ଅର୍ଗସ ବ୍ୟୁରୋ : କୁହାଯାଏ ଦିଲ୍ଲୀ ହେଉଛି ଖାଦ୍ୟର ସହର । ଯେଉଁଠି ବିଭିନ୍ନ ପ୍ରକାରର ସ୍ବାଦିଷ୍ଟ ଫାଷ୍ଟଫୁଡ ମିଳିଥାଏ । ବିଶେଷ ଭାବେ ଦିଲ୍ଲୀର ଛୋଲେ ବଟୁରେର ରହିଛି ସ୍ବତନ୍ତ୍ର ସ୍ବାଦ  । କିନ୍ତୁ ଏଥିରେ ଥିବା ଅତ୍ୟଧିକ ମସଲା ଓଜନ ବଢାଇବା ସହ ଶରୀର ମଧ୍ୟ ଅସୁସ୍ଥ ରହିଥାଏ । ହେଲେ ଦିଲ୍ଲୀରେ ଏପରି ଏକ ସ୍ଥାନ ଅଛି ଯେଉଁଠି ଛୋଲେ ବଟୁରେ ଖାଇଲେ ଆପଣଙ୍କ ଓଜନ ଆଦୌ ବଢିବନି ଏବଂ କୌଣସି ରୋଗ ମଧ୍ୟ ହେବନି । 

ପ୍ରକୃତରେ ଏହି ଛୋଲେ ଭଟୁରେକୁ ବିକିବା ପାଇଁ ଏପରି କିଛି ଉପାୟ ଆପଣାଇଛନ୍ତି ଦୋକାନୀ । ଦୋକାନ ସାମ୍ନାରେ ଏକ ପୋଷ୍ଟର ମରା ହୋଇଛି, ଯେଉଁଥିରେ ଲେଖା ହୋଇଛି , " ଏହି ଛୋଲେ ବଟୁରେ ଖାଇବା ଦ୍ବାରା ଓଜନ କମିଥାଏ , ଏବଂ କୌଣସି ରୋଗ ହୋଇ ନଥାଏ ।" ଏହି ଦୋକାନର ଏକ ଫଟୋକୁ ମିଷ୍ଟର ୱରାହ୍ ନାମକ ଏକ ଆଇଡି ଦ୍ବାରା ପୋଷ୍ଟ କରାଯାଇଛି । ଏବଂ ସେ ଲେଖିଛନ୍ତି, ଏହା କେବଳ ଦିଲ୍ଲୀରେ ହିଁ ତମେ ପାଇବ । ଯେଉଁ ଛୋଲେ ବଟୁରେ ଖାଇଲେ ଓଜନ କମିବ ।"

Only in Delhi can you expect this 😂

Eat Chole Bhature, Lose Weight, Reduce Diseases 🫡🫡🫡 pic.twitter.com/ByIH4gsV5Y

— Worah | #WalkingInDelhi (@psychedelhic) May 26, 2024

 

ଏହାକୁ ପୋଷ୍ଟ କରିବା ପରେ ଅନେକ ଜଣ ଏହାକୁ ନେଇ କମେଣ୍ଟ ଦେଇଛନ୍ତି , ଜଣେ ଲେଖିଛନ୍ତି, ଦୋକାନରେ ବିକ୍ରି ହେବାର ଭଲ ଉପାୟ । ସେହିପରି ଆଉ ଜଣେ ଲେଖିଛନ୍ତି, ଏହା ସମ୍ପୁର୍ଣ୍ଣ କାଳ୍ପନିକ କଥା । ' 
ଜଣେ ୟୁଜର ଲେଖିଛନ୍ତି, ଯେପରି କମ୍ପାନୀ ମାନେ ନିଜ ପ୍ରଡକ୍ଟକୁ କୌଣସି ସାଇଡ ଇଫେକ୍ଟ ନଥିବା କହି ବିକ୍ରି କରିଥାନ୍ତି, କିନ୍ତୁ ପରେ ଏହା କ୍ଷତିକାରକ ପାଲଟେ, ସେମିତି ଏହି ଦୋକାନୀ ଏପରି ଉପାୟ ଅବଲମ୍ବନ କରିଛନ୍ତି ।