ନିର୍ବାଚନ ବିଗୁଲ ପରେ ଖୋଲୁଛି ନେତାଙ୍କ ଟଙ୍କା ପେଡ଼ି
ଅର୍ଗସ ବ୍ୟୁରୋ : ବାଜି ସାରିଛି ୨୦୨୪ ସାଧାରଣ ନିର୍ବାଚନ ବିଗୁଲ । ଅଷ୍ଟାଦଶ ଲୋକସଭା ଲାଗି ପ୍ରାର୍ଥୀ ଚୟନ କାମ ୧୯ ଏପ୍ରିଲରୁ ଜୁନ୍ ମଧ୍ୟରେ କରାଯିବ । ଜୁନ୍ ୪ ତରିଖରେ ହେବ ଭୋଟ ଗଣନା । ନିର୍ବାଚନ ତାରିଖ ଘୋଷଣା ହେବା ପରେ ଦେଶରେ ଆଦର୍ଶ ଆଚରଣ ସଂହିତା ଲାଗୁ ହୋଇସାରିଛି । ଏହା ସହିତ ନିର୍ବାଚନ ଘୋଷଣା ହେବା ପରେ ସମସ୍ତ ରାଜନୈତିକ ଦଳର ପ୍ରସ୍ତୁତି ଜୋରଦାର ହୋଇଯାଏ । ଭୋଟରଙ୍କୁ ଆକୃଷ୍ଟ କରିବା କାମ ଆରମ୍ଭ ହୋଇଯାଏ ।
ହେଲେ ନିର୍ବାଚନ ସମୟରେ ପ୍ରତିଦିନ କୋଟି କୋଟି ଟଙ୍କା ଜବତ କରାଯାଇଥାଏ । ନିର୍ବାଚନ କମିଶନଙ୍କ ନିର୍ଦ୍ଦେଶରେ ନିର୍ବାଚନ ସମୟରେ ଅବୈଧ ଭାବରେ କିମ୍ବା ନିୟମ ବିରୋଧରେ ବ୍ୟବହାର କରାଯାଉଥିବା ନଗଦ ଅର୍ଥ ଓ ମଦ ପୁଳାପୁଳା ମାତ୍ରାରେ ଜବତ କରାଯାଏ । ତେବେ ପ୍ରଶ୍ନ ଉଠୁଛି, ନିର୍ବାଚନ ସମୟରେ ଜବତ କରାଯାଉଥିବା କୋଟି କୋଟି ଟଙ୍କା ଓ ମଦ କ’ଣ ହୋଇଥାଏ ? ତେବେ ଏହି ଟଙ୍କା ସବୁ କେଉଁଠିକୁ ଯାଏ ?
📱 Get Argus News App
✨ନିର୍ବାଚନରେ ଅଧିକାଂଶ କଳାଧନର ଉପଯୋଗ କରାଯାଏ । ନିର୍ବାଚନ ଆୟୋଗ ନିର୍ବାଚନ ଲଢିବା ପାଇଁ ପଇସା ଖର୍ଚ୍ଚ କରିବାର ଯେଉଁ ସୀମା ଧାର୍ଯ୍ୟ କରିଥାନ୍ତି ତାହାଠାରୁ ବହୁଗୁଣ ଅଧିକ ଅର୍ଥ ପ୍ରାର୍ଥୀ ଖର୍ଚ୍ଚ କରିଥାନ୍ତି । ନିର୍ବାଚନରେ କଳାଧନକୁ ସେହି କାମରେ ଉପଯୋଗ କରାଯାଏ ଯାହାର କୌଣସି ହିସାବ ଦିଆଯାଏ ନାହିଁ । ଏହି କାରଣରୁ ଦଳ ଓ ପ୍ରାର୍ଥୀଙ୍କ ପାଖରେ ଅଲଗା ଅଲଗା ସ୍ଥାନରୁ ବହୁମାତ୍ରାରେ ଟଙ୍କା ଆସି ପହଞ୍ଚିଥାଏ । ପୋଲିସ କିନ୍ତୁ ଏଥିପାଇଁ ପ୍ରସ୍ତୁତ ରହିଥାଏ । ପୋଲିସ ସନ୍ଦିଗ୍ଧ ବାହାନ ଓ ଲୋକଙ୍କୁ ଚେକିଂ ଓ ପଚରାଉଚୁରା କରିଥାଏ ।
ଏହା ବ୍ୟତିତ ପୋଲିସକୁ ଏହାର ସୂତ୍ରରୁ ମଧ୍ୟ ଏ ବିଷୟରେ ଜଣାପଡିଯାଏ । ପରେ ପୋଲିସ ଚଢାଉ କରି ଟଙ୍କା ଓ ମଦ ଜବତ କରିଥାଏ । ତେବେ ପୋଲିସ ନିର୍ବାଚନ ସମୟରେ ଯେଉଁ କ୍ୟାସ୍ ଜବତ କରିଥାଏ ତାକୁ ଆୟକର ବିଭାଗକୁ ଦେଇଥାଏ । ପୋଲିସ ଯେଉଁ ବ୍ୟକ୍ତିଙ୍କ ଠାରୁ କ୍ୟାସ୍ ଜବତ କରିଥାଏ ପରବର୍ତ୍ତୀ ସମୟରେ ସେହି ବ୍ୟକ୍ତି ଏହାକୁ ଦାବୀ ବି କରିପାରେ । କିନ୍ତୁ ଏଥିପାଇଁ ତାଙ୍କୁ ସେହି ଅର୍ଥ ତାଙ୍କର ଓ ତାହା ଅବୈଧ ରୂପରେ ରୋଜଗାର କରାଯାଇନାହିଁ ବୋଲି ପ୍ରମାଣ ଦେବାକୁ ପଡିଥାଏ । କିନ୍ତୁ ଜବତ କରାଯାଇଥିବା ପଇସା ଉପରେ ଯଦି କେହି ଦାବୀଦାର ନ ଆସନ୍ତି ତେବେ ତାକୁ ସରକାରଙ୍କ ରାଜସ୍ୱରେ ସାମିଲ କରିଦିଆଯାଏ ।