ଭେପିଂ ସ୍କାଣ୍ଡାଲରେ ରାଜସ୍ଥାନ ରୟାଲସ୍ ଅଧିନାୟକ ରିୟାନ ପରାଗଙ୍କ ବିରୋଧରେ ବିସିସିଆଇ କଠୋର କାର୍ଯ୍ୟାନୁଷ୍ଠାନ । ବିସିସିଆଇ ତାଙ୍କ ଉପରେ ୨୫ ପ୍ରତିଶତ ଜୋରିମାନା ଲଗାଇଛି। ମ୍ୟାଚ୍ ସମୟରେ ଡ୍ରେସିଂ ରୁମରେ ପରାଗ ଭେପିଂ ବା ଇ-ସିଗାରେଟ୍ ଟାଣୁଥିବାର ଏକ ଭିଡିଓ ଭାଇରାଲ ହେବାରେ ଲାଗିଛି । ଲେଭେଲ-୧ ଅପରାଧ ଅନୁଯାୟୀ ବିସିସିଆଇ ପରାଗଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ।

• ଡ୍ରେସିଂ ରୁମରେ ଧୂମ୍ରପାନ

ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ ପରାଗଙ୍କ ଉପରେ ଏକ ଡିମେରିଟ୍ ପଏଣ୍ଟ ମଧ୍ୟ ଲଗାଇଛି । ଗତ ମଙ୍ଗଳବାର IPL ମ୍ୟାଚ୍ ଚାଲିଥିବା ସମୟରେ ୨୪ ବର୍ଷୀୟ ରାଜସ୍ଥାନ ରୟାଲ୍ସ (RR) ଅଧିନାୟକ ରିୟାନ ପରାଗ ନ୍ୟୁ ଚଣ୍ଡିଗଡ଼ରେ ପଞ୍ଜାବ କିଙ୍ଗ୍ସ ବିପକ୍ଷ ମ୍ୟାଚ୍ ସମୟରେ ହଠାତ୍ ଚର୍ଚ୍ଚାକୁ ଆସିଥିଲେ । ପରାଗ ରାଜସ୍ଥାନ ରୟାଲ୍ସର ଡ୍ରେସିଂ ରୁମରେ ଭେପ୍ ବ୍ୟବହାର କରୁଥିବାର ଦେଖିବାକୁ ମିଳିଥିଲା । ଏହି ଘଟଣା ପରେ ବହୁତ ହଙ୍ଗାମା ହୋଇଥିଲା ।

• ଦୋଷ ସ୍ଵୀକାର କଲେ ରିୟାନ

ବିସିସିଆଇ ଜୋରିମାନା ଲଗାଇଥିବାବେଳେ ଏପଟେ ରିୟାନ ନିଜର ଦୋଷ ସ୍ଵୀକାର କରିଛନ୍ତି ଓ ତାଙ୍କ ଉପରେ ଲଗାଯାଇଥିବା ଫାଇନକୁ ମଧ୍ୟ ଗ୍ରହଣ କରିଛନ୍ତି । ଏଠାରେ କହିରଖୁଛୁ କି, ୨୦୧୯ରେ ଇ-ସିଗାରେଟ୍ ଉତ୍ପାଦନ, ବିକ୍ରି ଓ ବିତରଣ ଉପରେ ଭାରତରେ ପ୍ରତିବନ୍ଧକ ଲଗାଯାଇଛି । ଏହାରି ଭିତରେ ଜଣେ ପ୍ରଫେସନାଲ କ୍ରିକେଟରଙ୍କ ଦ୍ଵାରା କ୍ୟାମେରା ଆଗରେ ଏପରି ଆଚରଣ କରିବା ବିବାଦ ସୃଷ୍ଟି କରିଛି ।

🚨 News 🚨@rajasthanroyals Captain Riyan Parag has been fined 25% of his match fee and has also accumulated one Demerit Point (Level 1) for breaching Article 2.21 of the IPL’s Code of Conduct for Players and Team Officials.

More Details 🔽 | #TATAIPL https://t.co/zftWRg2QWH

— IndianPremierLeague (@IPL) April 30, 2026

• IPLରେ କେମିତି ଅଛି ରିୟାନଙ୍କ ପ୍ରଦର୍ଶନ ?

ରାଜସ୍ଥାନ ରୟାଲ୍ସର IPL ଅଭିଯାନ ଏଯାବତ୍ ବହୁତ ଭଲ ଚାଲିଛି । ଦଳ ୬ଟି ମ୍ୟାଚ୍ ଜିତିଛି ଏବଂ ୩ଟିରେ ହାରିଛି । ବର୍ତ୍ତମାନ ଦଳ ୧୨ ପଏଣ୍ଟ ସହିତ ପ୍ଲେଅଫ୍ ପାଇଁ ଏକ ଦୃଢ଼ ଦାବିଦାର ସହିତ ଚତୁର୍ଥ ସ୍ଥାନରେ ଅଛି । ଗୋଟିଏ ପଟେ ଦଳ ଭଲ ସ୍ଥିତିରେ ଥିବାବେଳେ କ୍ୟାପ୍ଟେନ ରିୟାନଙ୍କ ବ୍ୟାଟିଂ ଖରାପ ରହିଛି । ସେ ୯ଟି ମ୍ୟାଚରେ ମାତ୍ର ୧୧୭ ରନ୍ କରିଛନ୍ତି । ତାଙ୍କର ୧୨୪.୪୬ ଷ୍ଟ୍ରାଇକ୍ ରେଟ୍ ଏବଂ ୨୯ ସର୍ବୋତ୍ତମ ସ୍କୋର । ରାଜସ୍ଥାନ ରୟାଲ୍ସ ଶୁକ୍ରବାର ସେମାନଙ୍କ ଘରୋଇ ଗ୍ରାଉଣ୍ଡରେ ଦିଲ୍ଲୀ କ୍ୟାପିଟାଲ୍ସ (ଡିସି) ସହିତ ମୁକାବିଲା କରିବ ।