ଆଉ କିଛି ସମୟ ମଧ୍ୟରେ ଫାଇନାଲ ଟକ୍କର । ଆଇପିଏଲ ୨୦୨୬ ଟ୍ରଫି ପାଇଁ ମୁହାଁମୁହିଁ ହେବେ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଗୁଜରାଟ ଟାଇଟାନ୍ସ । ଉଭୟ ଦଳ ଏହି ସିଜିନରେ ଚମତ୍କାର ପ୍ରଦର୍ଶନ କରିଛନ୍ତି । ଉଭୟ ଦଳ ଦ୍ୱିତୀୟ ଥର ପାଇଁ ଟାଇଟଲ୍ ଜିତିବା ଉଦ୍ଦେଶ୍ୟରେ ପଡ଼ିଆକୁ ଓହ୍ଲାଇବେ । ଆଜିର ମ୍ୟାଚ୍‌ରେ ପାଗ ଉପରେ ମଧ୍ୟ ନଜର ରହିଛି । ଅହମ୍ମଦାବାଦରେ ଆଜି ବର୍ଷା ପାଇଁ ଅରେଞ୍ଜ ୱାର୍ଣ୍ଣିଂ ରହିଛି । ଯଦି ଫାଇନାଲ ମ୍ୟାଚରେ ବର୍ଷା ହୁଏ ତେବେ କିଏ ବିଜେତା ହେବ ତାକୁ ନେଇ ସମସ୍ତଙ୍କ ମଧ୍ୟରେ ଉତ୍କଣ୍ଠା ।

• ଅହମ୍ମଦାବାଦର ପାଗ କିପରି ରହିବ ?

ପାଣିପାଗ ବିଭାଗ ରିପୋର୍ଟ ଅନୁଯାୟୀ, ଫାଇନାଲ୍ ମ୍ୟାଚ୍ ଦିନ ଅହମ୍ମଦାବାଦରେ ବର୍ଷା ହେବାର ସମ୍ଭାବନା ୫% ଏବଂ ଆକାଶ ପ୍ରାୟ ୧୫% ମେଘୁଆ ରହିବ । ଚଣ୍ଡିଗଡ଼ରେ କ୍ୱାଲିଫାୟର୍ ୨ରେ ରାଜସ୍ଥାନ ବିପକ୍ଷରେ ବିଜୟ ପରେ ଉତ୍ତର-ପଶ୍ଚିମ ଭାରତରେ ପ୍ରବଳ ବର୍ଷା ଯୋଗୁଁ ଗୁଜୁରାଟ ଦଳର ଅହମ୍ମଦାବାଦରେ ପହଞ୍ଚିବା ବିଳମ୍ବ ହୋଇଥିଲା । ତଥାପି ସ୍ପଷ୍ଟ ସ୍ଥାନୀୟ ପାଗ ପୂର୍ବାନୁମାନକୁ ଦୃଷ୍ଟିରେ ରଖି ଅହମ୍ମଦାବାଦରେ ବର୍ଷା ମ୍ୟାଚ୍ ବାଧାପ୍ରାପ୍ତ କରିବାର ସମ୍ଭାବନା ବହୁତ କମ୍ ।

• ଯଦି ବର୍ଷା ହୁଏ ତେବେ କଣ ହେବ ?

ବିସିସିଆଇ ଫାଇନାଲ ପାଇଁ ଏକ ରିଜର୍ଭ ଡେ' ସ୍ଥିର କରିଛି । ଏହାର ଅର୍ଥ ହେଉଛି ଯଦି ବର୍ଷା ଫାଇନାଲ ମ୍ୟାଚରେ ବାଧା ସାଜେ, ତେବେ ସୋମବାର ମ୍ୟାଚ୍ ଛାଡ଼ିଥିବା ବଲ୍ ଏବଂ ସ୍କୋର ସହିତ ପୁଣି ଥରେ ମ୍ୟାଚ୍ ଆରମ୍ଭ ହେବ । ଯଦି ରିଜର୍ଭ ଡେରେ ବି ବର୍ଷା ହୁଏ, ତେବେ RCB ଚାମ୍ପିଅନ୍ ହେବ କାରଣ ସେମାନେ IPL ପଏଣ୍ଟ ଟେବୁଲରେ ଗୁଜରାଟଠାରୁ ଆଗରେ ଅଛନ୍ତି । ଲିଗ୍ ମ୍ୟାଚ୍ ପରେ RCB ପଏଣ୍ଟ ଟେବୁଲରେ ପ୍ରଥମ ସ୍ଥାନ ଅଧିକାର କରିଥିଲା, ଯେତେବେଳେ ଗୁଜରାଟ ଦ୍ୱିତୀୟ ସ୍ଥାନ ଅଧିକାର କରିଥିଲା । ତେଣୁ, RCB ଏହି ପରିସ୍ଥିତିରୁ ଲାଭ ପାଇବ ।

One last push 💪
One 𝗙𝗜𝗡𝗔𝗟 𝗟𝗘𝗔𝗣 🔥

The ultimate prize awaits on the other side 🏆#TATAIPL | #Final | #TheFinalLeap | #RCBvGT | @RCBTweets | @gujarat_titans pic.twitter.com/PdqvLhyjpA

— IndianPremierLeague (@IPL) May 31, 2026

• କାହାର ପଲ୍ଲା ଭାରି ?

ଯେତେବେଳେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଗୁଜରାଟ ଟାଇଟାନ୍ସ ମଧ୍ୟରେ ହେଡ୍-ଟୁ-ହେଡ୍ ରେକର୍ଡ କଥା ଆସେ, ତେବେ RCB ପଲ୍ଲା ଭାରି ରୁହେ । IPL ଇତିହାସରେ ଦୁଇ ଦଳ ମଧ୍ୟରେ ମୋଟ ୯ଟି ମ୍ୟାଚ୍ ଖେଳାଯାଇଛି, ଯେଉଁଥିରେ RCB ୫ଟି ଏବଂ GT ୪ଟିରେ ବିଜୟୀ ହୋଇଛି । ଚଳିତ ଆଇପିଏଲ ସିଜିନରେ, ଦୁଇ ଦଳ ପରସ୍ପରକୁ ତିନି ଥର ମୁହାଁମୁହିଁ ହୋଇଛନ୍ତି, ଯେଉଁଥିରେ RCB ୨-୧ରେ ଆଗୁଆ ଅଛି ।

GT ସମ୍ଭାବ୍ୟ ପ୍ଲେଇଂ ୧୧: ସାଇ ସୁଦର୍ଶନ, ଶୁବମନ ଗିଲ (ଅଧିନାୟକ), ଜସ୍ ବଟଲର (ୱିକେଟ୍ କିପର), ନିଶାନ୍ତ ସିନ୍ଧୁ, ୱାଶିଂଟନ୍ ସୁନ୍ଦର, ଜେସନ ହୋଲ୍ଡର, ରସିଦ ଖାନ, ରାହୁଲ ତେୱାତିଆ, କାଗିସୋ ରାବାଡା, ମହମ୍ମଦ ସିରାଜ, ପ୍ରସିଦ୍ଧ କୃଷ୍ଣ, ଅର୍ଶଦ ଖାନ / ଆର.ସାଇ କିଶୋର

RCB ସମ୍ଭାବ୍ୟ ପ୍ଲେଇଂ ୧୧: ଭେଙ୍କଟେଶ ଆୟର, ବିରାଟ କୋହଲି, ଦେବଦତ୍ତ ପଡିକ୍କଲ, ରଜତ ପଟିଦାର (ଅଧିନାୟକ), ଜିତେଶ ଶର୍ମା (ୱିକେଟ୍ କିପର୍), ଟିମ ଡେଭିଡ୍, କୃଣାଲ ପାଣ୍ଡ୍ୟା, ଭୁବନେଶ୍ୱର କୁମାର, ଜୋଶ ହେଜେଲଉଡ, ରସିଖ ସଲାମ ଡାର, ଜ୍ୟାକବ୍ ଡଫି, ରୋମାରିଓ ଶେଫର୍ଡ