ନୂଆଦିଲ୍ଲୀ: ଭାରତୀୟ କ୍ରିକେଟ୍‌ରେ ଆକ୍ରମଣାତ୍ମକ ୱିକେଟ୍ ରକ୍ଷକ ବ୍ୟାଟ୍ସମ୍ୟାନ୍‌ଙ୍କ କଥା ଆସିଲେ ମନକୁ ଆସେ ଋଷଭ ପନ୍ତ ଓ ସଞ୍ଜୁ ସାମସନଙ୍କ ନାଁ । ଏବେ ଏହି ଧାରାରେ ଆଉ ଏକ ନୂଆ ନାଁ ଯୋଡ଼ି ହୋଇଛି- ଉର୍ବିଲ ପଟେଲ ।

ଆଇପିଏଲ୍ ୨୦୨୬ ସଂସ୍କରଣରେ ଚେନ୍ନାଇ ସୁପର୍ କିଙ୍ଗ୍ସ (CSK) ତରଫରୁ ଖେଳୁଥିବା ଉର୍ବିଲ ଯେଉଁଭଳି ଲକ୍ଷ୍ନୌ ସୁପର୍ ଜିଆଣ୍ଟ୍ସ (LSG)ର ବୋଲରଙ୍କୁ ପ୍ରହାର କଲେ, ତାକୁ ଦେଖି ଉର୍ବିଲଙ୍କ ଦିୱାନା ହୋଇ ଯାଇଛନ୍ତି ହରଭଜନ ସିଂହ । କହିଛନ୍ତି, "ଉର୍ବିଲ ଭାରତୀୟ କ୍ରିକେଟ୍‌ର ଭବିଷ୍ୟତ ।"

ଏଥିସହ ପଢ଼ନ୍ତୁ: ୧୦ ବର୍ଷ ପରେ ଛକା ମାରିଲେ ଭୁବି, ହାରିଲା ମୁମ୍ବାଇ; IPL କପ୍ ନେବ କି RCB ? 

ଘରୋଇ କ୍ରିକେଟ୍‌ର 'ସୁଲତାନ'

ଉର୍ବିଲ୍ ପଟେଲଙ୍କ ଏଭଳି ଆକ୍ରମଣାତ୍ମକ ବ୍ୟାଟିଂ ନୂଆ ନୁହେଁ । ଘରୋଇ କ୍ରିକେଟ୍‌ରେ ସେ ଏଭଳି ଧମାକେଦାର ଇନିଂସ ଖେଳିଛନ୍ତି, ଯାହାକୁ ଦେଖି ସମସ୍ତେ ଚକିତ ବି ହୋଇଛନ୍ତି । ତାଙ୍କ ନାଁରେ ଥିବା ରେକର୍ଡ ହିଁ କହୁଛି, ସେ କେତେ ଦକ୍ଷ ବା ପ୍ରତିଭାବାନ ।

ଟି-ଟ୍ଵେଣ୍ଟିରେ ଭାରତୀୟ ଭାବେ ଦ୍ରୁତତମ ଶତକ ରହିଛି ଉର୍ବିଲଙ୍କ ନାଁରେ । ସୈୟଦ ମୁସ୍ତାକ ଅଲୀ ଟ୍ରଫିରେ ଉର୍ବିଲ୍ ୨୮ ବଲ୍‌ରେ ସେଞ୍ଚୁରୀ ମାରି ଇତିହାସ ରଚିଛନ୍ତି । ଏହା କୌଣସି ଭାରତୀୟ ବ୍ୟାଟ୍ସମ୍ୟାନ ଟି-ଟ୍ଵେଣ୍ଟିରେ ମାରିଥିଲା ସବୁଠୁ ଦ୍ରୁତ ଶତକ ।

ସେହିଭଳି ଦିନିକିଆରେ ଦ୍ରୁତତମ ଦ୍ଵିତୀୟ ଶତକ ରହିଛି ଉର୍ବିଲଙ୍କ ନାଁରେ । ବିଜୟ ହଜାରେ ଟ୍ରଫିରେ ଉର୍ବିଲ୍ ମାତ୍ର ୪୧ ବଲ୍‌ରେ ଶତକ ହାସଲ କରି ବୋଲରଙ୍କ ଝାଳ ବୁହାଇ ଦେଇଥିଲେ । ପ୍ରଥମ ଶ୍ରେଣୀ କ୍ରିକେଟରେ ଦ୍ଵିତୀୟ ଭାରତୀୟ ଭାବେ ତାଙ୍କୁ ଏହି ସଫଳତା ମିଳିଛି ।

ଏଥିସହ ପଢ଼ନ୍ତୁ: ମୁମ୍ବାଇ ଇଣ୍ଡିଆନ୍ସକୁ ଅନଫଲୋ କଲେ କି ହାର୍ଦ୍ଦିକ ପାଣ୍ଡ୍ୟା ? ଜଣାପଡ଼ିଲା ସତ 

ଉର୍ବିଲଙ୍କ ନିର୍ଭୀକ ବ୍ୟାଟିଂ ଦେଖି ହରଭଜନ କହିଛନ୍ତି, "ଉର୍ବିଲ ଯେଉଁଭଳି ଗୋଟିଏ କର୍ଣ୍ଣରକୁ ପ୍ରହାର କରୁଥିଲେ, ତାହା ଅବିଶ୍ଵସନୀୟ । ବ୍ୟାଟିଂ ପାଇଁ ପିଚ୍ ସହଜ ନଥିଲା, କିନ୍ତୁ ଉର୍ବିଲ ସ୍ପଷ୍ଟତା ଓ ଦକ୍ଷତାର ସହ ପ୍ରହାର କରୁଥିଲେ । ସେ ମ୍ଯାଚ୍‌ର ଦିଗ ବଦଳାଇ ଦେଇଛନ୍ତି । ବିଶେଷକରି ଆରମ୍ଭରୁ ୬ଟି ଛକା ମାରିବା ତାଙ୍କ ଦକ୍ଷତା ଦର୍ଶାଇଛି ।"

ବିଜୟ ଲକ୍ଷ୍ୟର ପିଛା କରି ଉର୍ବିଲ୍ ଲକ୍ଷ୍ନୌ ସୁପର୍ ଜିଆଣ୍ଟ୍ସକୁ ଚାପଗ୍ରସ୍ତ କରି ପରିପକ୍ଵତା ଦର୍ଶାଇଛନ୍ତି । ଉର୍ବିଲ୍ ଚେନ୍ନାଇ ସୁପର୍ କିଙ୍ଗ୍ସର ଭରସା ଜିତିଥିବା କହିଛନ୍ତି ହରଭଜନ ସିଂହ । ଉର୍ବିଲଙ୍କ ୱିକେଟ୍ କିପିଂ କୌଶଳ ଓ ପାୱାର୍ ହିଟିଂ ପାଇଁ ତାଙ୍କୁ ଭାରତୀୟ ଦଳର ଆଗାମୀ ବଡ଼ ୱିକେଟ୍ ରକ୍ଷକ-ବ୍ଯାଟ୍ସମ୍ୟାନ୍ ଭାବେ ଦେଖା ଯାଉଛି ।