ଅର୍ଗସ ବ୍ୟୁରୋ: ଯଦି ଆପଣ ନିଜ ଚୁଟି ରଙ୍ଗ ସହିତ କିଛି ପରୀକ୍ଷା କରିବାକୁ ଚାହୁଁଛନ୍ତି ଏବଂ ସେଲିବ୍ରିଟିଙ୍କ ପରି ବାଦାମୀ ରଙ୍ଗ ଚାହୁଁଛନ୍ତି ତେବେ ଆପଣ ଏଥିପାଇଁ କଫି ବ୍ୟବହାର କରିପାରିବେ । କଫି ହେଉଛି ଏକ ପ୍ରାକୃତିକ ଚୁଟି ରଙ୍ଗ ଯାହା କେଶକୁ କୌଣସି ପ୍ରକାରେ କ୍ଷତି ପହଞ୍ଚାଏ ନାହିଁ । ବରଂ ଏହା ଆଣ୍ଟିଅକ୍ସିଡାଣ୍ଟରେ ପରିପୂର୍ଣ୍ଣ ଏବଂ କେଶରେ ଉଜ୍ଜ୍ୱଳତା ଆଣିବା ପାଇଁ ମଧ୍ୟ କାମ କରେ । ଏପରି ପରିସ୍ଥିତିରେ ଯଦି ଆପଣ ଏହାକୁ ଚୁଟିର ରଙ୍ଗ ଭାବରେ ବ୍ୟବହାର କରନ୍ତି ତେବେ ଏହା କିଛି ସମୟ ମଧ୍ୟରେ ସେଲୁନ୍ ପରି ଦୋଖାଯାଇଥାଏ । କିନ୍ତୁ ଏହାକୁ କିପରି ସଠିକ୍ ଭାବରେ ବ୍ୟବହାର କରାଯିବ ତାହା ଜାଣିବା ଜରୁରୀ । ଆପଣଙ୍କ କେଶକୁ ବାଦାମୀ କରିବା ପାଇଁ କଫି ହେୟାର ମାସ୍କ କିପରି ତିଆରି ଏବଂ କପରି ବ୍ୟବହାର କରିବେ ଆସନ୍ତୁ ଜାଣିବା ।

ହେୟାର ମାସ୍କ ପ୍ରସ୍ତୁତ ସାମଗ୍ରୀ:
୪ ଚାମଚ କଫି ,୧ ଗ୍ଲାସ୍ ପାଣି , ଚାମଚ- କୋକୋ ପାଉଡର ,୨ ଚାମଚ ମକା ଗୁଣ୍ଡ ,୨ ଚାମଚ ଦହୀ ,୧ଚାମଚ ଭିନେଗାର ।

ପ୍ରସ୍ତୁତି ପ୍ରଣାଳୀ

- ସର୍ବପ୍ରଥମେ ଏକ ପ୍ୟାନରେ ଦୁଇ ଟେବୁଲ ଚାମଚ କଫି ନିଅନ୍ତୁ । ଏବେ ସେଥିରେ ଏକ କପ୍ ପାଣି ମିଶାନ୍ତୁ । ଏହାକୁ ଗ୍ୟାସ ଉପରେ ରଖନ୍ତୁ ଏବଂ ଦୁଇ ମିନିଟ୍ ଫୁଟାନ୍ତୁ। ତା’ପରେ ଏହାକୁ ଥଣ୍ଡା କରିବାକୁ ଛାଡିଦିଅନ୍ତୁ । ବର୍ତ୍ତମାନ ଏହାକୁ ଫିଲ୍ଟର୍ କରନ୍ତୁ ।

- ଏକ କଡ଼େଇରେ ଦୁଇ ଚାମଚ କଫି ପାଉଡର ରଖନ୍ତୁ । ଏହା ସହିତ ଦୁଇ ଚାମଚ କୋକୋ ପାଉଡର ମଧ୍ୟ ମିଶାନ୍ତୁ । ଏଥିରେ ଦୁଇ ଚାମଚ ମକା ଗୁଣ୍ଡ ମଧ୍ୟ ମିଶାନ୍ତୁ ଏବେ ସେଥିରେ କଫି ପାଣି ମିଶାନ୍ତୁ । ଏକ ଚାମଚ ସାହାଯ୍ୟରେ ଏହି ସବୁ ଜିନିଷକୁ ଭଲ ଭାବରେ ମିଶାନ୍ତୁ ।

-ଆପଣ ଏହାକୁ ଗ୍ୟାସ ଉପରେ କମ୍ ନିଆଁରେ ଗରମ କରନ୍ତୁ । ଧୀରେ ଧୀରେ ଆପଣ ଦେଖିବେ ଯେ ଏହା ସମ୍ପୂର୍ଣ୍ଣ ମୋଟା ହୋଇଯିବ । ଗ୍ୟାସ ବନ୍ଦ କରି ଥଣ୍ଡା ହେବାକୁ ଛାଡ଼ିଦିଅ ।
ଯେତେବେଳେ ଏହା ସଂପୂର୍ଣ୍ଣ ଥଣ୍ଡା ହୋଇଯାଏ ସେଥିରେ ଦୁଇଟି ଚାମଚ ଦହି ମିଶାନ୍ତୁ । ଆପଣ ଦହି ବଦଳରେ ଅଣ୍ଡାର ହଳଦୀଆ ଅଶଂ ମଧ୍ୟ ମିଶାଇ ପାରିବେ । ଏହାକୁ ଭଲ ଭାବରେ ମିଶାନ୍ତୁ ଏଥିରେ ଥିବା ପ୍ରୋଟିନ୍ କେଶକୁ ଶକ୍ତିଶାଳୀ, ମୋଟା ଏବଂ ଚକଚକ୍ କରିବ । ଏବେ ସେଥିରେ ଏକ ଚାମଚ ଭିନେଗାର ମିଶାନ୍ତୁ । ତୁମର କଫି ହେୟାର ପ୍ୟାକ୍ ପ୍ରସ୍ତୁତ ।

-ଆପଣ ଏହାକୁ କେଶରେ ଭଲ ଭାବରେ ଲଗାନ୍ତୁ ଏବଂ ଏହାକୁ ଏକ ଘଣ୍ଟା ଛାଡିବା ପରେ ଏହାକୁ ପାଣିରେ ଧୋଇ ଦିଅନ୍ତୁ । କେଶ ନରମ ଏବଂ ଗାଢା ବାଦାମୀ ହୋଇଯିବ । ବ୍ୟବହାର ପୂର୍ବରୁ ଚର୍ମ ଉପରେ ଲଗାଇ ପରୀକ୍ଷା କରିବା ଭଲ ହେବ ।

ଅଧିକ ପଢ଼ନ୍ତୁ ଜୀବନ ଶୈଳୀ ଖବର...

Argus News | argus news | Odisha Latest News, Breaking News, Trending News, Live TV