Discussion or Ruckus / ଆଲୋଚନା ପାଇଁ ସରକାର ପ୍ରସ୍ତୁତ, ଭାଗ ନିଅନ୍ତୁ ବିରୋଧୀ: ଅମିତ ଶାହ

ନୂଆଦିଲ୍ଲୀ: ସଂସଦରେ ଅଚଳାବସ୍ଥାକୁ ନେଇ ସ୍ଵରାଷ୍ଟ୍ର ମନ୍ତ୍ରୀ ଅମିତ ଶାହଙ୍କ ବଡ଼ ବୟାନ । ସରକାର ସବୁ ପ୍ରକାର ଆଲୋଚନା ପାଇଁ ରାଜି ଅଛନ୍ତି । ବିରୋଧୀ ଆଲୋଚନାରେ ଭାଗ ନିଅନ୍ତୁ । ଜଣାପଡ଼ିଯିବ କିଏ ହଙ୍ଗାମା କରୁଛି ବୋଲି ଅମିତ ଶାହ କହିଛନ୍ତି ।

ସ୍ଵରାଷ୍ଟ୍ର ମନ୍ତ୍ରୀ ଅମିତ ଶାହ କହିଛନ୍ତି, "ସରକାର ଛାତ୍ର ଆନ୍ଦୋଳନ ଉପରେ ଆଲୋଚନା ପାଇଁ ପ୍ରସ୍ତୁତ ଅଛନ୍ତି । ଆମେ ସବୁ ପ୍ରଶ୍ନର ଜବାବ ଦେବା ପାଇଁ ପ୍ରସ୍ତୁତ ଅଛୁ । ସରକାର ଆଜି ୩ଟାରୁ କାଲି ୩ଟା ପର୍ଯ୍ୟନ୍ତ ଚର୍ଚ୍ଚା କରିବେ ।"

ବିରୋଧୀ କେବଳ ହଙ୍ଗାମା କିଭଳି କରିବେ ତାହା ଖୋଜୁଛନ୍ତି । ଚର୍ଚ୍ଚା ହେଲେ ଜନସାଧାରଣଙ୍କ ଆଗରେ ସବୁ କିଛି ସ୍ପଷ୍ଟ ହୋଇଯିବ । ଜନତା ନିଷ୍ପତ୍ତି ନେବେ ଆଲୋଚନା ନ କରି କିଏ ପଳାଉଛି । ସରକାରଙ୍କ ନିକଟରେ ଲୁଚାଇବା ଲାଗି କିଛି ନାହିଁ ବୋଲି କହିଛନ୍ତି ଅମିତ ଶାହ ।

ଏଥିସହ ପଢ଼ନ୍ତୁ: ମନପସନ୍ଦର ଜୀବନସାଥୀ ବାଛି ପାରିବେ ଯୁବକ ଓ ଯୁବତୀ, ସେମାନେ ପିତାମାତାଙ୍କ ସମ୍ପତ୍ତି ନୁହେଁ 

କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ କହିଛନ୍ତି, "ମୁଁ ବିରୋଧୀଙ୍କୁ କହିବାକୁ ଚାହୁଁଛି ଦିନ ୨ଟା ସୁଦ୍ଧା ଲୋକସଭା ଅଧ୍ୟକ୍ଷଙ୍କୁ ପତ୍ର ପ୍ରଦାନ କରନ୍ତୁ । ଆମ ଦିନ ୩ଟାରୁ ଚର୍ଚ୍ଚା ଆରମ୍ଭ କରିବା ଓ ମୁଁ ଆସନ୍ତାକାଲି ଦିନ ୩ଟା ପର୍ଯ୍ୟନ୍ତ ସମସ୍ତ ପ୍ରଶ୍ନର ଉତ୍ତର ରଖିବି । ଏଥିପାଇଁ ନିୟମ ଓ ପ୍ରକ୍ରିୟା ରହିଛି ।"

#WATCH | Delhi: Union Home Minister Amit Shah says, "I want to tell the Opposition: submit a letter to the Speaker by 2:00 PM, we will start the discussion at 3:00 PM, and I will provide answers to everything by 3:00 PM tomorrow. There are established rules and procedures for… pic.twitter.com/Q8ZdZfvxdW

— ANI (@ANI) August 12, 2026

ଅମିତ ଶାହ ଆହୁରି କହିଛନ୍ତି, "କିଛି ଲୋକ ମୋତେ କେବଳ ଏକ ବୟାନ ଦେବାକୁ କହିଛନ୍ତି । ଏତେ ବଡ଼ ଗମ୍ଭୀର ପ୍ରସଙ୍ଗରେ ଏଭଳି ଚର୍ଚ୍ଚା ହୁଏ ନାହିଁ, ଏହା ଆପଣଙ୍କ ତରିକା ହୋଇପାରେ, କିନ୍ତୁ ଏହା ସଂସଦର ପ୍ରକ୍ରିୟା ନୁହେଁ । ସଂସଦରେ ବିସ୍ତୃତ ଭାବେ ଚର୍ଚ୍ଚା ହୁଏ । ଆଜି ଦିନ ୩ଟାରୁ ଚର୍ଚ୍ଚା ପାଇଁ ପ୍ରସ୍ତୁତ ଅଛି ।"

ବିଳମ୍ବିତ ରାତି କିମ୍ବା ଆସନ୍ତାକାଲି ଦିନ ୩ଟା ପର୍ଯ୍ୟନ୍ତ ଚର୍ଚ୍ଚା ପାଇଁ ପ୍ରସ୍ତୁତ ରହିଛି । ଯଦି ବାଚସ୍ପତି ଅନୁମତି ଦିଅନ୍ତି ତାହେଲେ ପ୍ରଶ୍ନକାଳ ସ୍ଥଗିତ କରାଯାଇ ପାରିବ । ମୁଁ ନିଜେ ଉପସ୍ଥିତ ରହିବ ପ୍ରତିଟି କଥାର ପ୍ରତିଟି ବିନ୍ଦୁର ଉତ୍ତର ରଖିବି । ଯେଭଳି ଦେଶବାସୀଙ୍କ ସାମ୍ନାରେ ପ୍ରସଙ୍ଗ ସ୍ପଷ୍ଟ ହେବ, ସମସ୍ତ ସତ ସାମ୍ନାକୁ ଆସିବ । ବିରୋଧୀ ନିଶ୍ଚିତ କରନ୍ତୁ ସେମାନେ ଆଲୋଚନା କରିବେ ନା ହଙ୍ଗାମା ବୋଲି କହିଛନ୍ତି ସ୍ଵରାଷ୍ଟ୍ର ମନ୍ତ୍ରୀ ଅମିତ ଶାହ ।