ଅର୍ଗସ ବ୍ୟୁରୋ : ତାମିଲନାଡୁରେ ପ୍ରବଳ ବର୍ଷା । ତାମିଲନାଡୁର ଦକ୍ଷିଣାଞ୍ଚଳରେ ଥିବା ଜିଲ୍ଲା ଗୁଡ଼ିକରେ ପ୍ରବଳ ବର୍ଷା ହୋଇଛି । ବର୍ଷା ଫଳରେ ୩ ଜଣଙ୍କର ଜୀବନ ଯାଇଥିବା ବେଳେ ପ୍ରାୟ ୧୧ ହଜାର ଲୋକଙ୍କୁ ସୁରକ୍ଷିତ ସ୍ଥାନାନ୍ତର କରାଯାଇଛି । ବନ୍ୟା ସ୍ଥିତି ଉତ୍କଟ ହେବା ଫଳରେ ଆଜି ରାତି ୧୦.୩୦ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ସାକ୍ଷାତ କରି ରିଲିଫ୍ ପାଇଁ କଥା ହେବେ ତାମିଲନାଡୁ ମଖ୍ୟମନ୍ତ୍ରୀ ଏମ.କେ ଷ୍ଟାଲିନ ।

ରାଜ୍ୟର କନ୍ୟାକୁମାରୀ, ତିରୁନେଲଭେଲି, ଥୁଠୁକୁଡି ଏବଂ ଟେନକାଶୀ ଜିଲ୍ଲା ସର୍ବାଧିକ ପ୍ରଭାବିତ ହୋଇଛି । ଏହି ଜିଲ୍ଲା ଗୁଡ଼ିରେ ଘରେ ଘରେ ପାଣି ପସିଥିବା ବେଳେ ଚାଷଜମିରେ ମଧ୍ୟ ଲହଡ଼ି ଭାଙ୍ଗୁଛି ବର୍ଷା ଜଳ । ତେବେ ରିଲିଫ୍ ଅପରେସନ୍ ପାଇଁ ଇଣ୍ଡିଆ କୋଷ୍ଟଗାର୍ଡ ୬ଟି ଉଦ୍ଧାରକାରୀ ଦଳ ମୁତୟନ କରିଛି । ସେହିପରି ରାଜ୍ୟର ୮ ଜଣ ମନ୍ତ୍ରୀ ଏବଂ ୧୦ ଆଇଏଏସଙ୍କୁ ରିଲିଫ କାର୍ଯ୍ୟରେ ମୁତୟନ କରାଯଆଇଛି ।

ଅଧିକ ପଢନ୍ତୁ ଭାରତ ଖବର

ତଳିଆ ସ୍ଥାନରେ କିମ୍ବା ଜଳବନ୍ଦୀ ଅବସ୍ଥାରେ ଥିବା ଲୋକଙ୍କୁ ଉଦ୍ଧାର କରି ସୁରକ୍ଷିତ ବନ୍ୟା ଆଶ୍ରୟ ସ୍ଥଳରେ ରଖାଯାଇଛି । ସୁଲୁର ଏୟାରବେସରୁ ୨ ଟନ୍ ରିଲିଫ ସାମଗ୍ରୀ ନେଇ ବନ୍ୟାଞ୍ଚଳରେ ହାଲିକପ୍ଟର ସାହାଯ୍ୟରେ ରିଲିଫ ବଣ୍ଟାଯାଉଛି । ସେପଟେ ଏପର୍ଯ୍ୟନ୍ତ ବିପଦ ଟଳିନି କାରଣ ତାମିଲନାଡୁର ୭ ଜିଲ୍ଲାକୁ ଅରେଞ୍ଜ ଆଲର୍ଟ ଜାରି କରାଯାଇଥିବା ବେଳେ ୬ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି ।

Argus News | argus news | -Argusnews Home: Odisha Latest News, Breaking News, Trending News, Live TV and more