ଅର୍ଗସ ବ୍ୟୁରୋ : ୪ର୍ଥ ଟି-୨୦ରେ ଅଷ୍ଟ୍ରେଲିଆକୁ ୨୦ ରନରେ ହରାଇଛି ଭାରତ । ଭାରତ ପକ୍ଷରୁ ରଖାଯାଇଥିବା ୧୭୫ ରନ ଲକ୍ଷ୍ୟର ଜବାବରେ ଅଷ୍ଟ୍ରେଲିଆ ୨୦ ଓଭରରେ ୧୫୪ ରନ କରିପାରିଥିଲା । ଏହି ବିଜୟ ସହ ୫ଟିକିଆ ଟି-୨୦ ସିରିଜକୁ ୩-୧ରେ ଆଗୁଆ କବଜା ମଧ୍ୟ କରିଛି ଭାରତ । ଏବେ ୩ ତାରିଖରେ ଶେଷ ଟି-୨୦ ମ୍ୟାଚ୍‌ ଖେଳାଯିବ।

ଟସ୍‌ ହାରି ପ୍ରଥମେ ବ୍ୟାଟିଂ କରୁଥିବା ଭାରତ ରିଙ୍କୁ ସିଂହଙ୍କ ୨୮ ବଲରେ ୪୬ ଓ ଜିତେଶ ଶର୍ମାଙ୍କ ୧୯ ବଲରେ ୩୫ ରନ ବଳରେ ୯ ୱିକେଟ ହରାଇ ୧୭୪ ରନ କରିଥିଲା। ୧୭୫ ରନର ଟାର୍ଗେଟ ପାଇଥିବା ଅଷ୍ଟ୍ରେଲିଆ ପାଇଁ ଟ୍ରାଭିସ ହେଡ ବିସ୍ଫୋରକ ଆରମ୍ଭ କରିଥିଲେ । କିନ୍ତୁ ଦଳୀୟ ସ୍କୋର ୪୦ ଥିବା ବେଳେ ରବି ବିଷ୍ଣୋଇ ୮ ରନ କରିଥିବା ଫିଲ୍ଲିପେଙ୍କୁ ଆଉଟ କରି ଭାରତକୁ ପ୍ରଥମ ସଫଳତା ଦେଇଥିଲେ ।

ଅଧିକ ପଢନ୍ତୁ ଖେଳ ଖବର

ଦଳୀୟ ସ୍କୋର ୪୪ ଥିବା ବେଳେ ହେଡ ୧୬ ବଲରେ ୩୧ ରନ କରି ଅକ୍ଷର ପଟେଲଙ୍କ ବଲରେ ଆଉଟ ହୋଇଥିଲେ । ଆରୋନ ହାର୍ଡି(୮) ଅକ୍ଷରଙ୍କ ଦ୍ୱିତୀୟ ଶିକାର ବନିଥିଲେ । ବେନ ମ୍ୟାକଡେରମୋଟ ଓ ଟିମ ଡାଭିଡ କିଛି ସମୟ ଲଢ଼େଇ କରିଥିଲେ । କିନ୍ତୁ ଏହି ଯୋଡ଼ିକୁ ଅକ୍ଷର ଭାଙ୍ଗିଥିଲେ । ଶେଷ ବଲରେ ସେ ୧ ରନ ନେବାରୁ ଅଷ୍ଟ୍ରେଲିଆ ୭ ୱିକେଟ ହରାଇ କେବଳ ୧୫୪ ରନ କରିଥିଲା । ଭାରତ ପକ୍ଷରୁ ଅକ୍ଷର ପଟେଲ ୩ ଓ୍ବିକେଟ ନେଇଥିବାବେଳେ ଦୀପକ ଚହର ୨ଟି ଓ୍ବିକେଟ୍ ନେଇଥିଲେ ।

Argus News | argus news | Odisha Latest News, Breaking News, Trending News, Live TV