ସ୍ୱାମୀ କିମ୍ବା ସ୍ତ୍ରୀ ନିଜ ସାଥୀର ପ୍ରେମୀଙ୍କ ବିରୋଧରେ କରିପାରିବେ ଅଭିଯୋଗ
ବିବାହ ଭାଙ୍ଗିବା ନେଇ ସେମାନଙ୍କୁ କରିପାରିବେ ଦାୟୀ
ପ୍ରେମିକା ବା ପ୍ରେମିକ ଠାରୁ ଆର୍ଥିକ କ୍ଷତିପୂରଣ ବି ଦାବି କରିପାରିବେ

ଆଜିକାଲି ଏକ୍ସଟ୍ରା ମାରିଟାଲ୍ ଏଫୟାର ବହୁତ । ସ୍ୱାମୀ ସ୍ତ୍ରୀ ଭଳି ପବିତ୍ର ସମ୍ପର୍କରେ ଫାଟ ସୃଷ୍ଟି କରୁଛି ପରକୀୟାପ୍ରୀତି । କଥା କଥା କେ ସ୍ୱାମୀ, ସ୍ତ୍ରୀ କୁ କିମ୍ବା ସ୍ତ୍ରୀ ସ୍ୱାମୀକୁ ଦେଉଛି ଛାଡପତ୍ର ଧମକ । କ୍ଷଣିକେ ଭାଙ୍ଗି ଯାଉଛି ସୁନାର ସଂସାର । ଏହି ପରିପ୍ରେକ୍ଷୀରେ ଦିଲ୍ଲୀ ହାଇକୋର୍ଟ ଏକ ଟିପ୍ପଣୀ ଦେଇଛନ୍ତି । ପରକୀୟା ପ୍ରୀତି ଅପରାଧ ନୁହେଁ । ବରଂ ଯଦି ଆପଣଙ୍କର ବୈବାହିକ ସମ୍ପର୍କରେ ପରକୀୟ ପ୍ରୀତି ଫାଟ ସୃଷ୍ଟି କରୁଛି କିମ୍ବା ସେଥିପାଇଁ ଛାଡପତ୍ର ହେବା ଯାଏ କଥା ଯାଉଛି ତେବେ ଏହାକୁ ଆପଣ ଏକ ଆଧାର ବନେଇ ପାରିବେ ।

ଦିଲ୍ଲୀ ହାଇକୋର୍ଟ ଜଷ୍ଟିସ୍ ପୁରୁଷେନ୍ଦ୍ର କୌରବଙ୍କ କହିବା କଥା ଯେକୌଣସି ସ୍ୱାମୀ କିମ୍ବା ସ୍ତ୍ରୀ ନିଜ ବିବାହ ଭାଙ୍ଗିବା ପାଇଁ ସେମାନଙ୍କୁ ଦାୟୀ କରିପାରିବେ । ସେମାନଙ୍କ ବିରୋଧରେ ମାମଲା ମଧ୍ୟ ରୁଜୁ କରିପାରିବେ । କାରଣ ଏହି ପରକୀୟା ପ୍ରତି ଅତି ଭୟଙ୍କର...ଅନେକ ଘରକୁ ଭାଙ୍ଗି ଦେଉଛି ।

ଆହୁରି ପଢନ୍ତୁକେତେଜଣଙ୍କୁ ବିବାହ କରିପାରିବେ ମୁସଲିମ୍ ପୁରଷ ? ହାଇକୋର୍ଟ ଶୁଣାଇଲେ ବଡ଼ ରାୟ

ଏକ ମାମଲା ଅନୁସାରେ ଜଣେ ମହିଳା 2012 ମସିହାରେ ବିବାହ କରିଥିଲେ । 2018ରେ ତାଙ୍କର ଟ୍ୱିନ୍ସ ହୋଇଥିଲା । 2021 ମସିହାରେ ତାଙ୍କ ସ୍ୱାମୀଙ୍କ ବ୍ୟବସାୟରେ ଜଣେ ମହିଳା ତାଙ୍କ ସଂପର୍କରେ ଆସିଥିଲେ । ଧିରେ ଧିରେ ସେହି ମହିଳାଙ୍କ ସହ ସ୍ୱାମୀଙ୍କ ସଂପର୍କ ବଢୁଥିବା ନେଇ ମହିଳା ଜଣଙ୍କ ଜାଣିପାରିଥିଲେ । ଏ ବିଷୟରେ ପରିବାରକୁ ଜଣାଇଥିଲେ । ପରିବାର ଲୋକଙ୍କ ତାଗିଦ୍ ସତ୍ତ୍ୱେ ବ୍ୟକ୍ତି ଜଣଙ୍କ ପରକୀୟା ପ୍ରୀତିରେ ମାତିଥିଲେ । ଏପରିକି କାହାରିକୁ ଖାତିର୍ ନ କରି ଖୋଲା ଖୋଲି ପ୍ରେମିକା ସହ ବୁଲିଥିଲେ । ଶେଷରେ ତାଙ୍କ ଛାଡପତ୍ର ପାଇଁ ଆବେଦନ କରିଥିଲେ।

ଆହୁରି ପଢନ୍ତୁRelationship: ବିବାହ କରିବାକୁ ଯାଉଛନ୍ତି କି ? ଭାବି ପତ୍ନୀଙ୍କୁ ପଚାରନ୍ତୁ ଏହି ୭ ପ୍ରଶ୍ନ

ଏହାସହ ସ୍ୱାମୀଙ୍କ ପ୍ରେମିକାଙ୍କ ବିରୋଧରେ ମାମଲା କରିଥିଲେ । ମହିଳା ଜଣଙ୍କ ତାଙ୍କୁ ମାନସିକ ସ୍ତରରେ କ୍ଷତି ପହଞ୍ଚାଇବା ସହ ତାଙ୍କ ବାହାଘର ଭାଙ୍ଗିଯିବାର କାରଣ ବୋଲି କହିଥିଲେ । କ୍ଷତିପୂରଣ ମଧ୍ୟ ମାଗିଥିଲେ । ଏହାକୁ ଯଥାର୍ଥ ବୋଲି କହିଛନ୍ତି ଦିଲ୍ଲୀ ହାଇକୋର୍ଟ । ଏହାର ସତ୍ୟା ସତ୍ୟ ଜାଣିବା ପାଇଁ ତାଙ୍କ ସ୍ୱାମୀ ଓ ପ୍ରେମିକାକୁ ନୋଟିସ୍ ଜାରିଛନ୍ତି ।

Argus News | argus news | Odisha Latest News, Breaking News, Trending News, Live TV