ଅର୍ଗସ ବ୍ୟୁରୋ : ପ୍ରତ୍ୟେକ ମଣିଷର ସକାଳ ଯଦି ଭଲରେ କଟେ ତେବେ ପୁରା ଦିନ ସେ ମାନସିକ ତଥା ଶାରିରୀକ ସ୍ତରରେ ସୁସ୍ଥ ରୁହେ । ଯଦି ସକାଳୁ ଆମେ ମାନସିକ ସ୍ତରରେ ଆକ୍ଟିଭ ରୁହନ୍ତି । ତେବେ ପୁରା ଦିନ ଆମେ ସବୁ କାମ କରିବା ସହ ପୁରା ଫିଟ ରହିଥାନ୍ତି । ତେବେ କିପରି ନିଜର ସକାଳର ଆରମ୍ଭ ଭଲରେ କରିବା ପାଇଁ ହେଲେ ଆପଣଙ୍କୁ କିଛି ଅଭ୍ୟାସ ନିଜ ପ୍ରତ୍ୟେକ ଦିନ ରୁଟିନରେ କରିବାକୁ ପଡିବ । ଯାହାକୁ ଆପଣ ସବୁଦିନ କରିବା ଦ୍ବାରା ଆପଣ ଆଧ୍ୟାତ୍ମିକ , ଶାରୀରିକ , ମାନସିକ ସ୍ତରରେ ଖୁସି ରହିପାରିବେ । ତେବେ ଯଦି ଆପଣ ପ୍ରତିଦିନ ଖୁସି ରହିବାକୁ ଚାହୁଁଛନ୍ତି ତେବେ ଏହି ୫ଟି ଜିନିଷ ଆପଣଙ୍କୁ ଆପଣାଇବାକୁ ପଡିବ ।
୧- ନିଜକୁ ହାଇଡ୍ରେଟେ଼ଡ ରଖିବେ
ରାତିରେ ୭ ଘଣ୍ଟା ଶୋଇବା ପରେ ଆମ ଶରୀରରେ ପାଣିର ପରିମାଣ କମିଯାଇଥାଏ । ଯେଉଁଥିପାଇଁ ଆମ ଶରୀରକୁ ହାଇଡ୍ରେଟ କରିବା ପାଇଁ ସକାଳୁ ପ୍ରଚୁର ପରିମାଣର ପାଣି ପିଇବା ନିହାତି ଦରକାର । ଯାହାଦ୍ବାରା ପୁରା ଦିନ ଆପଣଙ୍କ ଏନର୍ଜେଟିକ ରହିବେ ।
୨- ବ୍ୟାୟାମ କରିବା ଦରକାର
ଶାରୀରିକ ଏବଂ ମାନସିକ ସ୍ତରରେ ଫିଟ ରହିବା ପାଇଁ ହେଲେ ଏକ୍ସରସାଇଜ ନିହାତି ଦରକାର । ଯୋଗ ତଥା ବ୍ୟାୟାମ କରିବା ଦ୍ବାରା ଆପଣ ପୁରା ଦିନ ଆକ୍ଟିଭ ରହିବେ ।
୩- ମେଡିଟେସନ କରିବା ଦରକାର
ସକାଳୁ ମେଡିଟେସନ କରିବା ନିହାତି ଦରକାର । ଯାହାଦ୍ବାରା ମନଶାନ୍ତ ରହିବା ସହ ସ୍ଥିର ରହିଥାଏ । ଏବଂ ଦିନସାରା ଆମେ ଯେଉଁ କାମ କରିବାକୁ ଇଚ୍ଛା କରିଥାନ୍ତି , ସେହି କାମ ଆମର ଫୋକସ ରହିଥାଏ ।
୪- ଇଶ୍ବରଙ୍କୁ ଧନ୍ୟବାଦ ଦେବା ଦରକାର
ସକାଳୁ ଉଠି ଇଶ୍ବରଙ୍କୁ ଧନ୍ୟବାଦ ଦେବା ନିହାତି ଆବଶ୍ୟକ । କାରଣ ଆପଣ ଆଉ ଗୋଟେ ନୂଆ ସକାଳ ଦେଖିଛନ୍ତି ସେଥିପାଇଁ ଠାକୁରଙ୍କ ପାଖରେ କୃତଜ୍ଞତା ଜଣାଇବା ଦରକାର ।
୫- ସୁସ୍ଥ ଜଳଖିଆ
ସକାଳୁ ଅନେକ ଜଣ ଲୋକ ନିଜର ଜଳଖିଆ ଖାଇନଥାନ୍ତି । ଯାହାଦ୍ବାରା ଏହା ଶରୀରର ମେଟାବୋଲିଜିମ ଖରାପ କରିଥାଏ । ହେଲ୍ଥି ଜଳଖିଆ ଖାଇବା ଦ୍ବାରା ଶରୀରରେ ପ୍ରୋଟିନ, ଫାଇବର ଆଦି ଶରୀରକୁ ମିଳିଥାଏ । ଯାହାଦ୍ବାରା ଆପଣଙ୍କ ପୁରାଦିନ ଏନର୍ଜେଟିକ ରହିଥାଏ ।
ତେଣୁ ସକାଳୁ ଯଦି ପ୍ରତିଦିନ ଏହି ସବୁ ଅଭ୍ୟାସ ନିଜ ଜୀବନଶୈଳୀରେ ଯୋଡନ୍ତି, ତେବେ ଆପଣ ଏକ ସୁସ୍ଥ ଜୀବନ ଅତିବାହିତ କରିବେ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV