ଶୀତ ଆସିବା ମାତ୍ରେ ରୂପି ହେବା ଏକ ସାଧାରଣ ସମସ୍ୟା । ଏଥିରୁ ମୁକ୍ତି ପାଇବା ପାଇଁ ଅନେକ ଲୋକ ବଜାରରୁ ମହଙ୍ଗା ରାସାୟନିକ ଯୁକ୍ତ ସାମ୍ପୁ ବ୍ୟବହାର କରନ୍ତି । ଆଉ କେତେକ ଘରୋଇ ଉପଚାର ମଧ୍ୟ କରନ୍ତି । କିନ୍ତୁ ଏହା ବିଶେଷ ଫରକ ପକାଏ ନାହିଁ । ରୂପି ହେବା ଦ୍ୱାରା କେଶ ଝଙ୍ଗିବା ସହ କେଶରେ ଧଳା, ଏକ ସ୍ତର ହୋଇ କୁଣ୍ଡାଇ ହେବା ସହ ଜଳା ପୋଡ଼ା ଆରମ୍ଭ ହୋଇଥାଏ । ଯଦି ଆପଣ ଏହି ସମସ୍ୟା ଦେଇ ଗତି କରୁଛନ୍ତି ତେବେ କେଶକୁ ପ୍ରାକୃତିକ ଭାବରେ ସୁନ୍ଦର ଏବଂ ରୂପି ମୁକ୍ତ ରଖିବାକୁ ଚାହୁଁଛନ୍ତି, ତେବେ ଆଉ ଚିନ୍ତା କରନ୍ତୁ ନାହିଁ । ଆସନ୍ତୁ ରୂପି ଦୂର କରିବାର କିଛି ପ୍ରାକୃତିକ ଉପାୟ ବିଷୟରେ ଜାଣିବା ।

ମେଥି ସହିତ ରୂପି ଦୂର ହେବ: ସୁସ୍ଥ କେଶ, କେଶ ବଢିବା ଠାରୁ ଆରମ୍ଭ କରି ଚମକ ଏବଂ ରୂପି ଦୂର କରିବା ଯାଏଁ, ମେଥି ଦାନା ସମସ୍ତ ଦିଗରେ ବହୁତ ସହାୟକ ହୋଇଥାଏ । ରୂପି ଦୂର କରିବା ପାଇଁ, ମେଥି ଦାନାକୁ ପାଣିରେ ବୁଡ଼ାଇ ପରଦିନ ପେଷ୍ଟ ତିଆରି କରନ୍ତୁ । ତା’ପରେ, ଏହି ପେଷ୍ଟକୁ ଦହି ସହିତ ମିଶ୍ରଣ କରନ୍ତୁ । ଏହାକୁ ଆପଣଙ୍କ ମୁଣ୍ଡ ଏବଂ କେଶରେ ଭଲ ଭାବରେ ଲଗାନ୍ତୁ । ଏହା ରୂପିରୁ କମାଇବାରେ ସାହାର୍ଯ୍ୟ କରିବ ।

ଏଥିସହ ପଢ଼ନ୍ତୁ: ବିରିୟାନୀ କେବେ, କେଉଁଠୁ ଆଉ କେମିତି ଆସିଲା ? ଜାଣନ୍ତୁ... 

ଲେମ୍ବୁ ରସ: ଲେମ୍ବୁ ରସ କେଶ ପାଇଁ ବହୁତ ଲାଭଦାୟକ ବୋଲି ବିବେଚନା କରାଯାଏ । ରୂପି ଦୂର କରିବା ପାଇଁ, ଗୋଟିଏ ଚାମଚ ଲେମ୍ବୁ ରସକୁ ନଡ଼ିଆ ତେଲ କିମ୍ବା ଗୋଲାପ ଜଳ ସହିତ ମିଶାନ୍ତୁ । ଭଲ ଭାବରେ ମିଶ୍ରଣ କରନ୍ତୁ ଏବଂ ଏହାକୁ ଆପଣଙ୍କ କେଶ ଏବଂ ମୁଣ୍ଡରେ ଲଗାନ୍ତୁ । ଏହି ଉପଚାର ବହୁତ ଲାଭଦାୟକ ହେବ।

ନଡ଼ିଆ ତେଲ: ରୂପି କେବଳ ତେଲ ଯୋଗୁଁ ହୁଏ ନାହିଁ ତେଲ ଲଗାଇବା ଦ୍ଵାରା ମୁଣ୍ଡର ଶୁଷ୍କତା ଦ୍ୱାରା ମଧ୍ୟ ହୁଏ । ନଡ଼ିଆ ତେଲ ଏକ ପ୍ରାକୃତିକ ମଇଶ୍ଚରାଇଜର ଯାହା ମୁଣ୍ଡକୁ ହାଇଡ୍ରେଟ୍ ରଖେ । ଆପଣ ନଡ଼ିଆ ତେଲ ସହିତ କର୍ପୁର ମିଶାଇ ଏକ ପେଷ୍ଟ ମଧ୍ୟ ତିଆରି କରିପାରିବେ ଏବଂ ଏହାକୁ ଆପଣଙ୍କ କେଶରେ ଲଗାନ୍ତୁ। ଏହା ରୂପି ଦୂର କରିବ।

ଅଧିକ ପଢ଼ନ୍ତୁ ଜୀବନ ଶୈଳୀ ଖବର...