ଚଳନ୍ତା ବସ୍ରେ ଲାଗିଲା ନିଆଁ, ଦେଖୁ ଦେଖୁ ଜଳିଗଲା ୫ ଜୀବନ
ଅର୍ଗସ ବ୍ୟୁରୋ : ଉତ୍ତରପ୍ରଦେଶରେ ଘଟିଲା ବଡ଼ ଦୁର୍ଘଟଣା । ଦେଖୁ ଦେଖୁ ନିଆଁରେ ଜଳିଗଲା ୫ ଜୀବନ । ୧୧ ହଜାର କେଭି ବିଦ୍ୟୁତ୍ ସଂସ୍ପର୍ଶରେ ଆସି ଚଳନ୍ତା ବସ୍ରେ ଲାଗିଲା ନିଆଁ । ବସ୍ରେ ୩୦ରୁ ଅଧିକ ଯାତ୍ରୀ ଥିଲେ । ୫ ଜଣ ଜୀବନ୍ତ ଦଗ୍ଧ ହୋଇ ଥିବା ବେଳେ ଅନେକ ଯାତ୍ରୀ ଗୁରୁତର ହୋଇଛନ୍ତି । ମୃତ୍ୟୁ ସଂଖ୍ୟା ଆହୁରି ବଢ଼ିବା ନେଇ ଆଶଙ୍କା କରାଯାଉଛି । ଏଭଳି ଅଘଟଣ ଦେଖିବାକୁ ମିଳିଛି ଉତ୍ତରପ୍ରଦେଶର ଗାଜିପୁରରେ।
ସୂଚନା ଅନୁସାରେ, ଏହି ବସ ବରଯାତ୍ରୀ ନେଇ ଯାଉଥିଲା । ମଉର କୋପାରୁ ବରଯାତ୍ରୀ ନେଇ ବସ୍ଟି ମରଦହର ମହାହର ଧାମ ଯାଉଥିଲା । ଏହି ସମୟରେ ୧୧ ହଜାର କେଭି ବିଦ୍ୟୁତ୍ ତାର ସଂସ୍ପର୍ଶରେ ଆସି ରାସ୍ତା ମଝିରେ ଜଳି ଯାଇଥିଲା । ଫଳରେ ଘଟଣାସ୍ଥଳରେ ୫ ଜଣ ଯାତ୍ରୀ ଜୀବନ୍ତ ଜଳି ଯାଇଛନ୍ତି ।
ଅଧିଖ ପଢନ୍ତୁ ଭାରତ ଖବର
📱 Get Argus News App
✨ଏହି ଘଟଣାକୁ ନେଇ ମନ୍ତ୍ରୀ ଅନୀଲ ରାଜଭର କହିଛନ୍ତି ଯେ, ଏହି ଘଟଣା ଉପରେ ପ୍ରଶାସନ ନଜର ରଖିଛି । ଅନେକ ଯାତ୍ରୀ ଆହତ ହେଇଥିବା ନେଇ ସୂଚନା ରହିଛି । ସ୍ଥାନୀୟ ଲୋକମାନେ ଆହତ ଯାତ୍ରୀମାନଙ୍କୁ ପାଖ ହସ୍ପିଟାଲରେ ପହଞ୍ଚାଇଥିଲେ ବୋଲି ମନ୍ତ୍ରୀ ସୂଚନା ଦେଇଛନ୍ତି । ତେବେ ବସରେ ଇଲେକ୍ଟ୍ରି ତାର ଲାଗିଯିବାରୁ ବସରେ ନିଆଁ ଲାଗିଥିବା କୁହାଯାଇଛି ।
