ଅର୍ଗସ ବ୍ୟୁରୋ : ଓଡ଼ିଶା ଫେରିଲେ ପଶ୍ଚିମବଙ୍ଗରେ ଅଟକ ୧୫୫ ଓଡ଼ିଆ । ଓଡ଼ିଶାର ପଶ୍ଚିମବଙ୍ଗ ମେଦନାପୁର ପଞ୍ଚୁଖଡିକା ଅଞ୍ଚଳରେ ଜୈନିକ କବିରାଜଙ୍କ ପାଖକୁ ଯାଇଥିଲେ ୧୫୫ ରୁ ଅଧିକ ଲୋକେ । ଓଡ଼ିଶାର ଲୋକ ଜାଣିପାରି ସେଠାକାର ଲୋକେ ମାରଣାସ୍ତ୍ର ଧରି ସେମାନଙ୍କୁ ଅଟକ ରଖିଥିଲେ । ଏ ବାବଦରେ ଅଟକ ଥିବା ଲୋକେ ସେମାନଙ୍କ ପରିବାର ଲୋକଙ୍କୁ ଖବର ଦେବାପରେ ତତ୍ପର ପ୍ରକାଶ କରିଥିଲେ ବାଲେଶ୍ବର ସାଂସଦ ପ୍ରତାପ ଚନ୍ଦ୍ର ଷଡଙ୍ଗୀ ଓ ରେମୁଣା ବିଧାୟକ ଏବଂ ବାଲେଶ୍ବର ଜିଲ୍ଲା ପ୍ରଶାସନ।

ଅଧିକ ପଢନ୍ତୁ : 'ପରିଚୟ ପତ୍ର ନଥିଲେ ଅନୁପ୍ରବେଶକାରୀଙ୍କୁ ଭାରତରୁ କରାଯିବ ବିଦା'

ଦୁଇଟି ବସ୍‌, ତିନିଟି ବୋଲେରୋ  ଓ ଗୋଟିଏ କାର୍‌ରେ ନୀଳଗିରି, ମିତ୍ରପୁର, କଲ୍ୟାଣି ଏବଂ ମୟୁରଭଞ୍ଜ ବିଷୋୟୀ ଅଂଚଳର ଲୋକେ ଚିକିତ୍ସା ପାଇଁ ଯାଇଥିଲେ । ଓଡିଶା ସରକାର ପଶ୍ଚିମବଙ୍ଗ ସରକାରଙ୍କୁ ଜଣାଇବା ପରେ ସେମାନଙ୍କୁ ସେଠାରୁ ପଶ୍ଚିମବଙ୍ଗ ପୋଲିସ ଦ୍ବାରା ଉଦ୍ଧାର କରାଯାଇ ରାତି ପ୍ରାୟ ଗୋଟାଏ ସମୟରେ ଓଡ଼ିଶା ସୀମା ଲକ୍ଷ୍ମଣନାଥ ଟୋଲଗେଟ ନିକଟରେ ଆଣି ପହଞ୍ଚାଇଥିଲେ । ପରେ ଜଳେଶ୍ବର ପୋଲିସ ତାଙ୍କୁ ପାଣି, ଖାଇବା ଦେବା ସହ ଓଡ଼ିଶାକୁ ଆଣିଥିଲେ ।