ଦିଲ୍ଲୀର ନରେଲା ଅଞ୍ଚଳରେ ଏକ ଭୟଙ୍କର ଘଟଣା ସାମ୍ନାକୁ ଆସିଛି। ବାପାଙ୍କର ଟ୍ରାନ୍ସପୋର୍ଟ ବ୍ୟବସାୟରେ କାମ କରୁଥିବା ଜଣେ ଡ୍ରାଇଭର ପ୍ରତିଶୋଧ ନେବା ଉଦ୍ଦେଶ୍ୟରେ ଜଣେ ୫ ବର୍ଷର ଶିଶୁ ପୁତ୍ରକୁ ଅପହରଣ କରିବା ପରେ ଇଟାରେ ଛେଚି ଓ ଛୁରୀରେ ହତ୍ୟା କରିଛି।

ପୋଲିସ ସୂଚନା ଅନୁଯାୟୀ, ଅଭିଯୁକ୍ତ ଡ୍ରାଇଭରର ନାମ ନୀତୁ। ମଙ୍ଗଳବାର ଶିଶୁଟି ଘର ବାହାରେ ଖେଳୁଥିବା ସମୟରେ ହଠାତ୍ ନିଖୋଜ ହୋଇଯାଇଥିଲା। ପୋଲିସରେ ଖବର ଦେବା ସହ ପରିବାର ସଦସ୍ୟ ଏବଂ ପଡ଼ୋଶୀମାନେ ତାଙ୍କୁ ଖୋଜାଖୋଜି ଆରମ୍ଭ କରିଥିଲେ, ଏବଂ ପରେ ତାଙ୍କ ମୃତଦେହ ନୀତୁଙ୍କ ଭଡା ଘରେ ନିକଟରେ ମିଳିଥିଲା।

ଏଥିସହ ପଢ଼ନ୍ତୁ: ସମ୍ପର୍କରେ ରକ୍ତ ଛିଟା...ବାପା ମାଙ୍କୁ ହାଣିଲା ନୃଶଂସ ପୁଅ

ପୋଲିସର ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ ସୋମବାର ସନ୍ଧ୍ୟାରେ ନୀତୁ ଅନ୍ୟ ଜଣେ ଡ୍ରାଇଭର ୱାସିମ୍ ସହିତ ମଦ୍ୟପାନ କରି ଝଗଡ଼ା କରିଥିଲା ଏବଂ ତାକୁ ମାଡ଼ ମାରିଥିଲା। ଏହି କଥା ଜାଣିବା ପରେ ଶିଶୁଟିର ବାପା (ମାଲିକ) ନୀତୁକୁ ଗାଳିଗୁଲଜ କରିବା ସହ ଚାପୁଡ଼ା ମାରିଥିଲେ। ଏଥିରେ ଅପମାନିତ ହୋଇ ପ୍ରତିଶଧ ପରାୟଣ ହୋଇଥିଲା ।

ନୀତୁ ମଙ୍ଗଳବାର ଦିନ ତାଙ୍କ ଘର ବାହାରେ ଖେଳୁଥିବା ପିଲାଟିକୁ ଅପହରଣ କରିନେଇ ତାଙ୍କ ଭଡା ଘରକୁ ନେଇଯାଇଥିଲେ ଏବଂ ଇଟା ଏବଂ ଛୁରୀରେ ହତ୍ୟା କରିଥିଲେ। ଘଟଣା ପରେ ଡ୍ରାଇଭର ନୀତୁ ଫେରାର ହୋଇଯାଇଛି। ପୋଲିସ ବିଭିନ୍ନ ଟିମ୍ ଗଠନ କରି ଅଭିଯୁକ୍ତକୁ ଖୋଜୁଛି।

ଅହୁରି ପଢ଼ନ୍ତୁ: ୬୧ ବର୍ଷରେ ପାଦ ଥାପିଛନ୍ତି ଇଲେକ୍ସନ୍‌ ଷ୍ଟ୍ରାଟିଜେ ମେକର ଅମିତ ଶାହ

ଘଟଣା ଜଣାପଡ଼ିବା ପରେ, ପୋଲିସ ଘଟଣାସ୍ଥଳରେ ପହଞ୍ଚି ପିଲାଟିକୁ ନିକଟସ୍ଥ ହସ୍ପିଟାଲକୁ ନେଇଯାଇଥିଲା, ଯେଉଁଠାରେ ଡାକ୍ତରମାନେ ତାକୁ ମୃତ ଘୋଷଣା କରିଥିଲେ। ଏକ ଏଫଆଇଆର ରୁଜୁ କରାଯାଇଥିଲା, ଏବଂ ଅଧିକ ତଦନ୍ତ ଆରମ୍ଭ କରାଯାଇଥିଲା।

"ଡ୍ରାଇଭର ନିତୁ ଫେରାର୍ ଅଛି। ତାଙ୍କୁ ଖୋଜିବା ଏବଂ ଗିରଫ କରିବା ପାଇଁ ଏକାଧିକ ଦଳ ଗଠନ କରାଯାଇଛି। ଅଭିଯୁକ୍ତଙ୍କୁ ଖୋଜିବା ପାଇଁ ସ୍ଥାନୀୟ ଗୁପ୍ତଚର ବ୍ୟବହାର କରାଯାଉଛି। ଆମେ ଅଭିଯୁକ୍ତଙ୍କୁ ଖୋଜିବା ପାଇଁ ସିସିଟିଭି ଫୁଟେଜ୍ ମଧ୍ୟ ଯାଞ୍ଚ କରୁଛୁ," ଅଧିକାରୀ କହିଛନ୍ତି।

ଅଧିକ ପଢ଼ନ୍ତୁ ଭାରତ ଖବର...