Kandla Port Ship Accident / ଗୁଜୁରାଟ ଉପକୂଳରେ ବଡ଼ ଦୁର୍ଘଟଣା; ୨ ଜାହାଜ ମଧ୍ୟରେ ମୁହାଁମୁହିଁ ଧକ୍କା

ଶୁକ୍ରବାର (ସେପ୍ଟମ୍ବର ୧୧) ଗୁଜୁରାଟର କାଣ୍ଡଲା ବନ୍ଦର ନିକଟରେ ଘଟିଯାଇଛି ଏକ ବଡ଼ ଦୁର୍ଘଟଣା। କାଣ୍ଡଲା ବନ୍ଦରର ବାହ୍ୟ ଆଙ୍କରେଜ୍ (Outer Tuna Buoy Anchorage Area) ନିକଟରେ ଦୁଇଟି ବାଣିଜ୍ୟ ଜାହାଜ ମଧ୍ୟରେ ମୁହାମୁହିଁ ଧକ୍କା ହୋଇଛି। ଦୁର୍ଘଟଣା ପରେ, ଭାରତୀୟ ତଟରକ୍ଷୀ ବାହିନୀ (Indian Coast Guard) ପକ୍ଷରୁ ତୁରନ୍ତ ଆରମ୍ଭ ହୋଇଯାଇଥିଲା ଉଦ୍ଧାର କାର୍ଯ୍ୟ। ଖବର ଅନୁଯାୟୀ ତଟରକ୍ଷା ବାହିନୀ ୨୧ ଜଣଙ୍କୁ ସୁରକ୍ଷିତ ଭାବରେ ଉଦ୍ଧାର କରିଛି। ଦୁର୍ଘଟଣାଗ୍ରସ୍ତ ଜାହାଜରେ ୨୪ ଜଣ ଚାଳକ ଦଳ ସଦସ୍ୟ ରହିଥିବାର କୁହାଯାଉଛି।

ଗୁଜୁରାଟର କାଣ୍ଡଲା ବନ୍ଦରର ବାହ୍ୟ ଆଙ୍କରେଜ୍ କ୍ଷେତ୍ର ନିକଟରେ ଦୁଇଟି ବାଣିଜ୍ୟ ଜାହାଜ ପରସ୍ପର ସହ ଧକ୍କା ହୋଇଥିଲେ। ଦୁର୍ଘଟଣା ପରେ, ଭାରତୀୟ ତଟରକ୍ଷୀ ବାହିନୀ ତୁରନ୍ତ ଏକ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା। ମୋଟ ୨୪ ଜଣ ଚାଳକ ଦଳ ସଦସ୍ୟଙ୍କ ମଧ୍ୟରୁ ୨୧ ଜଣଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି। 

Following a collision between merchant vessels MV KMAX EMPEROR and MV TRUE MARINER off outer anchorage OTB Kandla, @IndiaCoastGuard launched a swift rescue operation, leading to safe evacuation of 21 of the 24 crew members aboard MV KMAX EMPEROR. 3 crew members remain onboard to… pic.twitter.com/nJCsfPkBbT

— Indian Coast Guard (@IndiaCoastGuard) September 11, 2026

ଦୁର୍ଘଟଣା ପରେ ତଟରକ୍ଷା ବାହିନୀ ପକ୍ଷରୁ ଆରମ୍ଭ ହୋଇଯାଇଥିଲା ଉଦ୍ଧାର କାର୍ଯ୍ୟ
ଭାରତୀୟ ତଟରକ୍ଷୀ ବାହିନୀ (ICG) ଏକ X ପୋଷ୍ଟ ସେୟାର କରି ଏହି ଘଟଣା ବିଷୟରେ ରିପୋର୍ଟ କରିଛି। ଏନେଇ ICG କହିଛି, "ଦୁଇଟି ମାଲବାହୀ ଜାହାଜ, "MV KMAX EMPEROR" ଏବଂ "MV TRUE MARINER", କାଣ୍ଡଲା ବନ୍ଦରର ବାହ୍ୟ ଆଙ୍କରେଜ୍ (OTB) ନିକଟରେ ପରସ୍ପର ସହ ଧକ୍କା ହୋଇଥିଲେ। ଏହା ପରେ, ତଟରକ୍ଷୀ ବାହିନୀ ତୁରନ୍ତ ଏକ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା।" ତଟରକ୍ଷୀ ବାହିନୀ MV KMAX EMPEROR ଜାହାଜରେ ଥିବା ୨୪ ଜଣ ଚାଳକ ଦଳ ସଦସ୍ୟଙ୍କ ମଧ୍ୟରୁ ୨୧ ଜଣଙ୍କୁ ସୁରକ୍ଷିତ ଭାବରେ ଉଦ୍ଧାର କରିଛି। ହେଲେ ତଥାପି ସେହି ଦୁର୍ଘଟଣାଗ୍ରସ୍ତ ଜାହାଜର ପରିଚାଳନା ଏବଂ ଜରୁରୀ କାର୍ଯ୍ୟ ବଜାୟ ରଖିବା ପାଇଁ ୩ ଜଣ କର୍ମଚାରୀ ସେହି ଜାହାଜରେ ନିୟୋଜିତ ରହିଛନ୍ତି।

ଏହା ସହ ପଢନ୍ତୁ:  ଅନ୍ଧାର ରାତି, ଅଶାନ୍ତ ସମୁଦ୍ର; ବିପଦରେ ୬ ମତ୍ସ୍ୟଜୀବୀଙ୍କ ଜୀବନ, ଦେବଦୂତ ସାଜିଲା ଭାରତୀୟ ତଟରକ୍ଷକ ବଳ

ଏହା ସହିତ, ତଟରକ୍ଷୀ ବାହିନୀ ସମୁଦ୍ରରେ ଯେକୌଣସି ପ୍ରକାରର ପ୍ରଦୂଷଣକୁ ରୋକିବା ପାଇଁ ବ୍ୟାପକ ପଦକ୍ଷେପ ଗ୍ରହଣ କରିଛି। ଏହି କାର୍ଯ୍ୟ ପାଇଁ ଭାରତୀୟ ତଟରକ୍ଷକ ବଳ, ଜାହାଜ ଚଳାଚଳ ନିର୍ଦ୍ଦେଶାଳୟ, ବିଭିନ୍ନ କେନ୍ଦ୍ରୀୟ ଏଜେନ୍ସି ଏବଂ ରାଜ୍ୟ ପ୍ରଶାସନ ସହିତ ମିଳିତ ଭାବରେ କାର୍ଯ୍ୟ କରୁଛି। ତଟରକ୍ଷୀ ବାହିନୀ କହିଛି ଯେ ସେମାନେ ସମ୍ପୂର୍ଣ୍ଣ ସଜାଗ ଅଛନ୍ତି। ସାମୁଦ୍ରିକ ସୁରକ୍ଷା ବଜାୟ ରଖିବା ଏବଂ ଗୁଜରାଟର ଉପକୂଳ ପରିବେଶକୁ ସୁରକ୍ଷା ଦେବା ପାଇଁ ନିରନ୍ତର ନଜର ରଖିଛନ୍ତି।