ଅର୍ଗସ ବ୍ୟୁରୋ:  ୟୁରିକ୍ ଏସିଡ୍ ରୋଗର ସମ୍ମୁଖୀନ ହେଇଛନ୍ତି କି। କେମିତି କରିବେ ଏହାକୁ ନିୟନ୍ତ୍ରଣ। ଜାଣନ୍ତୁ କିଛି ଘରୋଇ ଉପାୟ। ଯାହା ଦ୍ୱାରା ଆପଣ ଏହି ସମସ୍ୟାରୁ ମୁକ୍ତି ପାଇପାରିବେ। ଆଜିର ପରିବର୍ତ୍ତିତ ଲାଇଫ୍‌ ଷ୍ଟାଇଲ୍‌ରେ, ଯୁବକ ଠାରୁ ମଧ୍ୟମ ବୟସ୍କର ଲୋକ ସମସ୍ତେ ଅନେକ ପ୍ରକାରର ରୋଗର ଶିକାର ହେଉଛନ୍ତି । ଶରୀର ପ୍ୟୁରିନ୍ ଭାଙ୍ଗିବା ପରେ ୟୁରିକ୍ ଏସିଡ୍ ସୃଷ୍ଟି ହୁଏ । ଯେତେବେଳେ ଶରୀରରେ ଏହାର ଲେବଲ ବଢିବା ଦ୍ୱାରା, ଶରୀରରେ ସୁଗାର, ଆର୍ଥ୍ରାଇଟିସ୍, ହାର୍ଟ ଏବଂ କିଡନୀ ସମ୍ବନ୍ଧୀୟ ରୋଗ ହେବାର ସମ୍ଭାବନା ବଢିଯାଏ । ବାସ୍ତବରେ ଏହା ଆର୍ଥ୍ରାଇଟିସର ଏକ ଜଟିଳ ରୂପ, ଯେଉଁଥିରେ ୟୁରିକ୍ ଏସିଡ୍ ସ୍ଫଟିକ୍ ଶରୀରରେ ଜମା ହୋଇଯାଏ, ଯାହା ଗଣ୍ଠିକୁ ବିଶେଷ ଭାବରେ ଖରାପ ପ୍ରଭାବିତ କରିଥାଏ ।

ଜୁଆଣି ହେଉଛି ଏକ ମସଲା ଯାହା ଔଷଧୀୟ ଗୁଣରେ ଭରପୂର ରହିଥାଏ । ଜୁଆଣିରେ ଥିବା ଆଇରନ୍‌, ମାଙ୍ଗାନିଜ୍, କ୍ୟାଲସିୟମ୍ ଏବଂ ବାୟୋଆକ୍ଟିଭ୍ ଯୌଗିକ ପରି ପୁଷ୍ଟିକର ଖାଦ୍ୟ ଗାଉଟ୍‌ ଭଲ କରିବାରେ ସାହାଯ୍ୟ କରିଥାଏ । ଏଥିରେ ଲ୍ୟୁଟୋଲିନ୍, ୩ ଏନ-ବଟିଲଫଥାଲାଇଡ୍ ଏବଂ ବିଟା-ସେଲେନାଇନ୍ ଯୌଗିକ ମିଳିଥାଏ ଯାହା ବ୍ଲଡ୍‌ରେ ୟୁରିକ୍ ଏସିଡ୍ ଲେବଲ ଏବଂ ପ୍ରଦାହକୁ ମଧ୍ୟ କମ୍‌ କରିଥାଏ । ତେବେ ଥଣ୍ଡା ଏବଂ କାଶର ଚିକିତ୍ସାରେ ଏହାର ବ୍ୟବହାର ଅତ୍ୟନ୍ତ ପ୍ରଭାବଶାଳୀ ବୋଲି ବିବେଚନା କରାଯାଏ ଏବଂ ଏହା ୟୁରିକ୍ ଏସିଡ୍ କୁ ମଧ୍ୟ ଶୀଘ୍ର ନିୟନ୍ତ୍ରଣ କରିଥାଏ । ଏସିଡିଟି ଏବଂ କୋଷ୍ଠକାଠିନ୍ୟରେ ପୀଡିତ ଲୋକଙ୍କ ପାଇଁ ଜୁଆଣି ମଧ୍ୟ ଲାଭଦାୟକ ହୋଇଥାଏ ।

ଆଣ୍ଟି-ବ୍ୟାକ୍ଟେରିଆ ଗୁଣରେ ଭରପୂର ଜୁଆଣି ଶରୀରରେ ଫୁଲାକୁ କମ୍‌ କରିଥାଏ ଏବଂ ଏହା ଥଣ୍ଡା ଏବଂ କାଶ ଭଳି ଭାଇରାଲ୍ ଇନ୍‌ଫେକ୍ସନ୍‌ରୁ ମଧ୍ୟ ରକ୍ଷା କରିଥାଏ । ସେଥିପାଇଁ ଆପଣ ୟୁରିକ୍‌ ଏସିଡ୍‌ ସମସ୍ୟାରେ ଜୁଆଣି ଖାଇପାରିବେ । ୟୁରିକ୍ ଏସିଡ୍ ରେ ପୀଡିତ ରୋଗୀମାନେ ଖାଲି ପେଟରେ ପ୍ରତିଦିନ ଜୁଆଣି ପାଣି ପିଇବା ଉଚିତ୍ । ଶୋଇବା ପୂର୍ବରୁ ଏକ ଚାମଚ ଜୁଆଣିକୁ ଏକ ଗ୍ଲାସରେ ରଖନ୍ତୁ ଏବଂ ଏହାକୁ ରାତିସାରା ଭିଜାଇ ରଖନ୍ତୁ । ଏହି ପାଣି ଫିଲ୍ଟର୍ କରି ସକାଳେ ପିଅନ୍ତୁ । ଏହା ବ୍ୟତୀତ ଆପଣ ଜୁଆଣି ସହିତ ଅଦା ମଧ୍ୟ ମିଶାଇ ଖାଇପାରିବେ । ଏସବୁ ବ୍ୟବହାର ଦ୍ୱାରା ଆପଣ ପେଟ ଏବଂ କୋଷ୍ଠକାଠିନ୍ୟରୁ ମୁକ୍ତି ପାଇପାରିବେ।

ଅଧିକ ପଢ଼ନ୍ତୁ ଜୀବନ ଶୈଳୀ ଖବର: