ବ୍ରେକଅପ୍...ଯଦିଓ ଏହା କେବଳ କିଛି ଅକ୍ଷରରୁ ତିଆରି । ଏହା ସମସ୍ତଙ୍କ ପାଇଁ ଏକ ବହୁତ କଷ୍ଟର ସମୟ । କିଛି ସମ୍ପର୍କ ଏମିତି ବି ହୋଇଥାଏ ଯାହା ଧୀରେ ଧୀରେ ଭାଙ୍ଗିଯାଏ ଆଉ କାହାକୁ ବି ଜଣାପଡ଼େ ନାହିଁ । ବାସ୍ତବରେ, ଏହି ସମୟରେ ଅନ୍ୟ ବ୍ୟକ୍ତି କିଛି କୁହନ୍ତି ନାହିଁ ଏହା କେବଳ ଏକ ଅନୁଭବ ହୁଏ ଯେ ସମ୍ପର୍କ ଭାଙ୍ଗି ଭାଙ୍ଗି ଯାଉଛି ।

ସାଇଲେଣ୍ଟ୍ ବ୍ରେକଅପ୍ ଆହୁରି ଯନ୍ତ୍ରଣାଦାୟକ କାରଣ ଏହା ଜଣେ ସାଥୀ ପାଇଁ ପ୍ରତିଦିନ ଭାଙ୍ଗିଯାଏ । କିଛି ସଙ୍କେତ ପ୍ରତି ଧ୍ୟାନ ଦେବା ଦ୍ଵାରା ଆପଣ ଜାଣିପାରିବେ ଯେ ଆପଣଙ୍କ ସାଥୀ ଚୁପ୍ ଚାପ୍ ବ୍ରେକଅପ୍ ପାଇଁ ପ୍ରସ୍ତୁତ ହେଉଛନ୍ତି କି ନାହିଁ । ଏହା ଆପଣଙ୍କୁ ସିଧାସଳଖ ସମସ୍ୟାର ସମାଧାନ କରିବାରେ ସାହାଯ୍ୟ କରିପାରିବ ।
ଆପଣଙ୍କ ସାଥୀ ହୁଏତ ଆପଣଙ୍କୁ ଏପର୍ଯ୍ୟନ୍ତ ଗୋଟିଏ ଶବ୍ଦ ମଧ୍ୟ କହି ନାହାଁନ୍ତି, କିନ୍ତୁ ତୁମେ ପ୍ରତିଦିନ ଅନୁଭବ କରୁଛ ଯେ ତୁମ ସମ୍ପର୍କରେ ଅନେକ ପରିବର୍ତ୍ତନ ହେଉଛି । ଏହା ବହୁତ କଷ୍ଟ ଦାୟକ ହୋଇପାରେ । ପ୍ରକୃତରେ, ଯଦିଓ ତୁମର ସାଥୀ "ବ୍ରେକଅପ୍" ଶବ୍ଦଟି ନ କୁହନ୍ତି, ସେମାନଙ୍କ ଆଚରଣରେ ବହୁତ ପରିବର୍ତ୍ତନ ଆସିଥାଏ । ଏହି ପରିସ୍ଥିତିକୁ "ସାଇଲେଣ୍ଟ୍ ବ୍ରେକଅପ୍" କୁହାଯାଏ ।

ହଠାତ୍ କଥାବାର୍ତ୍ତା କମ୍ କରିବା
ଗୋଟେ ସମ୍ପର୍କରେ ଭଲରେ କଥାବାର୍ତ୍ତା ସବୁଠୁ ଗୁରୁତ୍ୱପୂର୍ଣ୍ଣ । ଯଦି ଆପଣଙ୍କ ସାଥୀ ହଠାତ୍ ପୂର୍ବ ଅପେକ୍ଷା କମ୍ କଥାବାର୍ତ୍ତା କରିବାକୁ ଆରମ୍ଭ କରନ୍ତି, କିମ୍ବା ଆପଣଙ୍କ ସହ ଯୋଗାଯୋଗ କମାଉଛନ୍ତି ତେବେ ଏହା ଉପରେ ଆପଣଙ୍କୁ ଧ୍ୟାନ ଦେବାକୁ ପଡିବ।

ଉଦାହରଣ ସ୍ୱରୂପ, ସେମାନେ ଡେରିରେ ମେସେଜର ଉତ୍ତର ଦେଉଛନ୍ତି, ନା ଆପଣ ଫୋନରେ କଥା ହେବା ସମୟରେ ସେମାନେ ଆପଣଙ୍କୁ ଭଲ ସମ୍ପର୍କର ଅନୁଭବ କରାଉନାହାଁନ୍ତି, ଅର୍ଥାତ୍ ଏହା କେବଳ ବ୍ୟବହାରିକ କଥାବାର୍ତ୍ତା ? ଯଦି ସେମାନେ ସବୁବେଳେ ଫୋନ୍ କାଟିବାକୁ କୁହନ୍ତି ସେମାନଙ୍କର ଖାଲି ସମୟରେ ମଧ୍ୟ, ଏହା ଏକ ସଙ୍କେତ ହୋଇପାରେ ଯେ ଆପଣଙ୍କ ସାଥୀ ଦୂରତା ସୃଷ୍ଟି କରୁଛନ୍ତି ଏବଂ ସମ୍ପର୍କକୁ ଏକ ନୀରବ ବିଚ୍ଛେଦ ଆଡ଼କୁ ।

ପଢନ୍ତୁ ଏହି ଖବର: ୭୦ ବର୍ଷର ବର, ୨୨ ବର୍ଷୀୟ କନ୍ୟା! ରାଓ୍ବଲପିଣ୍ଡିରେ ନିକାହ ପରେ ସୋସିଆଲ ମିଡିଆରେ ହଲଚଲ

ଦୂରେଇ ରହିବା
ଯେତେବେଳେ ଆପଣ ଏକାଠି ସମୟ ବିତାଇବେ, ସେତେବେଳେ ସମ୍ପର୍କ ଦୃଢ଼ ରହିଥାଏ । ଯେପରିକି ଲଙ୍ଗ୍ ଡ୍ରାଇଭ୍ କିମ୍ବା ହଠାତ୍ ବାହାରକୁ ବୁଲିବାକୁ ଯିବା, ଛୋଟ ଡେଟ୍, ଟ୍ରିପ୍, କିମ୍ବା ସିନେମା ଦେଖିବା । ଏଗୁଡ଼ିକ ସାଧାରଣ କଥା ଯାହା କପଲମାନେ କରିବା କଥା । ଯଦି ଆପଣଙ୍କର ପାର୍ଟନର ଆପଣଙ୍କ ସହ ବାହାରକୁ ଯିବାକୁ ଇଚ୍ଛା କରୁନାହାଁନ୍ତି ତେବେ ଆପଣ ଜାଣିବେ ପ୍ରକୃତରେ ସେଠାକୁ ସେ ଯିବାକୁ ଚାହାଁନ୍ତି ନାହିଁ । ସେମାନେ ତୁମ ସହିତ ସେମାନଙ୍କର ଭବିଷ୍ୟତ ଯୋଜନା ବିଷୟରେ ଆଲୋଚନା କରନ୍ତି ନାହିଁ, ଏହା ଏକ ବଡ଼ ସଙ୍କେତ ଯେ ସେମାନେ ଆଗକୁ ତୁମ ସହିତ ସମ୍ପର୍କ ରଖିବା ପାଇଁ ଚାହାଁନ୍ତି ନାହିଁ ।

କେତେକ ସମୟରେ, ଅନ୍ୟ ବ୍ୟକ୍ତି କ’ଣ ଚାହାଁନ୍ତି ସେ ବିଷୟରେ ସମ୍ପର୍କରେ ବହୁତ ଦ୍ୱନ୍ଦ୍ୱ ଦେଖାଦିଏ । ଏହା ସାଥୀଙ୍କ "ରାଗ ଏବଂ ଶାନ୍ତ" ଆଚରଣ ଯୋଗୁଁ ହୁଏ, ଯେପରିକି କେତେବେଳେ ଅଧିକ ଭଲପାଇବା ତ ଆଉ କେତେବେଳେ ହଠାତ୍ ଦୂରେଇ ଯିବା । ଏହି ପ୍ରକାରର ଆଚରଣ ସାଇଲେଣ୍ଟ୍ ବ୍ରେକଅପର ଏକ ଲକ୍ଷଣ ମଧ୍ୟ ହୋଇପାରେ ।

କେତକ ସମୟରେ ଆମର ମନର ଭାବନା ଆମକୁ ସବୁକିଛି କହିଦିଏ । ଉଦାହରଣ ସ୍ୱରୂପ, ଯଦି ଆପଣଙ୍କୁ ଲାଗୁଛି ଯେ ଆପଣଙ୍କ ପାର୍ଟନର ଗୁରୁତ୍ୱପୂର୍ଣ୍ଣ ବିଷୟଗୁଡ଼ିକ ଉପରେ ଆଲୋଚନା କରିବା ପାଇଁ ଚାହୁଁନାହାନ୍ତି । ଯଦି ବି ଆପଣ ଚେଷ୍ଟା କରନ୍ତି ସେହି ସମୟରେ ସେମାନେ ଚିଡିଚିଡା ହୋଇଯାଆନ୍ତି, ତେବେ ଏହାର ଅର୍ଥ ହୋଇପାରେ ଯେ ଆପଣ ଆପଣଙ୍କ ସମ୍ପର୍କରେ ବାଧା ସୃଷ୍ଟି କରିବାକୁ ଚେଷ୍ଟା କରୁଛନ୍ତି ।

ଏଥିସହ ପଢ଼ନ୍ତୁ: ମହିଳାଙ୍କ ଶରୀର ପାଇଁ ଅଧିକ ନିଦ କାହିଁକି ଦରକାର, ଜାଣନ୍ତୁ କାରଣ