ଅର୍ଗସ ବ୍ୟୁରୋ : ଆଜି ଆସିବ ୨୦୨୪-୨୫ ଆର୍ଥିକ ବର୍ଷ ପାଇଁ ପୂର୍ଣ୍ଣାଙ୍ଗ ବଜେଟ ।  ସପ୍ତମ ଥର ପାଇଁ ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ଉପସ୍ଥାପନ କରି ରେକର୍ଡ କରିବେ ।  ତେବେ ଏଥର କେମିତି ରହିବ ରାଜ୍ୟ ଓ କେନ୍ଦ୍ର ବଜେଟ । ତାକୁ ନେଇ ଅନେକଙ୍କ ମନରେ ବିଭିନ୍ନ ପ୍ରକାର ଆଶା ରହିଛି । ସାଧାରଣ ଲୋକଙ୍କ ଆଶା ଜୀବନ ଧାରଣର ମାନରେ ପରିବର୍ତ୍ତନ ଆଣୁ ବଜେଟ ବୋଲି ଚର୍ଚ୍ଚା ହେଉଛି ।

ଅଧିକ ପଢନ୍ତୁ : ଆଜି ପ୍ରଧାନମନ୍ତ୍ରୀଙ୍କ ତୃତୀୟ କାର୍ଯ୍ୟକାଳର ପ୍ରଥମ ବଜେଟ୍ ଉପସ୍ଥାପନ

ତେବେ  ଫୋକସରେ ରହିଛି ସମସ୍ତଙ୍କ ମୁଣ୍ଡ ଉପରେ ପକ୍କା ଘର, ସବୁ ଘରକୁ ପାଇପ ପାନୀୟ ଜଳ, ସବୁ ଗାଁକୁ ରାସ୍ତା , କୃଷକ , ମହିଳା ଗରିବ ଓ ଯୁବକଙ୍କୁ ଗୁରୁତ୍ବ ଇତ୍ୟାଦି । ସଡ଼କପଥ ଏବଂ ଭାରତୀୟ ରେଳପଥକୁ ମିଳିପାରେ ପ୍ରାଥମିକତା । କୃଷି ଓ କୃଷକଙ୍କ ପାଇଁ ହୋଇପାରେ ବଡ଼ ଘୋଷଣା । ମୁଖ୍ୟମନ୍ତ୍ରୀ ମୋହନ ମାଝୀ ଅର୍ଥ ମନ୍ତ୍ରୀ ଭାବେ କରିବେ ବଜେଟ ଉପସ୍ଥାପନ।