋଚିତ ୱିକେଟ ନେଇଥିଲେ ଏବଂ CSKର ରନ ହାରକୁ ରୋକିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଏହି ବିଜୟ ସହିତ RCB କେବଳ ଦୁଇଟି ଗୁରୁତ୍ୱପୂର୍ଣ୍ଣ ପଏଣ୍ଟ ହାସଲ କରିନଥିଲା ବରଂ ସେମାନଙ୍କର ନେଟ୍ ରନ ହାରରେ ମଧ୍ୟ ଉନ୍ନତି ଆଣିଥିଲା । ଏହି ବିଜୟ ଆରିସିବିର ମନୋବଳ ବଢାଇଥିବାବେଳେ ଆଗକୁ ଦଳ ଦମଦାର ପ୍ରଦର୍ଶନ କରିବ ବୋଲି ମନେ ହେଉଛି ।