Ticketless Travel / ଆଉ ନାହିଁ ନିସ୍ତାର; ବଢିଲା ଜୋରିମାନା, ଏବେ କେତେ ଦେବାକୁ ପଡ଼ିବ ଫାଇନ୍

ଭାରତୀୟ ରେଳବାଇରେ ବୈଧ ଟିକେଟ୍ ବିନା ଯାତ୍ରା କରୁଥିବା ଯାତ୍ରୀମାନଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଖବର ଅଛି। ବିନା ଟିକେଟରେ ଯାତ୍ରା କରୁଥିଲେ ଏବେ ଦେବାକୁ ପଡ଼ିବ ଅଧିକ ଜୋରିମାନା । ଭାରତୀୟ ରେଳବାଇ ସର୍ବନିମ୍ନ ଜୋରିମାନାକୁ ଦୁଇଗୁଣ କରିଛି । ଏବେ ଯଦି ଏପରି ଯାତ୍ରୀ ଧରାପଡ଼ନ୍ତି, ତେବେ ସେମାନଙ୍କୁ ସର୍ବନିମ୍ନ ₹୫୦୦ ଜରିମାନା ଦେବାକୁ ପଡ଼ି, ଯାହା ପୂର୍ବରୁ ମାତ୍ର ₹୨୫୦ ଥିଲା । ଭାରତୀୟ ରେଳବାଇର ଏହି କଠୋର ଏବଂ ସଂଶୋଧିତ ନିୟମ ଜୁନ ୨୦ ତାରିଖରୁ ଦେଶବ୍ୟାପୀ କାର୍ଯ୍ୟକାରୀ କରିଛି।

• ଅବୈଧ ଏବଂ ପୁରୁଣା ଟିକେଟ୍ ବ୍ୟବହାର କରୁଥିଲେ ସାବଧାନ

ଭାରତର ପଶ୍ଚିମ ରେଳବାଇ ଦ୍ୱାରା ଜାରି କରାଯାଇଥିବା ଏକ ସାର୍ବଜନୀନ ନୋଟିସ ଅନୁଯାୟୀ, ରେଳବାଇ ଆଇନ, ୧୯୮୯ର ଧାରା ୧୩୭ ଏବଂ ୧୩୮ ଅନୁଯାୟୀ ଏହି ବଡ଼ ଜୋରିମାନା ଆଦାୟ କରାଯିବ। ରେଳବାଇ ସ୍ପଷ୍ଟ କରିଛି ଯେ ଏହି ନିୟମ କେବଳ ଟିକେଟ୍ ବିନା ଯାତ୍ରା କରୁଥିବା ଲୋକଙ୍କ ପାଇଁ ନୁହେଁ, ବରଂ ଯେଉଁ ଯାତ୍ରୀମାନେ ପୁରୁଣା କିମ୍ବା ପୂର୍ବରୁ ବ୍ୟବହୃତ ଟିକେଟ୍ ପୁନଃବ୍ୟବହାର କରୁଛନ୍ତି, ସେମାନଙ୍କ ପାଇଁ ମଧ୍ୟ ପ୍ରଯୁଜ୍ୟ ।

🚆🚨Passenger Advisory 🚆🚨
As per the provisions of the Jan Vishwas Act, 2026, the minimum penalty under Sections 137 & 138 of the Railway Act, 1989 has been increased from ₹250 to ₹500 💰 with effect from 20 June 2026 📅.
🎫 Passengers are requested to travel with a valid… pic.twitter.com/dPBLHPXY83

— DRM - Mumbai Central, WR (@drmbct) June 20, 2026

ରେଳବାଇ ସୋସିଆଲ ମିଡିଆ ପ୍ଲାଟଫର୍ମ Xରେ ଏକ ପୋଷ୍ଟ ସେୟାର କରି ଯାତ୍ରୀମାନଙ୍କୁ ଜୋରିମାନା ଏବଂ ଆଇନଗତ କାର୍ଯ୍ୟାନୁଷ୍ଠାନରୁ ବଞ୍ଚିବା ପାଇଁ ସର୍ବଦା ବୈଧ ଟିକେଟ ସହିତ ଯାତ୍ରା କରିବାକୁ ନିବେଦନ କରିଛି, ଯାହା ଦ୍ଵାରା ସମସ୍ତଙ୍କ ପାଇଁ ସୁରକ୍ଷିତ ଏବଂ ସୁଗମ ଯାତ୍ରା ସୁନିଶ୍ଚିତ ହୋଇପାରିବ।

• ଭଡା ସହିତ ₹୫୦୦ ଜରିମାନା ଆଦାୟ

ନୂତନ ନିର୍ଦ୍ଦେଶାବଳୀ ଅନୁଯାୟୀ, ଯଦି କୌଣସି ଯାତ୍ରୀ ବୈଧ ଟିକେଟ୍ ବିନା ଧରାପଡ଼ନ୍ତି, ତେବେ ତାଙ୍କୁ ସେହି ଯାତ୍ରାର ପ୍ରକୃତ ଭଡ଼ା ଦେବାକୁ ପଡ଼ିବ ଏବଂ ଅତି କମରେ ୫୦୦ ଟଙ୍କା ଜରିମାନା ମଧ୍ୟ ଦେବାକୁ ପଡ଼ିବ । ନୋଟିସରେ ଏହା ମଧ୍ୟ କଡ଼ା ଚେତାବନୀ ଦିଆଯାଇଛି ଯେ ଯଦି କୌଣସି ଯାତ୍ରୀ ଏହି ଜରିମାନା ଦେବାକୁ ମନା କରନ୍ତି କିମ୍ବା ଦେବାକୁ ଅସମର୍ଥ ହୁଅନ୍ତି, ତେବେ ସେମାନଙ୍କ ବିରୁଦ୍ଧରେ ତୁରନ୍ତ ଆଇନଗତ କାର୍ଯ୍ୟାନୁଷ୍ଠାନ ଆରମ୍ଭ କରାଯିବ ।

ପଢନ୍ତୁ ଏହି ଖବର: ଯଦି ଆପଣଙ୍କର ଟିକେଟ୍ ନାହିଁ, ତେବେ ଟିଟି କେବେ ଆପଣଙ୍କୁ ଟ୍ରେନରୁ ବାହାର କରିଦେବ କି ?

• ୬ ମାସ ପର୍ଯ୍ୟନ୍ତ ଜେଲଦଣ୍ଡ

ରେଳ ଆଇନର ଧାରା ୧୩୭ ଅନୁଯାୟୀ ରେଳବାଇକୁ ଉଦ୍ଦେଶ୍ୟମୂଳକ ଭାବରେ ଠକିବା କିମ୍ବା ସଠିକ୍ ଭଡ଼ା ଦେବାରୁ ବଞ୍ଚିତ ହେବାକୁ ଚେଷ୍ଟା କରିବା ଏକ ଗୁରୁତର ଅପରାଧ । ଏପରି ମାମଲାରେ ୬ ମାସ ପର୍ଯ୍ୟନ୍ତ ଜେଲ ଦଣ୍ଡ ହୋଇପାରେ । ଏହା ବ୍ୟତୀତ ଯଦି କୌଣସି ଯାତ୍ରୀ ବିନା ଟିକେଟରେ ଧରାପଡ଼ନ୍ତି ଏବଂ ସେ କେଉଁଠାରୁ ଟ୍ରେନରେ ଚଢ଼ିଥିଲେ ତାହା ଜଣାପଡ଼େ ନାହିଁ, ତେବେ ରେଳ କର୍ମଚାରୀମାନେ ଟ୍ରେନର ଆରମ୍ଭ ଷ୍ଟେସନ କିମ୍ବା ଟିକେଟ ଯାଞ୍ଚ ହୋଇଥିବା ଶେଷ ଷ୍ଟେସନରୁ ସମ୍ପୂର୍ଣ୍ଣ ଭଡ଼ା ଏବଂ ଜରିମାନା ଆଦାୟ କରିବାର ଅଧିକାର ପାଇବେ ।