ଅର୍ଗସ ବ୍ୟୁରୋ : ଆରମ୍ଭ ହୋଇଛି ଅପରେସନ୍ ଭେଡିଆ । ଉତ୍ତରପ୍ରଦେଶର ବହରାଇଚରେ ଗଧିଆ ଆକ୍ରମଣ ବଢ଼ିଥିବାରୁ ମଣିଷଖିଆ ଗଧିଆକୁ ଯେଉଁଠି ଦେଖୁଛ ଗୁଳି କରିବାକୁ ନିର୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଜଙ୍ଗଲ ଅଧିକାରୀମାନେ ଏକ ବଡ଼  ସର୍ଚ୍ଚ ଅପରେସନ୍ ଜାରୀ ରଖିଛନ୍ତି । ପୂର୍ବରୁ ଚାରିଟି ଗଧିଆ ଧରାଯାଇଛି ଏବଂ ବର୍ତ୍ତମାନ ଆଉ ଅନ୍ୟ ମଣିଷଖିଆ ଗଧିଆକୁ ଧରିବା ପାଇଁ ଜୋରଦାର ଅଭିଜାନ ଆରମ୍ଭ ହୋଇଛି ।

ଅଧିକ ପଢନ୍ତୁ : ମା' କୋଳରୁ ୬ ମାସର ଶିଶୁକୁ ଝାମ୍ପିନେଲା ଗଧିଆ

ବନ ବିଭାଗ, ୟୁପି ପୋଲିସ  ଘର ଘର ବୁଲି  ସଚେତନତା ଅଭିଯାନ ଚଳାଇଛନ୍ତି।ବିଶେଷ ଣାବରେ ଜଙ୍ଗଲ ବିଭାଗ ଏହି ମଣିଷ ଙ୍କୁ ଆକ୍ରମଣ କରୁଥିବା ଗଧିଆମାନଙ୍କୁ ଧରିବା ପାଇଁ ସମସ୍ତ ସମ୍ଭାବ୍ୟ ରଣନୀତି ବ୍ୟବହାର କରୁଛି |   କେଜ୍, ଇନଫ୍ରାଡ୍ ଡ୍ରୋନ୍ ଏବଂ ମ୍ୟାପିଂ ଟେକନିକ୍ ବ୍ୟବହାର କରି ଏମାନଙ୍କୁ ଧରିବାକୁ ଚେଷ୍ଟା ଚାଲିଛି |  ବାହରାଇଚରେ ହୋଇଥିବା ଗଧିଆ ଆକ୍ରମଣରେ ମୋଟ ଆହତଙ୍କ ସଂଖ୍ୟା 34 କୁ ବୃଦ୍ଧି ପାଇଛି। ସମସ୍ତେ ଏବେ ଚିକିତ୍ସାଧୀନ ଅଛନ୍ତି। ତେବେ ମାର୍ଚ୍ଚ ୧୮ ତାରିଖ ଠାରୁ  ଏପର୍ଯ୍ୟନ୍ତ   ୧୦ ଜଣ ଲୋକଙ୍କର ଗଧିଆ ଆକ୍ରମଣରେ ମୃତ୍ୟୁ ହୋଇଛି।