ଅର୍ଗସ ବ୍ୟୁରୋ : ଜାମ୍ମୁ ଓ କାଶ୍ମୀରର ଡୋଡା ଜିଲ୍ଲାରେ ଗୁଳି ବିନିମୟରେ ୪ଜଣ ଯବାନ ସହିଦ ହୋଇଛନ୍ତି । ସ୍ଥଳ ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ବିବେଦୀ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ସହ ଆଲୋଚନା କରିଘଟଣା ସମ୍ପର୍କରେ ଅବଗତ କରାାଇଛନ୍ତି । ଆତଙ୍କବାଦୀମାନେ ଲୁଚିଥିବା ଖବର ପାଇଁ ସ୍ବତନ୍ତ୍ର ସର୍ଚ୍ଚ ଅପରେସନ ଆରମ୍ଭ ହୋଇଥିଲା । ଏଥିରେ ଜମ୍ମୁ କାଶ୍ମୀର ପୋଲିସ ଓ ସେନାର ରାଷ୍ଟ୍ରୀୟ ରାଇଫଲସ୍ ଯବାନମାନେ ସାମିଲ ହୋଇଥିଲେ। ପୁରା ଏରିଆକୁ କର୍ଡନ କରି ସର୍ଚ୍ଚ ଅପରେସନ ଚାଲିଥିବା ବେଳେ ଆତଙ୍କବାଦୀମାନେ ଗୁଳିମାଡ କରିଥିଲେ । ସେନା ପକ୍ଷରୁ ଏହାର କଡା ଜବାବ ଦିଆଯାଇଥିଲା ।  ପ୍ରାୟ ୯୦ ମିନିଟ ଧରି ଚାଲିଥିଲା ଗୁଳିବିନିମୟ।

ଅଧିକ ପଢନ୍ତୁ : ଜମ୍ମୁ-କଶ୍ମୀରର କଠୁଆରେ ଆତଙ୍କବାଦୀ ହମଲା, ୫ ଯବାନ ସହିଦ

ଏଥିରେ ଜଣେ ସେନା ଅଧିକାରୀ ଓ  ତିନିଜଣ ଯବାନ ଆହତ ହୋଇଥିଲେ । ସେମାନଙ୍କୁ ଗୁରୁତର ଅବସ୍ଥାର ଚିକିତ୍ସା ପାଇଁ ମେଡିକାଲରେ ଭର୍ତ୍ତିକରାଯାଇଥିଲା । ଆଜି ଚାରି ଯବାନଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ଗତ କିଛି ଦିନ ଧରି ଜମ୍ମୁ ଓ କାଶ୍ମୀରରେ ବାରମ୍ବାର ଆତଙ୍କବାଦୀ ଆକ୍ରମଣ ହେଉଛି । ସେନା ଶିବିର ସହ ସାଧାରଣ ଲୋକଙ୍କୁ ଟାର୍ଗେଟ୍ କରୁଛନ୍ତି ଆତଙ୍କବାଦୀ । ଗତ ସପ୍ତାହରେ କଠୁଆ ଜିଲ୍ଲାରେ ଆତ୍ଙ୍କବାଦୀ ଆକ୍ରମଣରେ ୫ଜଣ ଯବାନ ସହିଦ ହୋଇଥିବା ବେଳେ ୫ଜଣ ଆହତ ହୋଇଥିଲେ । କେବଳ ଜମ୍ମୁ ଅଂଚଳରେ ୩୨ ମାସ ମଧ୍ୟରେ ୪୦ ଜଣ ଯବାନ ସହିଦ ହୋଇଥିବା ସୂଚନା ମିଳିଛି ।