ଅର୍ଗସ ବ୍ୟୁରୋ : ସବୁ ସଫଳ ବ୍ୟକ୍ତିତ୍ବଙ୍କ ଜୀବନ ପଛରେ ରହିଥାଏ ଅନେକ ସଂଘର୍ଷମୟ କାହାଣୀ ଥାଏ । ହେଲେ ଆମେ କେବଳ ତାଙ୍କ ସଫଳତାକୁ ଦେଖିଥାନ୍ତି, ପରଦା ପଛର କାହାଣୀ ଜାଣିନଥାନ୍ତି । କିନ୍ତୁ ସେମାନଙ୍କ ଜୀବନରେ ବି ରହିଛି ଅନେକ ଅକୁହା କଥା , ଅନେକ ଲୋମଟାଙ୍କୁରା ଘଟଣା  । ଗୌତମ ଆଦାନୀ । ଆଦାନୀ ଗ୍ରୁପର ଚେୟାରମ୍ୟାନ । ଏସିଆର ଦ୍ବିତୀୟ ଧନୀବ୍ୟକ୍ତି । ନିଜର ଅଦମ୍ୟ ପରିଶ୍ରମ ବଳରେ ଏକ ବିଶାଳ ସାମ୍ରାଜ୍ୟର ଅଧିକାରୀ ହୋଇପାରିଛନ୍ତି । କିନ୍ତୁ ଆପଣ ଜାଣିଛନ୍ତି କି ଆଦାନୀଙ୍କୁ ଦିନେ ଅପହରଣ କରାଯାଇଥିଲା । ସେ ନିଜେ ମୃତ୍ୟୁର ସାମ୍ନା କରିଥିବା କଥା ମଧ୍ୟ କହିଛନ୍ତି । ଅନେକ ଲୋକ ତାଙ୍କ ବିଜନେସ ସଫଳ କାହାଣୀ ଶୁଣିଛନ୍ତି, ହେଲେ ତାଙ୍କ ଅପହରଣ କାହାଣୀ ଅନେକ ଜଣଙ୍କୁ ଜଣା ନଥିବା ସେ କହିଛନ୍ତି । 

ଅଧିକ ପଢନ୍ତୁ : ICICI ବ୍ୟାଙ୍କ ସହ ମିଶି କ୍ରେଡିଟ୍ କାର୍ଡ ଲଞ୍ଚ କଲା ଆଦାନୀ ଗ୍ରୁପ

କଲେଜର ପାଠପଢା ଅଧାରୁ ଛାଡିଥିବା ଆଦାନୀ ହୀରା ବ୍ୟବସାୟରୁ ନିଜର କ୍ୟାରିୟର ଆରମ୍ଭ କରିଥିଲେ । ଏହାପରେ ତାଙ୍କ ଜୀବନରେ ଅନେକ ଉତଥାନ ସହ ପତନ ଆସିଥିଲା ଏବଂ ଅନେକ ବ୍ୟବସାୟରେ ମଧ୍ୟ ସେ ହାତ ଦେଇଥିଲେ । ସେଦିନ ଥିଲା ୧୯୯୭ ମସିହା । ସେତେବେଳେ ସେ ସଫଳତାର ପ୍ରଥମ ସିଡି ଚଢୁଥିଲେ । ଦିନେ ରାତିରେ ସେ ନିଜର ଘନିଷ୍ଠ ଶାନ୍ତିଲାଲ ପଟେଲଙ୍କ ସହ ଅହମ୍ମଦାବାଦର କଳାବତୀ କ୍ଲବରୁ ବାହାରୁଥିଲେ । ହଠାତ ସେହି ସମୟରେ ଏକ ସ୍କୁଟର ତାଙ୍କ ଗାଡି ଆଗକୁ ଆସିଥିଲା ଏବଂ ପରେ ପରେ ଏକ ଭ୍ୟାନ ଆସି ତାଙ୍କ ଗାଡି ଆଗରେ ଅଟକିଥିଲା । ଏଥିରୁ କିଛିଲୋକ ବାହାରି ତାଙ୍କୁ ବନ୍ଧୁକ ଦେଖାଇ ଅପହରଣ କରି ନେଇଥିଲେ । ୬ କୋଟି ପାଇବା ପାଇଁ ଆଦାନୀଙ୍କୁ ଅପହରଣ କରିଥିଲେ । କିନ୍ତୁ ପରେ ସେ ତାଙ୍କୁ ଛାଡି ଦେଇଥିଲେ । 
 ଏ ଘଟଣା ପରେ ଆଉ ଏକ ଘଟଣା ମଧ୍ୟ ତାଙ୍କ ସହ ଘଟିଥିଲା । ୨୬ ନଭେମ୍ବର ୨୦୦୮ରେ ମୁମ୍ବାଇରେ ହୋଇଥିବା ଆତଙ୍କୀ ଆକ୍ରମଣ ସମୟରେ ତାଜ ହୋଟେଲରେ ଜଣେ ସାଥୀଙ୍କ ସହ ଡିନର ପାଇଁ ଆସିଥିଲେ । ସେ ବାହାରକୁ ବାହାରିବା ସମୟରେ ପ୍ରବଳ ଜୋରରେ ବାହାରେ ଗୁଳିଚାଳନା ଚାଲିଥଇଲା । ସେଥିପାଇଁ ସେ ସୁରକ୍ଷାକର୍ମୀଙ୍କ ସହ ସେ ପୁରା ରାତି ତାଜ ହୋଟଲରେ ଅଟକି ଥିଲେ । ପରଦିନ ବାହାରକୁ ବାହାରିଥିଲେ । ମୃତ୍ୟୁକୁ ମାତ୍ର ୧୫ ଫୁଟ ଦୂରରୁ ଦେଖିଥିବା କୁହନ୍ତି ଆଦାନୀ ।ଆଦାନୀଙ୍କ ମତରେ ଯାହା ଯେତେବେଳେ ହବାରେ ଥିବେ ନିଶ୍ଚିତ ହେବ । ତେଣୁ ତାକୁ ନଭାବି ଭୁଲିଯିବା ଦରକାର । ଜୀବନରେ ଅନେକ ସଂଘର୍ଷ ନିଜର ଅଦମ୍ୟ ପରିଶ୍ରମ ଏବଂ ଏକାଗ୍ରତା ଯୋଗୁଁ ସେ ଏପରି ଏକ ନିଜର ବିଶାଳ ସାମ୍ରାଜ୍ୟ ବନାଇ  ପାରିଛନ୍ତି ।