Akanksha Reveals / ଆକାଂକ୍ଷାଙ୍କ ବଡ଼ ଖୁଲାସା, ବିବାହ ଓ ଯୌନତାକୁ ନେଇ କହିଲେ ଏମିତି କଥା

ମୁମ୍ବାଇ,୨୬/୦୮: ନିଜ ବିଷୟରେ ବଡ଼ ଖୁଲାସା କଲେ ଅଭିନେତ୍ରୀ ଆକାଂକ୍ଷା। କହିଲେ ମୁଁ ବାଇସାକ୍ସୁଆଲ। ମୋର ଝିଅମାନଙ୍କ ପ୍ରତି ମଧ୍ୟ ଦୁର୍ବଳତା ରହିଛି। ଟିଭି ରିଆଲିଟି ଶୋ‘ଲକ୍‌ଅପ୍‌ ସିଜିନ୍‌-୨୦୨୬’ରେ ପ୍ରତିଯୋଗୀ ଭାବେ ନଜର ଆସିଥିବା ଟିଭି ଅଭିନେତ୍ରୀ ଆକାଂକ୍ଷା ଚାମୋଲା ନିଜ ଜୀବନକୁ ନେଇ ଏକାଧିକ ବଡ଼ ଖୁଲାସା କରି ଚର୍ଚ୍ଚାକୁ ଆସିଥିଲେ। ଶୋ’ରେ ସେ ନିଜ ବିବାହିତ ଜୀବନ, ଛାଡ଼ପତ୍ର ଏବଂ ଯୌନତା ସମ୍ପର୍କିତ ବ୍ୟକ୍ତିଗତ କଥା ସାର୍ବଜନୀନ କରିଥିଲେ। ତାଙ୍କ ଏହି ଖୁଲାସା ଶୋ’ର ଦର୍ଶକଙ୍କୁ ଚକିତ କରିଥିଲା।

ଆକାଂକ୍ଷା ଶୋ’ରେ କହିଛନ୍ତି ଯେ ତାଙ୍କ ସ୍ୱାମୀ ତଥା ଅଭିନେତା ଗୌରବ ଖାନ୍ନାଙ୍କ ସହ ତାଙ୍କ ସମ୍ପର୍କରେ ମତଭେଦ ରହିଛି। ଏପରିକି ସେ ଛାଡ଼ପତ୍ର ଚାହୁଁଥିବା କଥା ମଧ୍ୟ ପ୍ରକାଶ କରିଥିଲେ। ତେବେ ଏହାଠାରୁ ଅଧିକ ଚର୍ଚ୍ଚା ସୃଷ୍ଟି କରିଥିଲା ତାଙ୍କ ଯୌନତା ସମ୍ପର୍କିତ ଖୁଲାସା।

ସେ ବାଇସେକ୍ସୁଆଲ୍‌

ଏହି ଶୋ’ରେ ଆକାଂକ୍ଷା କହିଥିଲେ ଯେ ସେ ବାଇସେକ୍ସୁଆଲ୍‌ ଏବଂ ତାଙ୍କର ଝିଅମାନଙ୍କ ପ୍ରତି ମଧ୍ୟ ଦୁର୍ବଳତା ରହିଛି। ତାଙ୍କ କହିବା ଅନୁସାରେ, ଗୌରବ ବିବାହ ପୂର୍ବରୁ ହିଁ ଏହି କଥା ବିଷୟରେ ଜାଣିଥିଲେ। ଏହି ବ୍ୟକ୍ତିଗତ ଖୁଲାସା ପରେ ଆକାଂକ୍ଷାଙ୍କୁ ନେଇ ସୋସିଆଲ୍‌ ମିଡିଆ ଓ ମନୋରଞ୍ଜନ ଜଗତରେ ଚର୍ଚ୍ଚା ବଢ଼ିଥିଲା।

ତେବେ ନିକଟରେ IANSକୁ ଦେଇଥିବା ଏକ ସାକ୍ଷାତକାରରେ ଆକାଂକ୍ଷାଙ୍କୁ ପଚରାଯାଇଥିଲା ଯେ ତାଙ୍କ ଯୌନତା ସମ୍ପର୍କରେ ସେ ଶୋ’ରେ କରିଥିବା ଖୁଲାସା ପରେ ତାଙ୍କ ବାପାମାଆ ଓ ଶ୍ୱଶୁରଘର ଲୋକଙ୍କ ପ୍ରତିକ୍ରିୟା କ’ଣ ଥିଲା। ଏହାର ଉତ୍ତରରେ ଅଭିନେତ୍ରୀ ନିଜ ପରିବାର ସହ ତାଙ୍କ ବର୍ତ୍ତମାନର ସମ୍ପର୍କ ବିଷୟରେ ମଧ୍ୟ କହିଥିଲେ।

ପଢନ୍ତୁ ଏହି ଖବର: ଏହି ଅଭିନେତ୍ରୀ ବିକ୍ରି କରୁଥିଲେ ସେକ୍ସ ଟୟ , ବିଦେଶୀଙ୍କ ସହ ଫୋନରେ କରୁଥିଲେ ରୋମାନ୍ସ?

ଶ୍ୱଶୁରଘର ସହ ସମ୍ପର୍କ ନାହିଁ 

ଆକାଂକ୍ଷା କହିଥିଲେ ଯେ ଗୌରବଙ୍କ ବାପାମାଆ ପରସ୍ପର ସହ କଥା ହୁଅନ୍ତି ନାହିଁ। ତେଣୁ ତାଙ୍କ ଖୁଲାସାକୁ ନେଇ ସେମାନେ କ’ଣ ପ୍ରତିକ୍ରିୟା ଦେଇଥିଲେ, ସେ ବିଷୟରେ ସେ ଜାଣିନାହାନ୍ତି। ଅଭିନେତ୍ରୀଙ୍କ କହିବା ଅନୁସାରେ, ଶ୍ୱଶୁରଘର ଲୋକଙ୍କ ସହ ତାଙ୍କର କଥାବାର୍ତ୍ତା ନଥିବାରୁ ସେମାନଙ୍କ ପ୍ରତିକ୍ରିୟା ଜାଣିବା ତାଙ୍କ ପାଇଁ ସମ୍ଭବ ହୋଇନଥିଲା।

ନିଜ ବାପାମାଆଙ୍କ ପ୍ରତିକ୍ରିୟା ସମ୍ପର୍କରେ ଆକାଂକ୍ଷା କହିଥିଲେ ଯେ ଏଭଳି ବ୍ୟକ୍ତିଗତ ବିଷୟରେ ପ୍ରତ୍ୟେକ ପରିବାରର ନିଜସ୍ୱ ବୁଝାମଣା ରହିଥାଏ। ତାଙ୍କ କଥାରୁ ସ୍ପଷ୍ଟ ହୋଇଥିଲା ଯେ ନିଜ ବ୍ୟକ୍ତିଗତ ଜୀବନକୁ ନେଇ ପରିବାର ସହ ହେଉଥିବା ଆଲୋଚନାକୁ ସେ ସାର୍ବଜନୀନ କରିବାକୁ ଚାହୁଁନାହାନ୍ତି।

ଅନ୍ୟପକ୍ଷରେ, ‘ଲକ୍‌ଅପ୍‌’ରେ ଆକାଂକ୍ଷା ମାତ୍ର ଦୁଇଟି ନୁହେଁ, ତାଙ୍କ ଜୀବନର ତୃତୀୟ ଗୁପ୍ତ କଥାକୁ ନେଇ ମଧ୍ୟ ଚର୍ଚ୍ଚା କରିଥିଲେ। ସେହି ରହସ୍ୟ ପ୍ରକାଶ କରିବା ପୂର୍ବରୁ ହିଁ ତାଙ୍କୁ ଶୋ’ରୁ ବାହାରିବାକୁ ପଡ଼ିଥିଲା। ଫଳରେ ତାଙ୍କ ତୃତୀୟ ଗୁପ୍ତ କଥା କ’ଣ ଥିଲା, ତାହା ରହସ୍ୟ ହୋଇ ରହିଗଲା।

ଶୋ’ରେ ଅନ୍ୟ ପ୍ରତିଯୋଗୀମାନଙ୍କ ସହ ଆଲୋଚନା ସମୟରେ ଆକାଂକ୍ଷା କହିଥିଲେ ଯେ ତାଙ୍କ ତୃତୀୟ ଗୁପ୍ତ କଥା ଯଦି ସାମ୍ନାକୁ ଆସେ, ତେବେ ଏହା ତାଙ୍କ ସହ ଗୌରବ ଖାନ୍ନାଙ୍କୁ ମଧ୍ୟ ଗୁରୁତର ଭାବେ ପ୍ରଭାବିତ କରିପାରେ। ଏହି କଥା ପରେ ଦର୍ଶକଙ୍କ ମଧ୍ୟରେ ତାଙ୍କ ତୃତୀୟ ରହସ୍ୟକୁ ନେଇ ଉତ୍ସୁକତା ଆହୁରି ବଢ଼ିଥିଲା।

ଆକାଂକ୍ଷାଙ୍କ ଏହି ଖୁଲାସା ତାଙ୍କ ବ୍ୟକ୍ତିଗତ ଜୀବନକୁ ପୁଣିଥରେ ଚର୍ଚ୍ଚାର କେନ୍ଦ୍ରକୁ ଆଣିଛି। ବିବାହିତ ଜୀବନରେ ମତଭେଦ, ଛାଡ଼ପତ୍ରକୁ ନେଇ ତାଙ୍କ ମତ ଏବଂ ଯୌନତା ସମ୍ପର୍କିତ ତାଙ୍କ ଖୁଲାସା—ସବୁକିଛି ମିଶି ‘ଲକ୍‌ଅପ୍‌ ସିଜିନ୍‌-୨’ର ଚର୍ଚ୍ଚିତ ଘଟଣା ମଧ୍ୟରୁ ଗୋଟିଏ ହୋଇଥିଲା।