Himachal Pradesh Trekkers Missing / ୫ ଟ୍ରେକର୍ସ ନିଖୋଜ; ୧୨ ଘଣ୍ଟା ଧରି ଯୋଗାଯୋଗ ବିଛିନ୍ନ; ଖୋଜାଖୋଜି କରିବାରେ ଲାଗିଛି ପ୍ରଶାସନ

ହିମାଚଳ ପ୍ରଦେଶର କାଙ୍ଗଡ଼ା ଜିଲ୍ଲାର ଦୂରବର୍ତ୍ତୀ ବଡ଼ ଭଙ୍ଗାଲ ଉପତ୍ୟକାରେ ଟ୍ରେକିଂ କରୁଥିବା ସମୟରେ ୫ ଜଣ ପର୍ଯ୍ୟଟକ ନିଖୋଜ ହୋଇଯାଇଛନ୍ତି। ଗତ ସୋମବାର (ଅକ୍ଟୋବର ୫) ପ୍ରାୟ ୫ ଜଣ ଟ୍ରେକର୍ସ ବୀଡ଼ ରାଜଗୁନ୍ଧା ଦେଇ ବଡ଼ ଭଙ୍ଗାଲ ଯିବାକୁ ଯୋଜନା କରିଥିଲେ। ଏହି ସମୟରେ ସ୍ଥାନୀୟ ଅଞ୍ଚଳର ପାଗ ଖରାପ ହୋଇଥିଲା। ଗତ ମଙ୍ଗଳବାର-ବୁଧବାର (ଅକ୍ଟୋବର ୬-୭) ଏଠାକାର ଉଚ୍ଚ ପାହାଡ଼ିଆ ଅଞ୍ଚଳରେ ପ୍ରବଳ ତୁଷାରପାତ ହୋଇଥିଲା।

୧୨ ଘଣ୍ଟା ଧରି ଯୋଗାଯୋଗ ବିଛିନ୍ନ
ନିଖୋଜ ଟ୍ରେକର୍ସ (Mountain Trekkers) ଙ୍କ ମଧ୍ୟରେ ଅଙ୍କୁର ମାଲାନି, ସତ୍ୟମ ସାବୁ, ପବନ, ଶ୍ୟାମ ଆର ଏବଂ ତରୁଣ ରାଠି ସାମିଲ ଅଛନ୍ତି। ସେମାନଙ୍କ ବୟସ ୨୮ ବର୍ଷରୁ ୩୫ ବର୍ଷ ମଧ୍ୟରେ ହେବ ବୋଲି ଅନୁମାନ କରାଯାଉଛି। ପ୍ରଶାସନ ବର୍ତ୍ତମାନ ସେମାନଙ୍କ ସ୍ଥାନ ବିଷୟରେ ଅନିଶ୍ଚିତ। ବିଗତ ୧୨ ଘଣ୍ଟା ଧରି ସେମାନଙ୍କ ସହ କୌଣସି ଯୋଗାଯୋଗ ହୋଇ ପାରନାହିଁ। ଜିଲ୍ଲା ବିପର୍ଯ୍ୟୟ ପ୍ରକୋଷ୍ଠ ବିଳମ୍ବିତ ରାତିରେ ଏହି ଘଟଣା ସମ୍ପର୍କରେ ଖବର ପାଇଥିଲା। ବିଡ୍-ବିଲିଂ ଅଞ୍ଚଳରେ ଉଦ୍ଧାରକାରୀ ଦଳକୁ ନିଖୋଜ ଘଟଣା ସମ୍ପର୍କରେ ଅବଗତ କରାଯାଇଥିଲା। ସମ୍ଭାବ୍ୟ ସ୍ଥାନରେ ଖୋଜାଖୋଜି ଆରମ୍ଭ କରାଯାଇଛି।

ଆଶଙ୍କା କରାଯାଉଛି ଯେ ୫ ଜଣ ଟ୍ରେକର୍ସ ରାଜଗୁନ୍ଧା, ଥମସର ପାସ୍ କିମ୍ବା ଥମସର ଗ୍ଲେସିୟର ନିକଟରେ କୌଣସି ସ୍ଥାନରେ ଫସି ରହିପାରନ୍ତି। ରିପୋର୍ଟ ଅନୁଯାୟୀ ସେମାନଙ୍କୁ ଗତ ମଙ୍ଗଳବାର (ଅକ୍ଟୋବର ୬) ଥମସର ପାସ୍ ପାର ହେବାର ଥିଲା। ହେଲେ ସେଠାକାର ଖରାପ ପାଗ ଏବଂ ପ୍ରବଳ ତୁଷାରପାତ ସେମାନଙ୍କ ଯାତ୍ରାରେ ବାଧା ସୃଷ୍ଟି କରିଥାଇପାରେ।

ଏହା ସହ ପଢନ୍ତୁ: ସେପ୍ଟେମ୍ବରରେ ହୋଇଗଲା ଦ୍ୱିତୀୟ ଥର ପାଇଁ ତୁଷାରପାତ; ବରଫ ଚାଦରରେ ଘୋଡ଼େଇ ହୋଇଗଲା ଧୌଲାଧାର ଶିଖର

ଟ୍ରେକିଂ ଏବଂ ଉଦ୍ଧାରକାରୀ ବିଶେଷଜ୍ଞଙ୍କ କହିବା ଅନୁଯାୟୀ ଏଭଳି ପରିସ୍ଥିତିରେ ଟ୍ରେକର୍ସ ତୁଷାରପାତ ମଧ୍ୟରେ କୌଣସି ଏକ ସୁରକ୍ଷିତ ସ୍ଥାନରେ ଅଟକି ରହିଥାଇ ପାରନ୍ତି। ପ୍ରବଳ ତୁଷାରପାତ ଯୋଗୁଁ ସେମାନେ ଆଗକୁ କିମ୍ବା ପଛକୁ ଯାଇପାରୁ ନାହାଁନ୍ତି। ହେଲେ ତଥାପି ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିବା ପରେ ଯାଇ ସେମାନଙ୍କର ସଠିକ୍ ଅବସ୍ଥିତି ସମ୍ପର୍କରେ ଜଣାପଡ଼ିବ। ପ୍ରଶାସନ ବୀଡ, ରାଜଗୁନ୍ଧା ଏବଂ ବଡ଼ ଭଙ୍ଗାଲ ସ୍ଥିତ ବିଭିନ୍ନ ସମ୍ଭାବ୍ୟ ସ୍ଥାନରେ ସେମାନଙ୍କୁ ଖୋଜୁଛି। ସ୍ଥାନୀୟ ଅଞ୍ଚଳରେ ଲଗାତାର ଖରାପ ପାଗ ଏବଂ ତୁଷାରପାତ ଉଦ୍ଧାରକାରୀ ଦଳ ପାଇଁ ଚ୍ୟାଲେଞ୍ଜ ସୃଷ୍ଟି କରିବ। ବର୍ତ୍ତମାନ ପ୍ରଶାସନର ପ୍ରାଥମିକତା ହେଉଛି ସେହି ୫ ଜଣ ଟ୍ରେକର୍ସ ଙ୍କୁ ସୁରକ୍ଷିତ ଭାବରେ ଖୋଜି ବାହାର କରିବା ଏବଂ ଉଦ୍ଧାର କରିବା।

୩ ଦିନର କଷ୍ଟକର ଟ୍ରେକିଂ ପରେ ଆସିଥାଏ ବଡ଼ ଭଙ୍ଗାଲ
ବଡ଼ ଭଙ୍ଗାଲ ଉପତ୍ୟକା ହେଉଛି କାଙ୍ଗରା ଜିଲ୍ଲାର ବୈଜନାଥ ଅଞ୍ଚଳର ଉଚ୍ଚ ଧୌଲାଧର ପର୍ବତମାଳା ମଧ୍ୟରେ ଅବସ୍ଥିତ ଏକ ଅତ୍ୟନ୍ତ ଦୁର୍ଗମ ଅଞ୍ଚଳ। ଏଠାରେ ପହଞ୍ଚିବା ପାଇଁ ୩ ଦିନର କଷ୍ଟକର ପଦଯାତ୍ରା କରିବାକୁ ପଡ଼ିଥାଏ। ରାଜଗୁନ୍ଧା ପର ରାସ୍ତା ଉଚ୍ଚ ପର୍ବତମାଳା ଏବଂ ଏକ କଷ୍ଟକର ପଦଯାତ୍ରା ଦେଇ ଯାଇଥାଏ। ଏହି ରାସ୍ତାରେ ଥମସର ପାସ୍ ଭଳି ଉଚ୍ଚ ଏବଂ ବରଫାବୃତ ଅଞ୍ଚ ରହିଛି। ଯେଉଁଠାରେ ପାଗ ପରିବର୍ତ୍ତନ ହେବା ସହିତ ପରିସ୍ଥିତି ଅତ୍ୟନ୍ତ ଚ୍ୟାଲେଞ୍ଜିଂ ହୋଇଯାଏ।

ବଡ଼ ଭଙ୍ଗାଲ ଉପତ୍ୟକା ହେଉଛି କାଙ୍ଗରା ଜିଲ୍ଲାର ବୈଜନାଥ ଅଞ୍ଚଳର ଉଚ୍ଚ ଧୌଳାଧର ପର୍ବତମାଳା ମଧ୍ୟରେ ଅବସ୍ଥିତ ଏକ ଅତ୍ୟନ୍ତ ଦୁର୍ଗମ ଅଞ୍ଚଳ। ଏଠାରେ ପହଞ୍ଚିବା ପାଇଁ ୩ ଦିନର କଷ୍ଟକର ପଦଯାତ୍ରା ଆବଶ୍ୟକ। ରାଜଗୁନ୍ଧା ପର ରାସ୍ତା ଉଚ୍ଚ ପର୍ବତମାଳା ଏବଂ ଏକ କଷ୍ଟକର ପଦଯାତ୍ରା ଦେଇ ଯାଇଥାଏ। ଏହି ରାସ୍ତାରେ ଥମସର ପାସ୍ ଭଳି ଉଚ୍ଚ ଏବଂ ବରଫାବୃତ ଅଞ୍ଚଳ ରହିଛି। ଯେଉଁଠାରେ ପାଗ ପରିବର୍ତ୍ତନ ହେବା ସହିତ ପରିସ୍ଥିତି ଅତ୍ୟନ୍ତ ଚ୍ୟାଲେଞ୍ଜିଂ ହୋଇଯାଏ। ବର୍ତ୍ତମାନ ସମସ୍ତଙ୍କ ନଜର ଉଦ୍ଧାର କାର୍ଯ୍ୟ ଉପରେ କେନ୍ଦ୍ରୀତ ରହିଛି। ୫ ଜଣ ଟ୍ରେକର୍ସ ଙ୍କୁ ସୁରକ୍ଷିତ ପାଇବାର ଆଶାରେ ପ୍ରଶାସନ ଏବଂ ଉଦ୍ଧାରକାରୀ ଦଳ ସେମାନଙ୍କୁ ଖୋଜା ଖୋଜି କରିବାରେ ଲାଗିପଡ଼ିଛି।