Argus News - ୨୬ ଲକ୍ଷରୁ ଅଧିକ ଦୀପରେ ଆଲୋକିତ ହେଲା ରାମନଗରୀ

ଜଳୁଛି ଲକ୍ଷ ଲକ୍ଷ ଦୀପ । ଆଖି ଝଲସିଲା ଭଲି ଲେଜର ସୋ । ପୁଣି ରାମଲୀଳାରେ କଳାକାରଙ୍କ ଚମତ୍କାର ଅଭିନୟ...ଆଯୋଧ୍ୟାରେ ଆଧ୍ୟାତ୍ମିକ ପରିବେଶ... । 

ଦୀପାବଳି ଅବସରରେ ରାମନଗରୀ ଅଯୋଧ୍ୟା ପୁଣି ସୃଷ୍ଟି କରିଛି ଏକ ନୂଆ ରେକର୍ଡ । ଅଯୋଧ୍ୟାକୁ ଏକାସାଙ୍ଗରେ ୨୬ ଲକ୍ଷରୁ ଅଧିକ ଦୀପରେ ଆଲୋକିତ କରାଯାଇଛି। ମୋଟ ୨୬ ଲକ୍ଷ ୧୧ ହଜାର ୧୦୧ ଦୀପ ରାମ କି ପୈଦି' ଏବଂ ୫୬ଟି ଘାଟକୁ ଆଲୋକିତ କରୁଛି। ଏଥିପାଇଁ ରାମଙ୍କ ପୀଠ ଓ ଚୌଧୁରୀ ଚରଣ ସିଂହ ଘାଟ ସମେତ ୫୬ଟି ପ୍ରମୁଖ ଘାଟରେ ହୋଇଛି ଜୋରଦାର ଆୟୋଜନ। ସେପଟେ ଦୀପାବଳି ପାଇଁ ସଜେଇ ହୋଇଛି ସାରା ଅଯୋଧ୍ୟା ସହର। ଏହା ସହ 2100 ପଣ୍ଡିତଙ୍କ ଦ୍ବାରା ହୋଇଥିବା ଆରତିର ଦୃଶ୍ୟ ଅତ୍ୟନ୍ତ ମନ୍ତ୍ରମୁଗ୍ଧକର ଥିଲା। ଏଥିରେ ନିଜେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆରତି କରିଥିଲେ ।

ଦୀପୋତ୍ସବରେ ଲେଜର ସୋ'। ଏଥିର ୟୁପି ସହିତ ଅନେକ ରାଜ୍ୟର ସଂସ୍କୃତିର ଝଲକ ଦେଖିବାକୁ ମିଳିଛି। ଲେଜର ସୋ'ରେ ରାମଙ୍କ ଜୀବନର ଝଲକ ଦେଖିବାକୁ ମିଳିଛି। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନିର୍ଦ୍ଦେଶରେ ଦୀପୋତ୍ସବ ପାଇଁ ସମସ୍ତ ପ୍ରସ୍ତୁତି ହୋଇଛି। । ୨୫ ହଜାରରୁ ଅଧିକ ସ୍ୱେଚ୍ଛାସେବୀ ଦୀପୋତ୍ସବରେ ପୁଣିଥରେ ବିଶ୍ୱ ରେକର୍ଡ କରିଛନ୍ତି। ଗତବର୍ଷ ଦୀପାବଳିରେ 25 ଲକ୍ଷ ଦୀପ ଲଗାଯାଇଥିଲା।

ଏଥରର ଦୀପାବଳି ଅନେକ ଦୃଷ୍ଟିରୁ ଅତ୍ୟନ୍ତ ଖାସ୍ । କେବଳ ବିଶ୍ୱ ରେକର୍ଡ ନୁହେଁ, ଅଧିକରୁ ଅଧିକ ଲୋକଙ୍କୁ ଯୋଡ଼ିବା ପାଇଁ ଯୋଜନା କରାଯାଇଛି। ଏହି ଦୀପୋତ୍ସବରେ ରୁଷିଆ, ଶ୍ରୀଲଙ୍କା, ସିଙ୍ଗାପୁର ଓ ନେପାଳର ବିଦେଶୀ କଳାକାରଙ୍କୁ ନେଇ ରାମଲୀଳା ମଧ୍ୟ ଆୟୋଜିତ ହେଉଛି । ଦେଶର ୨୧ଟି ରାଜ୍ୟର ରାମଲୀଳା ଓ ରାମାୟଣ ପରମ୍ପରା ଉପରେ ଆଧାରିତ ଲୋକନୃତ୍ୟର ଝଲକ ଦେଖିବାକୁ ମିଳିଛି।