ଦିନକୁ ଦିନ ଦୃତଗତିରେ ବଢୁଛି AIର କ୍ଷମତା । ମଣିଷଠାରୁ ବିଚକ୍ଷଣ ଭାବେ କାମ କରୁଛି AI । ଆଗାମୀ ଦିନରେ ଏହା ୪୦ ପ୍ରତିଶତ ନିଯୁକ୍ତି ଖାଇଯିବ ବୋଲି ଓପନ ଏଆଇ ସିଇଓ ସାମ୍ ଅଲ୍ଟମ୍ୟାନ ଚେତାବନୀ ଦେଇଛନ୍ତି ।

ଚାଟ ଜିପିଟିର ବ୍ୟବହାର ଦିନକୁ ଦିନ ବଢୁଛି । ଗୋଟେ ବୃହତ ଲେଖାକୁ ଛୋଟ କରି ଲେଖିବା, ସାରାଂଶ ପ୍ରସ୍ତୁତ କରିବା, ଏକ ବୃହତ ପରିମାଣର ଡାଟାକୁ ତର୍ଜମା କରିବା ଆଦିରେ ଏଆଇ ବେଶ ଭଲ ପ୍ରଦର୍ଶନ କରୁଛି । ଯେକୌଣସି ବି କଷ୍ଟସାଧ୍ୟ ବିଷୟକୁ ସହଜରେ ଏଆଇ ଯେକୌଣସି ଭାଷାରେ ବୁଝାଇ ଦେଉଛି ।

ଏଆଇ(AI) ଠାରୁ ଯେତିକି ଆଶା କରାଯାଉଥିଲା , ତା ଠାରୁ ଆହୁରି ଅଧିକ କାମ କରୁଛି ଏଆଇ । ଏତେ ବିଚକ୍ଷଣ ଭାବରେ AIର କ୍ଷମତା ବଢୁଛି , ୨୦୩୦ ସୁଦ୍ଧା ଏହା ମଣିଷଙ୍କ ଚାକିରି ଖାଇଦେବା ଆରମ୍ଭ କରିବ ବୋଲି କହିଛନ୍ତି ଓପନ ଏଆଇ ସିଇଓ ।
ଏଆଇ(AI)ମଣିଷଙ୍କ ଭଳି ନିଷ୍ପତ୍ତି ନେବା ବି ଆରମ୍ଭ କଲାଣି ବୋଲି ସେ କହିଛନ୍ତି । ଏବେ ଏଆଇ ପ୍ରତିଟି ସମସ୍ୟାକୁ ମଣିଷ ଭଳି ସମାଧାନ କରୁଛି । ଯେଉଁ କାରଣରୁ ଅଧିକାଂଶ କମ୍ପାନୀ ଏବେ କର୍ମଚାରୀ ବଦଳରେ ଏଆଇ ବ୍ୟବହାର କରିବାକୁ ବେଶି ପସନ୍ଦ କରୁଛନ୍ତି । ଯେଉଁଥିରେ ସେମାନଙ୍କ ଖର୍ଚ୍ଚ ବି ବଞ୍ଚିଯାଉଛି, ଆଉ ସମସ୍ୟାର ସମାଧାନ ବି ବାହାରି ଯାଉଛି ।

ଅଧିକ ପଢନ୍ତୁ : ଆଉ ହେବନି ବିମାନ ଦୁର୍ଘଟଣା: ବିମାନକୁ ଦୁର୍ଘଟଣାରୁ ବଞ୍ଚାଇବ ଏଆଇ

କଣ୍ଟେଣ୍ଟ ଜେନେରେସନ, ଆଇନଗତ ଡ୍ରାଫ୍ଟିଂ , କୋଡିଂ ସହାୟତା ଭଳି କ୍ଷେତ୍ର ଗୁଡିକରେ ଏଆଇର ବ୍ୟବହାର ବହୁଳଭାବେ ଗ୍ରହଣଯୋଗ୍ୟ ହୋଇଛି । ସାମ୍ ଅଲ୍ଟମ୍ୟାନ କହିଛନ୍ତି, ବର୍ତ୍ତମାନ ସୁଦ୍ଧା ଏଆଇ(AI)ଏଣ୍ଟ୍ରି ସ୍ତରୀୟ ବା ଜୁନିୟର ଲେବଲର ନିଯୁକ୍ତି ଗୁଡିକୁ କ୍ଷତି ପହଞ୍ଚାଇଲାଣି । ଆଗାମୀ ଦିନରେ ଏହା ବେଶି ନିଯୁକ୍ତି ପ୍ରଭାବିତ କରିବାର ଆଶଙ୍କା ରହିଛି।

ଆଗାମୀ ଦଶକରେ ଶେଷ ଭାଗରେ ଏଆଇ ବୈଜ୍ଞାନିକମାନଙ୍କୁ ଆବିଷ୍କାର କରିବା ଆରମ୍ଭ କରିବ । ଆଉ ସେତେବେଳେ ଯଦି ମଣିଷ ପାଖରେ ଏଆଇ ଶିଖିବାର ବା ବ୍ୟବହାର କରିବାର ଜ୍ଞାନକୌଶଳ ନଥାଏ , ତେବେ ମଣିଷ ବହୁତ ପଛରେ ରହିଯିବ ।

ଏପରି ସ୍ଥିତିରେ ମଣିଷକୁ ସମୟ ଉପଯୋଗୀ ହେବାକୁ ଅଲ୍ଟମ୍ୟାନ କହିଛନ୍ତି । ସୃଜନଶୀଳତା ଏବଂ ସାରା ଜୀବନ ଶିଖଇବାର ମନୋବୃତ୍ତି ରହିବା ଆବଶ୍ୟକ । ଆଗାମୀ ବର୍ଷଗୁଡ଼ିକରେ, AI କେବଳ ଶିଳ୍ପ ନୁହେଁ, ବରଂ ଆମର ଜୀବନଯାପନ ଶୈଳୀକୁ ମଧ୍ୟ ଏତ ପୁନଃଆକୃତି ଦେବ । କିନ୍ତୁ ଏଆଇର ମୂଳ ଲକ୍ଷ ହେଉଛି, ପ୍ରଯୁକ୍ତିବିଦ୍ୟାକୁ ସୁରକ୍ଷିତ, ନୈତିକ ଏବଂ ମାନବ-କୈନ୍ଦ୍ରିକ ରଖିବା। ତେବେ ଆଗାମୀ ଏଆଇ ବିଶ୍ଵରେ ନିଜକୁ ପ୍ରସ୍ତୁତ କରିବା ପାଇଁ ଆଗାମୀ ଯୁବପିଢୀକୁ ଆହ୍ଵାନ ଦେଇଛନ୍ତି ଓପନ ଏଆଇ ସିଇଓ ସାମ୍ ଅଲ୍ଟମ୍ୟାନ ଚେତାବନୀ ଦେଇଛନ୍ତି ।