ନୂଆଦିଲ୍ଲୀରେ ଇଣ୍ଡିଆ ମୋବାଇଲ କଂଗ୍ରେସର ଉଦଘାଟନ କଲେ ପ୍ରଧାନମନ୍ତ୍ରୀ ମୋଦି । କହିଲେ ଟେଲିକମ୍ ସେକ୍ଟର ହେଉଛି ଆତ୍ମନିର୍ଭର ଭାରତର ପ୍ରତିଫଳନ । ଲୋକଙ୍କ ହାତ ପାଆନ୍ତାରେ ଏବେ ଡିଜଟାଲ ସଂଯୋଗ। ଗୋଟିଏ କପ୍ ଚା'ର ମୂଲ୍ୟଠାରୁ ବି ଶସ୍ତାରେ ମିଳୁଛି 1GB ଡାଟା । ଯେଉଁ ଦେଶ ଦିନେ 2G ପାଇଁ ସଂଘର୍ଷ କରୁଥିଲା ଏବେ ସେହି ଦେଶର ସବୁ ଜିଲ୍ଲାରେ 5G ନେଟଓ୍ବର୍କ।

ମୋବାଇଲ ଟେକନୋଲୋଜିରେ ଭାରତର ନୂଆ ମାଇଲଷ୍ଟୋନ୍ । ହାତଗଣତି ଲୋକଙ୍କ ପାଖରେ ନୁହେଁ ହାତ ପାହାନ୍ତାରେ ପହଞ୍ଚିଛି ଡିଜିଟାଲ ସଂଯୋଗ । ଦେଶର ସବୁ ଜିଲ୍ଲାକୁ ସଂଯୋଗ ହୋଇଛି 5G ନେଟଓ୍ବର୍କ । ନୂଆଦିଲ୍ଲୀର ଯଶୋଭୂମିରେ ଇଣ୍ଡିଆ ମୋବାଇଲ କଂଗ୍ରେସକୁ ଉଦଘାଟନ କରି ପ୍ରଧାନମନ୍ତ୍ରୀ କହିଛନ୍ତି, ଭାରତରେ ଏବେ ଚା କପର ମୂଲ୍ୟ ଠାରୁ କମ ଦରରେ ଏକ GB ଡାଟା ମିଳୁଛି । ସାରା ବିଶ୍ବରେ ଭାରତର ଡାଟା ବ୍ୟବହାରକାରୀଙ୍କ ସଂଖ୍ୟା ଦ୍ରୁତ ଗତିରେ ବଢିବାରେ ଲାଗିଛି ।

ପୂର୍ବରୁ ଡିଜିଟାଲ ସଂଯୋଗ ଏକ ବିଳାସପୂର୍ଣ୍ଣ ସାମଗ୍ରୀ ଭାବେ ଗଣାଯାଉଥିବା ବେଳେ ଏବେ ସାଧାରଣ ଲୋକଙ୍କ ଜୀବନ ସହ ଯୋଡି ହୋଇଯାଇଛି । ଭାରତରେ ନିବେଶକାରୀଙ୍କୁ ସୁହାଇଲା ଭଳି ପରିବେଶ ସୃଷ୍ଟି କରାଯାଉଛି । ଏଥିଯୋଗୁଁ ନିବେଶ ପାଇଁ ଏବେ ସର୍ବୋକୃଷ୍ଟ ସମୟ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।

ଏହାସହ ପଢ଼ନ୍ତୁ:- ସତରେ IPS ଅଧିକାରୀଙ୍କ ଉପରେ କ'ଣ ଏତେ ଚାପ ଥାଏ ? ଶେଷରେ ଜୀବନ ହାରିବାକୁ ପଡ଼େ !

ଯେଉଁ ଦେଶ ଦିନେ 2G ପାଇଁ ସଂଘର୍ଷ କରୁଥିଲା, ଏବେ ସେହି ଦେଶର ପ୍ରାୟ ସବୁ ଜିଲ୍ଲାରେ 5G ସେବା ପହଞ୍ଚି ସାରିଛି ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେ ଆହୁରି ବି କହିଛନ୍ତି, ଯେତେବେଳେ ମେକ୍ ଇନ୍ ଇଣ୍ଡିଆର କଥା କୁହାଯାଉଥିଲା ଅନେକ ଲୋକ ଏହାର ମଜ୍ଜା ଉଡ଼ାଉଥିଲେ । ଦେଶରେ ନୂଆ ଟେକ୍ନୋଲୋଜି ଆଣିବାକୁ ସେମାନଙ୍କୁ ଦଶନ୍ଧି ଦଶନ୍ଧି ଲାଗି ଯାଉଥିଲା । କିନ୍ତୁ ଭାରତ ଏବେ ବିଶ୍ବର ଦ୍ବିତୀୟ ବୃହତ୍ ଟେଲିକମ୍ ମାର୍କେଟ୍ ଓ 5G ମାର୍କେଟ୍ । ସବୁ ଜିଲ୍ଲାରେ ପହଞ୍ଚିଛି 5G ନେଟଓ୍ବର୍କ ।

ନୂଆଦିଲ୍ଲୀର ଯଶୋଭୂମିରେ ଆରମ୍ଭ ହୋଇଛି ଏସିଆର ସର୍ବବୃହତ ଟେଲିକମ୍ ଏବଂ ପ୍ରଯୁକ୍ତିବିଦ୍ୟା କାର୍ଯ୍ୟକ୍ରମ। ଓଡିଶାର ୧୦ଟି ଷ୍ଟାର୍ଟଅପ୍ ସହ ଶିକ୍ଷା ଓ ଅନୁସନ୍ଧାନ, ସିଭି ରମଣ ଓ ସମ୍ବଲପୁର ଭିସୁଟ୍ ସାମିଲ ହୋଇଥିଲେ । ସେପଟେ ଇଣ୍ଡିଆ ମୋବାଇଲ କଂଗ୍ରେସର ସାମିଲ ହୋଇଛି ଅଗ୍ରଣୀ ଟେଲିକମ କମ୍ପାନୀ jio । Jio ପକ୍ଷରୁ ଅନେକ ଗୁଡିଏ ନୂତନ ପ୍ରୋଜେକ୍ଟ କୁ ପ୍ରଦର୍ଶିତ କରାଯାଇଛି । ଚାବି ଠୁ ନେଇ ଏସି ପର୍ଯ୍ୟନ୍ତ ସବୁକିଛି କିପରି ମୋବାଇଲ ମାମଧ୍ୟରେ କଣ୍ଟ୍ରୋଲ କରି ପାରିବେ ସେ ନେଇ ଅନେକ ପ୍ରଡକ୍ଟ ରହିଛି । ଏଆଇ, ସ୍ୱାସ୍ଥ୍ୟ, କୃଷି ଠୁ ନେଇ ଅନେକ ଟେକନୋଲୋଜି ପ୍ରଦର୍ଶିତ ହୋଇଛି।

ଏହାସହ ପଢ଼ନ୍ତୁ:- ରାଗିନୀ ଦାଶଙ୍କୁ ନେଇ ଏବେ ସବୁଠି ଚର୍ଚ୍ଚା, ହେଲେ କାହିଁକି ? କ'ଣ କରିଛନ୍ତି ସେ...

ଚଳିତ ବର୍ଷ ୧୫୦ଟି ଦେଶର ଦେଢ ଲକ୍ଷରୁ ଅଧିକ ଦର୍ଶକ, ସାତ ହଜାରରୁ ଅଧିକ ପ୍ରତିନିଧିଙ୍କ ସହ ୪ଶହରୁ ଅଧିକ କମ୍ପାନୀ ଇଣ୍ଡିଆ ମୋବାଇଲ କଂଗ୍ରେସରେ ସାମିଲ ହେବେ । ଡିଜିଟାଲ ପରିବର୍ତ୍ତନ ଏବଂ ସାମାଜିକ ପ୍ରଗତି ପାଇଁ ନବସୃଜନକୁ ଉପଯୋଗ କରିବା ଉପରେ ଦିଆଯାଉଛି ଗୁରୁତ୍ବ ।

Argus News | argus news | Odisha Latest News, Breaking News, Trending News, Live TV