ପ୍ରଜନନ କ୍ଷମତା ଶରୀରର ଗର୍ଭଧାରଣ ଏବଂ ସନ୍ତାନ ଜନ୍ମ କରିବାର ପ୍ରାକୃତିକ କ୍ଷମତାକୁ ବୁଝାଏ। ବୟସ, ଜେନେଟିକ୍ସ ଏବଂ ବିଭିନ୍ନ ଚିକିତ୍ସା ଅବସ୍ଥା ଏହାକୁ ପ୍ରଭାବିତ କରେ। ଅନେକ କାରଣ ଆମ ନିୟନ୍ତ୍ରଣ ବାହାରେ, କିନ୍ତୁ କିଛି ଅଭ୍ୟାସ ଏବଂ ଜୀବନଶୈଳୀ ବିକଳ୍ପ ଅଛି ଯାହାକୁ ପରିବର୍ତ୍ତନ କରି ବନ୍ଧ୍ୟାତ୍ବର ବିପଦକୁ ଯଥେଷ୍ଟ ହ୍ରାସ କରାଯାଇପାରିବ। ଏହି ଅବସ୍ଥା ସେତେବେଳେ ଘଟେ ଯେତେବେଳେ ଜଣେ ମହିଳା ଏକ ବର୍ଷ ଧରି ନିୟମିତ, ଅସୁରକ୍ଷିତ ଯୌନ ସମ୍ପର୍କ ସତ୍ତ୍ୱେ ଗର୍ଭଧାରଣ କରିପାରନ୍ତି ନାହିଁ। ଅଧିକାଂଶଙ୍କ କ୍ଷେତ୍ରରେ, କୌଣସି ନିର୍ଦ୍ଦିଷ୍ଟ ଲକ୍ଷଣ ନାହିଁ। ଆଜିକାଲି ହରମୋନ୍ ଥେରାପି ଏବଂ IVF ଭଳି ବିଭିନ୍ନ ଚିକିତ୍ସା ଉପଲବ୍ଧ ଅଛି। କିନ୍ତୁ ବନ୍ଧ୍ୟାତ୍ବର ବିପଦ ବୃଦ୍ଧି କରୁଥିବା କାରକଗୁଡ଼ିକୁ ନିୟନ୍ତ୍ରଣ କରିବା ହେଉଛି ସର୍ବୋତ୍ତମ ଉପାୟ। ତେବେ ଚାଲନ୍ତୁ ଏବିଷୟରେ ଜାଣିବା...

ଏହାସହ ପଢ଼ନ୍ତୁ: ଆଖି ବନ୍ଦ କରିବା ପଛର ପ୍ରକୃତ କାରଣ କ'ଣ? ଜାଣନ୍ତୁ...

ଗର୍ଭଧାରଣ କ୍ଷମତାକୁ ଦୁର୍ବଳ କରୁଥିବା କିଛି ଗୁରୁତ୍ୱପୂର୍ଣ୍ଣ କାରଣ

ବୟସ - 35 ବର୍ଷ ବୟସ ପରେ ପ୍ରଜନନ ଶକ୍ତି ଦ୍ରୁତ ଗତିରେ ହ୍ରାସ ପାଏ।
ଧୂମପାନ - ଧୂମପାନ କେବଳ ବନ୍ଧ୍ୟାତ୍ୱ ବୃଦ୍ଧି କରେ ନାହିଁ ବରଂ ଗର୍ଭପାତର ଆଶଙ୍କାକୁ ଦ୍ୱିଗୁଣିତ କରେ।
ଓଜନ ବୃଦ୍ଧି: ଅତ୍ୟଧିକ ଓଜନ ହରମୋନ ସନ୍ତୁଳନକୁ ବିପର୍ଯ୍ୟସ୍ତ କରେ ଏବଂ ଗର୍ଭଧାରଣକୁ କଷ୍ଟକର କରିଥାଏ।
ମଦ୍ୟପାନ - ନିୟମିତ ମଦ୍ୟପାନ ମଧ୍ୟ ପ୍ରଜନନ କ୍ଷମତାକୁ ପ୍ରଭାବିତ କରେ।
ଖାଦ୍ୟ - ପୁଷ୍ଟିକର ଖାଦ୍ୟ ଅଭାବ ବା ପୋଷକ ତତ୍ତ୍ବର ଅଭାବ ଗର୍ଭଧାରଣରେ ବାଧା ସୃଷ୍ଟି କରିଥାଏ।
ଚାପ - ଅତ୍ୟଧିକ ମାନସିକ ଏବଂ ଶାରୀରିକ ଚାପ ପ୍ରଜନନ କ୍ଷମତାକୁ ଦୁର୍ବଳ କରେ।

ଫାଷ୍ଟଫୁଡ୍‌ ଏବଂ ପ୍ରଜନନ କ୍ଷମତା: ଏହିସବୁ କାରଣକୁ ଦେଖିଲେ ଲାଗୁଛି ଯେ, ଫାଷ୍ଟଫୁଡ ଖାଇବା ଦ୍ବାରା ମହିଳାଙ୍କ ପ୍ରଜନନ କ୍ଷମତା ହ୍ରାସ ପାଉଛି। ପ୍ରତିଦିନ ଫାଷ୍ଟଫୁଡ ବା ଷ୍ଟ୍ରିଟ ଫୁଡ ଖାଇବା ଦ୍ବାରା ଦ୍ରୂତ ଗତିରେ ଓଜନ ବଢ଼ିଥାଏ। କାରଣ ଶରୀରକୁ ଜରୁରୀ ପୋଷକ ତତ୍ତ୍ବ ମିଳି ନ ଥାଏ। ଯେଉଁଥିପାଇଁ ଗର୍ଭଧାରଣ ସମ୍ଭାବନା ମଧ୍ୟ କମିଥାଏ। ଆଡିଲେଡ ବିଶ୍ବବିଦ୍ୟାଳୟର 5600 ମହିଳାଙ୍କୁ ନେଇ ଏକ ଅଧ୍ୟୟନ କରାଯାଇଛି। ଏଥିରୁ ଜଣାପଡ଼ିଛି ଯେ, ମହିଳାମାନେ ନିୟମିତ ଭାବେ ବାହାର ଜିନିଷ ଖାଉଛନ୍ତି। ସେଥିଲାଗି ସେମାନଙ୍କର ବନ୍ଧ୍ୟାତ୍ୱର ଆଶଙ୍କା 8 ପ୍ରତିଶତରୁ 16 ପ୍ରତିଶତକୁ ବୃଦ୍ଧି ପାଇଛି। ଏହାର ଅର୍ଥ ହେଉଛି ଗର୍ଭଧାରଣରେ ଅଧିକ ସମୟ ଲାଗିବ ଏବଂ ସେମାନଙ୍କର ସ୍ୱାସ୍ଥ୍ୟ ଅବନତି ହେବ।

ଏହାସହ ପଢ଼ନ୍ତୁ: ଗରମ ପାଣିରେ ଗାଧୋଇଲେ ଚର୍ମ ଏବଂ କେଶ ହୋଇଯିବ ଖରାପ...

ଗର୍ଭାବସ୍ଥାରେ ଫାଷ୍ଟଫୁଡ ଜନିତ ଖାଦ୍ୟ ଖାଇଲେ କଣ ହେବ?
ପିଲାରେ ଜେନେଟିକ୍ ପରିବର୍ତ୍ତନର ବିପଦ ବଢ଼ିଯାଏ।
ସମୟ ପୂର୍ବରୁ ପ୍ରସବର ଆଶଙ୍କା।
ଜନ୍ମଗତ ତ୍ରୁଟିର ଆଶଙ୍କା ବଢ଼ିଯାଏ।
ମାଆର ଓଜନ ବୃଦ୍ଧି ହେତୁ ଗର୍ଭପାତ ଏବଂ ମୃତ ଶିଶୁ ଜନ୍ମ ହେବାର ଆଶଙ୍କା।
ପିଲାରେ ଆଲର୍ଜି ଏବଂ ଶ୍ୱାସରୋଗର ଆଶଙ୍କା।
ଗର୍ଭାବସ୍ଥାରେ ମଧୁମେହର ଆଶଙ୍କା ବଢ଼ିଯାଏ

ପ୍ରୋସେସଡ ମିଟ୍‌
ସସେଜ୍, ବେକନ୍ ଏବଂ ହଟ୍ ଡଗ୍ ଭଳି ପ୍ରକ୍ରିୟାକୃତ ମାଂସ ଖାଇବା ଦ୍ବାରା ପୁରୁଷ ଏବଂ ମହିଳା ଉଭୟଙ୍କ ପ୍ରଜନନ କ୍ଷମତାକୁ କ୍ଷତି ପହଞ୍ଚାଇପାରେ। ଗର୍ଭଧାରଣ କରିବାକୁ ଚେଷ୍ଟା କରୁଥିବା ମହିଳାମାନଙ୍କ ପାଇଁ ଏହି ଖାଦ୍ୟଗୁଡ଼ିକୁ ସମ୍ପୂର୍ଣ୍ଣ ଭାବରେ ବନ୍ଦ ହେବା ଦରକାର। ଏହି ମାଂସ ଉତ୍ପାଦଗୁଡ଼ିକରେ ନାଇଟ୍ରେଟ୍ ଏବଂ ନାଇଟ୍ରେଟ୍ ଭଳି କ୍ଷତିକାରକ ଚର୍ବି ଥାଏ, ଯାହା ଶରୀରର ହରମୋନ୍ ସନ୍ତୁଳନକୁ ବିପର୍ଯ୍ୟସ୍ତ କରିବାସହ ପ୍ରଜନନ କ୍ଷମତାକୁ ଦୁର୍ବଳ କରିଥାଏ।