Amit Shah / 'ଭାରତ ମାଟିରୁ ମୂଳପୋଛ ହେବ ନକ୍ସଲବାଦ'; BSF ପ୍ରତିଷ୍ଠା ଦିବସରେ ଶତ୍ରୁ ରାଷ୍ଟ୍ରକୁ ଅମିତ ଶାହଙ୍କ ଚେତାବନୀ
Key Points
ନୂଆଦିଲ୍ଲୀ: ଆତଙ୍କବାଦୀ ଓ ନକ୍ସଲଙ୍କୁ କଡ଼ା ବାର୍ତ୍ତା । BSFର ୬୧ତମ ପ୍ରତିଷ୍ଠା ଦିବସ ଚେତାବନୀ ଦେଲେ ସ୍ଵରାଷ୍ଟ ମନ୍ତ୍ରୀ ଅମିତ ଶାହ । କହିଛନ୍ତି, "ଅପରେସନ ସିନ୍ଦୂର ସମୟରେ ସୁରକ୍ଷା ବାହିନୀ ଜୈଶ-ଏ-ମହମ୍ମଦ ଏବଂ ହିଜବୁଲ ମୁଜାହିଦ୍ଦିନ ନେଟୱର୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ ।"
୨୦୨୬ ମାର୍ଚ୍ଚ ୩୧ ସୁଦ୍ଧା ସମଗ୍ର ଦେଶ ହେବ ନକ୍ସଲମୁକ୍ତ । ଭାରତ ମାଟିରୁ ନକ୍ସଲବାଦ ମିଟାଇବାକୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ବଡ଼ ଘୋଷଣା । ଗୁଜରାଟର ଭୁଜ ସ୍ଥିତ ହରିପାର୍ ଠାରେ ଥିବା ବିଏସ୍ଏଫ କ୍ୟାମ୍ପସରେ ସୀମା ସୁରକ୍ଷା ବଳର ୬୧ତମ ପ୍ରତିଷ୍ଠା ଦିବସ ପାଳିତ ହୋଇଛି । ପ୍ରତିଷ୍ଠା ଉତ୍ସବରେ ଦେଶର ଆଭ୍ୟନ୍ତରୀଣ ସୁରକ୍ଷା ଏବଂ ସୀମା ସୁରକ୍ଷା କ୍ଷେତ୍ରରେ ବିଏସ୍ଏଫ୍ର ଅବଦାନକୁ ପ୍ରଶଂସା କରିବା ସହିତ ନକ୍ସଲବାଦର ସମ୍ପୂର୍ଣ୍ଣ ବିଲୋପ ପାଇଁ ସରକାରଙ୍କ ସଂକଳ୍ପକୁ ଦୋହରାଇଛନ୍ତି ଅମିତ ଶାହ ।
ଏଥିସହ ପଢ଼ନ୍ତୁ: ଓ୍ବିଣ୍ଡିର ଆକଳନ ଓଡ଼ିଶାରେ ମାଡ଼ ହୋଇପାରେ ବାତ୍ୟା
ଛତିଶଗଡ଼ରେ ବିଏସ୍ଏଫ୍ ନିକଟରେ ୧୨୭ ମାଓବାଦୀ ଆତ୍ମସମର୍ପଣ କରିଛନ୍ତି । ୭୩ ଜଣ ମାଓବାଦୀଙ୍କୁ ଗିରଫ କରାଯାଇଛି ଏବଂ ୨୨ ଜଣ ମାଓବାଦୀଙ୍କୁ ନିପାତ କରାଯାଇଛି । ବିଏସ୍ଏଫ୍ ଦ୍ୱାରା ପ୍ରାୟ ୧୨ ଲକ୍ଷ ୯୫ ହଜାର ଟି ଟଙ୍କା ମୂଲ୍ୟର ନିଶାଦ୍ରବ୍ୟ ଏବଂ ୧୮,୦୦୦ କିଲୋଗ୍ରାମ ଡ୍ରଗ୍ସ ଜବତ କରାଯାଇଛି । ଯାହା BSFର ବଡ଼ ସଫଳତା ବୋଲି କହିଛନ୍ତି ଅମିତ ଶାହ ।
BSFର ପ୍ରତିଷ୍ଠା ଦିବସରେ ଭୁଜ ମାଟିରୁ ଶତ୍ରୁ ରାଷ୍ଟ୍ରକୁ ସିଧାସଳଖ ଚେତାବନୀ ଦେଇଛନ୍ତି ଅମିତ ଶାହ । ଭାରତର ସୁରକ୍ଷାକୁ ନେଇ କୌଣସି ସାଲିସ କରାଯିବ ନାହିଁ । BSFର କର୍ତ୍ତବ୍ୟ ହେଉଛି ଦେଶର ସୀମାକୁ ସୁରକ୍ଷିତ ରଖିବା । ସୀମାରେ ଲୁଚି ରହିଥିବା ପ୍ରତ୍ୟେକ ଅନୁପ୍ରବେଶକାରୀଙ୍କୁ ଖୋଜି ଖୋଜି ନିପାତ କରାଯିବ । ଅନୁପ୍ରବେଶକାରୀଙ୍କୁ ଚିହ୍ନଟ କରି ଦେଶରୁ ବିତାଡ଼ିତ କରିବା BSFର କର୍ତ୍ତବ୍ୟ ଏବଂ ଏଥିପାଇଁ ସରକାର ଦୃଢ଼ ସଂକଳ୍ପବଦ୍ଧ ।
ଅପରେସନ୍ ସିନ୍ଦୂର ସମୟରେ BSF ଏବଂ ସେନାର ବୀରତା ଯୋଗୁଁ ପାକିସ୍ତାନ ଏକତରଫା ଯୁଦ୍ଧବିରତି ଘୋଷଣା କରିବାକୁ ବାଧ୍ୟ ହୋଇଥିଲା । ଅପରେସନ୍ ସିନ୍ଦୂର ସମଗ୍ର ବିଶ୍ୱକୁ ଏହି ବାର୍ତ୍ତା ଦେଇଛି ଯେ ଭାରତର ସୀମା ଓ ସୁରକ୍ଷା ବଳ ସହିତ କୌଣସି ପ୍ରକାର ସାଲିସ୍ କରାଯିବ ନାହିଁ ।
ଏଥିସହ ପଢ଼ନ୍ତୁ: ଏନକ୍ରିପ୍ଟେଡ୍ ଆପ୍ସରେ ଡକ୍ଟର ମୁଜାମ୍ମିଲକୁ ଆସିଥିଲା ୪୨ ବୋମା ତିଆରି ଭିଡିଓ
ଅପରେସନ୍ ସିନ୍ଦୂରରେ ସୀମା ସୁରକ୍ଷା ବଳର ଅଦ୍ଭୁତପୂର୍ବ ସାହସକୁ ପ୍ରଶଂସା କରିଛନ୍ତି ଅମିତ ଶାହ । ଦେଶକୁ ସୁରକ୍ଷା ଦେବାରେ BSFର ବଳିଦାନ ଏବଂ ସାହସିକତା ପାଇଁ BSFର କର୍ମଚାରୀମାନଙ୍କୁ ଅଭିନନ୍ଦନ ଜଣାଇବା ସହିତ, ରାଷ୍ଟ୍ରର ସୁରକ୍ଷା ତଥା ଯୁବପିଢ଼ିର ଭବିଷ୍ୟତକୁ ସୁରକ୍ଷିତ ରଖିବା ପାଇଁ ସେମାନଙ୍କ ଉପରେ ଆସ୍ଥା ପ୍ରକଟ କରିଛନ୍ତି ।
